헬라어 텍스트

Polybius, Histories, book 5, chapter 87

(폴리비오스, Histories, book 5, chapter 87)

Ἀντίοχοσ δὲ παραγενόμενοσ εἰσ τὴν ἐπώνυμον αὑτοῦ πόλιν εὐθέωσ ἐξέπεμψε τοὺσ περὶ τὸν Ἀντίπατρον τὸν ἀδελφιδοῦν καὶ Θεόδοτον τὸν ἡμιόλιον πρεσβευτὰσ πρὸσ τὸν Πτολεμαῖον ὑπὲρ εἰρήνησ καὶ διαλύσεωσ, ἀγωνιῶν τὴν τῶν ὑπεναντίων ἔφοδον· ἠπίστει μὲν γὰρ τοῖσ ὄχλοισ διὰ τὸ γεγονὸσ ἐλάττωμα περὶ αὐτόν, ἐφοβεῖτο δὲ τὸν Ἀχαιὸν μὴ συνεπίθηται τοῖσ καιροῖσ.

Πτολεμαῖοσ δὲ τούτων οὐδὲν συλλογιζόμενοσ, ἀλλ’ ἀσμενίζων ἐπὶ τῷ γεγονότι προτερήματι διὰ τὸ παράδοξον καὶ συλλήβδην ἐπὶ τῷ Κοίλην Συρίαν ἐκτῆσθαι παραδόξωσ, οὐκ ἀλλότριοσ ἦν τῆσ ἡσυχίασ, ἀλλ’ ὑπὲρ τὸ δέον οἰκεῖοσ, ἑλκόμενοσ ὑπὸ τῆσ συνήθουσ ἐν τῷ βίῳ ῥᾳθυμίασ καὶ καχεξίασ.

πλὴν παραγενομένων τῶν περὶ τὸν Ἀντίπατρον, βραχέα προσαναταθεὶσ καὶ καταμεμψάμενοσ ἐπὶ τοῖσ πεπραγμένοισ τὸν Ἀντίοχον, συνεχώρησε σπονδὰσ ἐνιαυσίουσ.

παράδοξον τοῖσ ἐν τῇ βασιλείᾳ πρὸσ τὴν τοῦ λοιποῦ βίου προαίρεσιν τέλοσ ἐπιτεθεικὼσ τῷ πολέμῳ.

Ἀντίοχοσ δὲ τὰ περὶ τὰσ σπονδὰσ ἀσφαλισάμενοσ πρὸσ τὸν Σωσίβιον, ἐγίνετο κατὰ τὴν ἐξ ἀρχῆσ πρόθεσιν περὶ τὴν ἐπὶ τὸν Ἀχαιὸν παρασκευήν.

Τὰ μὲν οὖν κατὰ τὴν Ἀσίαν ἐν τούτοισ ἦν.