헬라어 문장 검색 - ΠολψβίΗιστορί05́054́

(폴리비오스, Histories, book 5, chapter 54)

δεξιὸν αὐτὸσ εἶχε. μετὰ δὲ ταῦτα ποιησαμένων τῶν δυνάμεων τὴν ἐπαγωγήν, τὸ μὲν δεξιὸν κέρασ τοῦ Μόλωνοσ διετήρησε τὴν πίστιν καὶ συνέβαλε τοῖσ περὶ τὸν Ζεῦξιν ἐρρωμένωσ, τὸ δ’ εὐώνυμον ἅμα τῷ συνιὸν εἰσ ὄψιν ἐλθεῖν τῷ βασιλεῖ μετεβάλετο πρὸσ τοὺσ πολεμίουσ· οὗ γενομένου συνέβη τοὺσ μὲν περὶ τὸν Μόλωνα διατραπῆναι, τοὺσ δὲ τοῦ βασιλέωσ ἐπιρρωσθῆναι διπλασίωσ.

ὁ δὲ Μόλων συννοήσασ τὸ γεγονὸσ καὶ πανταχόθεν ἤδη κυκλούμενοσ, λαβὼν πρὸ ὀφθαλμῶν τὰσ ἐσομένασ περὶ αὑτὸν αἰκίασ, ἐὰν ὑποχείριοσ γένηται καὶ ζωγρίᾳ ληφθῇ, προσήνεγκε τὰσ χεῖρασ ἑαυτῷ.

παραπλησίωσ δὲ καὶ πάντεσ οἱ κοινωνήσαντεσ τῆσ ἐπιβολῆσ, φυγόντεσ εἰσ τοὺσ οἰκείουσ ἕκαστοι τόπουσ, τὴν αὐτὴν ἐποιήσαντο τοῦ βίου καταστροφήν.

ὁ δὲ Νεόλαοσ, ἀποφυγὼν ἐκ τῆσ μάχησ καὶ παραγενόμενοσ εἰσ τὴν Περσίδα πρὸσ Ἀλέξανδρον τὸν τοῦ Μόλωνοσ ἀδελφόν, τὴν μὲν μητέρα καὶ τὰ τοῦ Μόλωνοσ τέκνα κατέσφαξε, μετὰ δὲ τὸν τούτων θάνατον ἐπικατέσφαξεν αὑτόν, πείσασ τὸ παραπλήσιον ποιῆσαι καὶ τὸν Ἀλέξανδρον.

ὁ δὲ βασιλεὺσ διαρπάσασ τὴν παρεμβολὴν τῶν πολεμίων, τὸ μὲν σῶμα τοῦ Μόλωνοσ ἀνασταυρῶσαι προσέταξε κατὰ τὸν ἐπιφανέστατον τόπον τῆσ Μηδίασ.

ὃ καὶ παραχρῆμα συνετέλεσαν οἱ πρὸσ τούτοισ τεταγμένοι·

διακομίσαντεσ γὰρ εἰσ τὴν Καλλωνῖτιν πρὸσ αὐταῖσ ἀνεσταύρωσαν ταῖσ εἰσ τὸν Ζάγρον ἀναβολαῖσ· μετὰ ταῦτα δὲ ταῖσ δυνάμεσιν ἐπιτιμήσασ διὰ πλειόνων καὶ δοὺσ δεξιὰν συνέστησε τοὺσ ἀποκομιοῦντασ αὐτοὺσ εἰσ Μηδίαν καὶ καταστησομένουσ τὰ κατὰ τὴν χώραν.

αὐτὸσ δὲ καταβὰσ εἰσ Σελεύκειαν καθίστατο τὰ κατὰ τὰσ πέριξ σατραπείασ, ἡμέρωσ χρώμενοσ πᾶσι καὶ νουνεχῶσ.

Ἑρμείασ δὲ τηρῶν τὴν αὑτοῦ προαίρεσιν ἐπέφερε μὲν αἰτίασ τοῖσ ἐν τῇ Σελευκείᾳ καὶ χιλίοισ ἐζημίου ταλάντοισ τὴν πόλιν, ἐφυγάδευε δὲ τοὺσ καλουμένουσ Ἀδειγάνασ, ἀκρωτηριάζων δὲ καὶ φονεύων καὶ στρεβλῶν πολλοὺσ διέφθειρε τῶν Σελευκέων.

ἃ μόλισ βασιλεύσ, τὰ μὲν πείθων τὸν Ἑρμείαν, ἃ δὲ καὶ κατὰ τὴν αὑτοῦ γνώμην χειρίζων, τέλοσ ἐπράϋνε καὶ κατέστησε τὴν πόλιν, ἑκατὸν καὶ πεντήκοντα τάλαντα μόνον ἐπιτίμιον αὐτοὺσ πραξάμενοσ τῆσ ἀγνοίασ.

ταῦτα δὲ διοικήσασ Διογένην μὲν στρατηγὸν ἀπέλιπε Μηδίασ, Ἀπολλόδωρον δὲ τῆσ Σουσιανῆσ·

Τύχωνα δὲ τὸν ἀρχιγραμματέα τῆσ δυνάμεωσ στρατηγὸν ἐπὶ τοὺσ κατὰ τὴν Ἐρυθρὰν θάλατταν τόπουσ ἐξαπέστειλε. Τὰ μὲν οὖν κατὰ τὴν Μόλωνοσ ἀπόστασιν καὶ τὸ διὰ ταῦτα γενόμενον κίνημα περὶ τὰσ ἄνω σατραπείασ τοιαύτησ ἔτυχε διορθώσεωσ καὶ καταστάσεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 5, chapter 54

(폴리비오스, Histories, book 5, chapter 54)

상위

목록

SEARCH

MENU NAVIGATION