헬라어 텍스트

Polybius, Histories, book 5, chapter 53

(폴리비오스, Histories, book 5, chapter 53)

γεγενημένην ἐν αὐτοῖσ ταραχήν· ὁ δὲ βασιλεὺσ ἕτοιμοσ ὢν πρὸσ τὸν κίνδυνον ἅμα τῷ φωτὶ τὴν δύναμιν ἐκίνει πᾶσαν ἐκ τοῦ χάρακοσ. ἐπὶ μὲν οὖν τοῦ δεξιοῦ κέρωσ ἔταξε πρώτουσ τοὺσ ξυστοφόρουσ ἱππεῖσ, ἐπιστήσασ Ἄρδυν, κεκριμένον ἄνδρα περὶ τὰσ πολεμικὰσ πράξεισ·

τούτοισ δὲ παρέθηκε τοὺσ συμμαχικοὺσ Κρῆτασ, ὧν εἴχοντο Γαλάται Ῥιγόσαγεσ·

παρὰ δὲ τούτουσ ἔθηκε τοὺσ ἀπὸ τῆσ Ἑλλάδοσ ξένουσ καὶ μισθοφόρουσ, οἷσ ἑπόμενον παρενέβαλε τὸ τῆσ φάλαγγοσ σύστημα. τὸ δ’ εὐώνυμον κέρασ ἀπέδωκε τοῖσ Ἑταίροισ προσαγορευομένοισ, οὖσιν ἱππεῦσι.

τὰ δὲ θηρία πρὸ τῆσ δυνάμεωσ ἐν διαστήμασι κατέστησε, δέκα τὸν ἀριθμὸν ὄντα. τὰ δ’ ἐπιτάγματα τῶν πεζῶν καὶ τῶν ἱππέων ἐπὶ τὰ κέρατα μερίσασ κυκλοῦν παρήγγειλε τοὺσ πολεμίουσ, ἐπειδὰν συμβάλωσι.

μετὰ δὲ ταῦτα παρεκάλει τὰσ δυνάμεισ ἐπιπορευόμενοσ διὰ βραχέων τὰ πρέποντα τοῖσ καιροῖσ.

καὶ τὸ μὲν εὐώνυμον κέρασ Ἑρμείᾳ καὶ Ζεύξιδι παρέδωκε, τὸ δὲ δεξιὸν αὐτὸσ εἶχε. ταραχώδη δὲ καὶ τὴν ἔκταξιν διὰ τὴν ἐν τῇ νυκτὶ προγεγενημένην ἀλογίαν·

οὐ μὴν ἀλλὰ τοὺσ μὲν ἱππεῖσ ἐφ’ ἑκάτερον ἐμερίσατο κέρασ, στοχαζόμενοσ τῆσ τῶν ὑπεναντίων παρατάξεωσ, τοὺσ δὲ θυρεαφόρουσ καὶ Γαλάτασ καὶ καθόλου τὰ βαρέα τῶν ὅπλων εἰσ τὸν μεταξὺ τόπον ἔθηκε τῶν ἱππέων.

τὰ δὲ δρεπανηφόρα τῶν ἁρμάτων προεβάλετο τῆσ δυνάμεωσ ἐν διαστάσει.