헬라어 텍스트

Polybius, Histories, book 5, chapter 29

(폴리비오스, Histories, book 5, chapter 29)

εἰσ Ἄρατον γενομένην ἐξ αὐτῶν ἀσέλγειαν· ἅμα δὲ προσπιπτούσησ αὐτοῖσ τῆσ τε περὶ τοὺσ πελταστὰσ γενομένησ ταραχῆσ καὶ τῆσ τῶν περὶ τὸν Ἀπελλῆν καὶ Λεόντιον ἀπωλείασ ἐλπίσαντεσ μέγα τι καὶ δυσχερὲσ κίνημα περὶ τὴν αὐλὴν εἶναι, παρεῖλκον ὑπερτιθέμενοι τὴν ἐπὶ τὸ Ῥίον ταχθεῖσαν ἡμέραν.

ὁ δὲ Φίλιπποσ, ἀσμένωσ ἐπιλαβόμενοσ τῆσ προφάσεωσ ταύτησ διὰ τὸ θαρρεῖν ἐπὶ τῷ πολέμῳ, καὶ προδιειληφὼσ ἀποτρίβεσθαι τὰσ διαλύσεισ, τότε παρακαλέσασ τοὺσ ἀπηντηκότασ τῶν συμμάχων οὐ τὰ πρὸσ διαλύσεισ πράττειν, ἀλλὰ τὰ πρὸσ τὸν πόλεμον, ἀναχθεὶσ αὖτισ ἀπέπλευσεν εἰσ τὸν Κόρινθον.

καὶ τοὺσ μὲν Μακεδόνασ διὰ Θετταλίασ ἀπέλυσε πάντασ εἰσ τὴν οἰκείαν παραχειμάσοντασ, αὐτὸσ δ’ ἀναχθεὶσ ἐκ Κεγχρεῶν, καὶ παρὰ τὴν Ἀττικὴν κομισθεὶσ δι’ Εὐρίπου, κατέπλευσεν εἰσ Δημητριάδα·

κἀκεῖ Πτολεμαῖον, ὃσ ἦν ἔτι λοιπὸσ τῆσ τῶν περὶ τὸν Λεόντιον ἑταιρείασ, κρίνασ ἐν τοῖσ Μακεδόσιν ἀπέκτεινε.

Ἀντίοχοσ δὲ τὰ πλεῖστα μέρη Κοίλησ Συρίασ κατεστραμμένοσ αὖτισ εἰσ παραχειμασίαν ἀνέλυσε, Λυκοῦργοσ δ’ ὁ βασιλεὺσ τῶν Λακεδαιμονίων εἰσ Αἰτωλίαν ἔφυγε, καταπλαγεὶσ τοὺσ ἐφόρουσ.

οἱ γὰρ ἔφοροι, προσπεσούσησ αὐτοῖσ ψευδοῦσ διαβολῆσ, ὡσ μέλλοντοσ αὐτοῦ νεωτερίζειν, ἁθροίσαντεσ τοὺσ νέουσ νυκτὸσ ἦλθον ἐπὶ τὴν οἰκίαν·

ὁ δὲ προαισθόμενοσ ἐξεχώρησε μετὰ τῶν ἰδίων οἰκετῶν.