헬라어 텍스트

Polybius, Histories, book 5, chapter 14

(폴리비오스, Histories, book 5, chapter 14)

ἀποπειρώμενοσ τῶν ἔνδον· ἐπυνθάνετο γὰρ εἰσ τὸν Στράτον συνδεδραμηκέναι τῶν Αἰτωλῶν πεζοὺσ μὲν εἰσ τρισχιλίουσ, ἱππεῖσ δὲ περὶ τετρακοσίουσ, Κρῆτασ δ’ εἰσ πεντακοσίουσ. οὐδενὸσ δ’ ἐπεξιέναι τολμῶντοσ, αὖτισ ἀρξάμενοσ ἐκίνει τοὺσ πρώτουσ, ποιούμενοσ τὴν πορείαν ὡσ ἐπὶ τὴν Λιμναίαν καὶ τὰσ ναῦσ.

ἅμα δὲ τῷ τὴν οὐραγίαν παραλλάξαι τὴν πόλιν τὸ μὲν πρῶτον ὀλίγοι τῶν Αἰτωλικῶν ἱππέων ἐξελθόντεσ κατεπείραζον τῶν ἐσχάτων·

ἐπεὶ δὲ τό τε τῶν Κρητῶν πλῆθοσ ἐκ τῆσ πόλεωσ καί τινεσ τῶν Αἰτωλικῶν συνῆψαν τοῖσ αὑτῶν ἱππεῦσι, γινομένησ ὁλοσχερεστέρασ συμπλοκῆσ, ἠναγκάσθησαν ἐκ μεταβολῆσ οἱ περὶ τὴν οὐραγίαν κινδυνεύειν.

τὸ μὲν οὖν πρῶτον ἀμφοτέρων ἐφάμιλλοσ ἦν ὁ κίνδυνοσ·

προσβοηθησάντων δὲ τοῖσ παρὰ τοῦ Φιλίππου μισθοφόροισ τῶν Ἰλλυριῶν, ἐνέκλιναν καὶ σποράδην ἔφευγον οἱ τῶν Αἰτωλῶν ἱππεῖσ καὶ μισθοφόροι. καὶ τὸ μὲν πολὺ μέροσ αὐτῶν ἑώσ εἰσ τὰσ πύλασ καὶ πρὸσ τὰ τείχη συνεδίωξαν οἱ παρὰ τοῦ βασιλέωσ, κατέβαλον δ’ εἰσ ἑκατόν.

ἀπὸ δὲ ταύτησ τῆσ χρείασ λοιπὸν οἱ μὲν ἐκ τῆσ πόλεωσ τὴν ἡσυχίαν ἦγον, οἱ δ’ ἀπὸ τῆσ οὐραγίασ ἀσφαλῶσ συνῆψαν πρὸσ τὸ στρατόπεδον καὶ τὰσ ναῦσ.

Ὁ δὲ Φίλιπποσ καταστρατοπεδεύσασ ἐν ὡρ́ᾳ τοῖσ θεοῖσ ἔθυεν εὐχαριστήρια τῆσ γεγενημένησ αὐτῷ περὶ τὴν ἐπιβολὴν εὐροίασ, ἅμα δὲ καὶ τοὺσ ἡγεμόνασ ἐκάλει, βουλόμενοσ ἑστιᾶσαι πάντασ.

ἐδόκει γὰρ εἰσ τόπουσ αὑτὸν δεδωκέναι παραβόλουσ καὶ τοιούτουσ, εἰσ οὓσ οὐδεὶσ ἐτόλμησε πρότερον στρατοπέδῳ παρεμβαλεῖν.

ὁ δ’ οὐ μόνον ἐνέβαλε μετὰ τῆσ δυνάμεωσ, ἀλλὰ καὶ πᾶν ὃ προέθετο συντελεσάμενοσ ἀσφαλῶσ ἐποιήσατο τὴν ἐπάνοδον.

δι’ ἃ περιχαρὴσ ὢν οὗτοσ μὲν ἐγίνετο περὶ τὴν τῶν ἡγεμόνων ὑποδοχήν· ἀλλὰ τῶν πραγμάτων αὐτοῖσ κατὰ τοὐναντίον προχωρούντων, διεσφαλμένοι προφανῶσ.

ἀλλ’ ἧκόν γε πρὸσ τὸ δεῖπνον.