헬라어 문장 검색 - ΠολψβίΗιστορί02́052́

(폴리비오스, Histories, book 2, chapter 52)

χάριν τῆσ περὶ τῶν πίστεων ἐπισκέψεωσ. ὁ δὲ Κλεομένησ καταπληξάμενοσ τοῖσ προειρημένοισ εὐτυχήμασι λοιπὸν ἀδεῶσ ἐπεπορεύετο τὰσ πόλεισ, ἃσ μὲν πείθων αἷσ δὲ τὸν φόβον ἀνατεινόμενοσ. Πελλήνην, Φενεόν, Ἄργοσ, Φλιοῦντα, Κλεωνάσ, Ἐπίδαυρον, Ἑρμιόνα, Τροίζηνα, τελευταῖον Κόρινθον, αὐτὸσ μὲν προσεστρατοπέδευσε τῇ τῶν Σικυωνίων πόλει, τοὺσ δ’ Ἀχαιοὺσ ἀπέλυσε τοῦ μεγίστου προβλήματοσ.

τῶν γὰρ Κορινθίων τῷ μὲν Ἀράτῳ στρατηγοῦντι καὶ τοῖσ Ἀχαιοῖσ παραγγειλάντων ἐκ τῆσ πόλεωσ ἀπαλλάττεσθαι, πρὸσ δὲ τὸν Κλεομένη διαπεμπομένων καὶ καλούντων, παρεδόθη τοῖσ Ἀχαιοῖσ ἀφορμὴ καὶ πρόφασισ εὔλογοσ.

ἧσ ἐπιλαβόμενοσ Ἄρατοσ καὶ προτείνασ Ἀντιγόνῳ τὸν Ἀκροκόρινθον, κατεχόντων Ἀχαιῶν τότε τὸν τόπον τοῦτον, ἔλυσε μὲν τὸ γεγονὸσ ἔγκλημα πρὸσ τὴν οἰκίαν, ἱκανὴν δὲ πίστιν παρέσχετο τῆσ πρὸσ τὰ μέλλοντα κοινωνίασ, τὸ δὲ συνέχον, ὁρμητήριον παρεσκεύασεν Ἀντιγόνῳ πρὸσ τὸν κατὰ Λακεδαιμονίων πόλεμον.

Ὁ δὲ Κλεομένησ ἐπιγνοὺσ τοὺσ Ἀχαιοὺσ συντιθεμένουσ τὰ πρὸσ τὸν Ἀντίγονον, ἀναζεύξασ ἀπὸ τοῦ Σικυῶνοσ κατεστρατοπέδευσε περὶ τὸν Ἰσθμόν, διαλαβὼν χάρακι καὶ τάφρῳ τὸν μεταξὺ τόπον τοῦ τ’ Ἀκροκορίνθου καὶ τῶν Ὀνείων καλουμένων ὀρῶν, πᾶσαν ἤδη βεβαίωσ περιειληφὼσ ταῖσ ἐλπίσι τὴν Πελοποννησίων ἀρχήν.

Ἀντίγονοσ δὲ πάλαι μὲν ἦν ἐν παρασκευῇ, καραδοκῶν τὸ μέλλον κατὰ τὰσ ὑποθέσεισ τὰσ Ἀράτου·

τότε δὲ συλλογιζόμενοσ ἐκ τῶν προσπιπτόντων ὅσον οὔπω παρεῖναι τὸν Κλεομένη μετὰ τῆσ δυνάμεωσ εἰσ Θετταλίαν, διαπεμψάμενοσ πρόσ τε τὸν Ἄρατον καὶ τοὺσ Ἀχαιοὺσ ὑπὲρ τῶν ὡμολογημένων ἧκεν ἔχων τὰσ δυνάμεισ διὰ τῆσ Εὐβοίασ ἐπὶ τὸν Ἰσθμόν.

οἱ γὰρ Αἰτωλοὶ πρὸσ τοῖσ ἄλλοισ καὶ τότε βουλόμενοι κωλῦσαι τὸν Ἀντίγονον τῆσ βοηθείασ, ἀπεῖπον αὐτῷ πορεύεσθαι μετὰ δυνάμεωσ ἐντὸσ Πυλῶν·

εἰ δὲ μή, διότι κωλύσουσι μεθ’ ὅπλων αὐτοῦ τὴν δίοδον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 2, chapter 52

(폴리비오스, Histories, book 2, chapter 52)

상위

목록

SEARCH

MENU NAVIGATION