헬라어 문장 검색 - Παυσαν́Δεσξριπ́1́32́

(파우사니아스, Description of Greece, Ἀττικά, chapter 32)

ὄρη δὲ Ἀθηναίοισ ἐστὶ Πεντελικὸν ἔνθα λιθοτομίαι, καὶ Πάρνησ παρεχομένη θήραν συῶν ἀγρίων καὶ ἄρκτων, καὶ Ὑμηττὸσ ὃσ φύει νομὰσ μελίσσαισ ἐπιτηδειοτάτασ πλὴν τῆσ Ἀλαζώνων. Ἀλαζῶσι γὰρ συνήθεισ ὁμοῦ τοῖσ ἄλλοισ ἐσ νομὰσ ἰοῦσιν εἰσὶν ἄφετοι καὶ μέλισσαι, οὐδὲ σφᾶσ ἐσ σίμβλουσ καθείρξαντεσ ἔχουσιν·

αἱ δὲ ἐργάζονταί τε ὡσ ἔτυχον τῆσ χώρασ καὶ συμφυὲσ τὸ ἔργον αὐταῖσ ἐστιν, ἰδίᾳ δὲ οὔτε κηρὸν οὔτε μέλι ἀπ’ αὐτοῦ ποιήσεισ. τοῦτο μὲν τοιοῦτόν ἐστιν, Ἀθηναίοισ δὲ τὰ ὄρη καὶ θεῶν ἀγάλματα ἔχει· Πεντελῆσι μὲν Ἀθηνᾶσ, ἐν Ὑμηττῷ δὲ ἄγαλμά ἐστιν Ὑμηττίου Διόσ, βωμοὶ δὲ καὶ Ὀμβρίου Διὸσ καὶ Ἀπόλλωνόσ εἰσι Προοψίου.

καὶ ἐν Πάρνηθι Παρνήθιοσ Ζεὺσ χαλκοῦσ ἐστι καὶ βωμὸσ Σημαλέου Διόσ· ἔστι δὲ ἐν τῇ Πάρνηθι καὶ ἄλλοσ βωμόσ, θύουσι δὲ ἐπ’ αὐτοῦ τοτὲ μὲν Ὄμβριον τοτὲ δὲ Ἀπήμιον καλοῦντεσ Δία. καὶ Ἀγχεσμὸσ ὄροσ ἐστὶν οὐ μέγα καὶ Διὸσ ἄγαλμα Ἀγχεσμίου. πρὶν δὲ ἢ τῶν νήσων ἐσ ἀφήγησιν τραπέσθαι, τὰ ἐσ τοὺσ δήμουσ ἔχοντα αὖθισ ἐπέξειμι.

δῆμόσ ἐστι Μαραθὼν ἴσον τῆσ πόλεωσ τῶν Ἀθηναίων ἀπέχων καὶ Καρύστου τῆσ ἐν Εὐβοίᾳ· ταύτῃ τῆσ Ἀττικῆσ ἔσχον οἱ βάρβαροι καὶ μάχῃ τε ἐκρατήθησαν καί τινασ ὡσ ἀνήγοντο ἀπώλεσαν τῶν νεῶν. τάφοσ δὲ ἐν τῷ πεδίῳ Ἀθηναίων ἐστίν, ἐπὶ δὲ αὐτῷ στῆλαι τὰ ὀνόματα τῶν ἀποθανόντων κατὰ φυλὰσ ἑκάστων ἔχουσαι, καὶ ἕτεροσ Πλαταιεῦσι Βοιωτῶν καὶ δούλοισ· ἐμαχέσαντο γὰρ καὶ δοῦλοι τότε πρῶτον. καὶ ἀνδρόσ ἐστιν ἰδίᾳ μνῆμα Μιλτιάδου τοῦ Κίμωνοσ, συμβάσησ ὕστερόν οἱ τῆσ τελευτῆσ Πάρου τε ἁμαρτόντι καὶ δι’ αὐτὸ ἐσ κρίσιν Ἀθηναίοισ καταστάντι.

ἐνταῦθα ἀνὰ πᾶσαν νύκτα καὶ ἵππων χρεμετιζόντων καὶ ἀνδρῶν μαχομένων ἔστιν αἰσθέσθαι· καταστῆναι δὲ ἐσ ἐναργῆ θέαν ἐπίτηδεσ μὲν οὐκ ἔστιν ὅτῳ συνήνεγκεν, ἀνηκόῳ δὲ ὄντι καὶ ἄλλωσ συμβὰν οὐκ ἔστιν ἐκ τῶν δαιμόνων ὀργή.

σέβονται δὲ οἱ Μαραθώνιοι τούτουσ τε οἳ παρὰ τὴν μάχην ἀπέθανον ἡρ́ωασ ὀνομάζοντεσ καὶ Μαραθῶνα ἀφ’ οὗ τῷ δήμῳ τὸ ὄνομά ἐστι καὶ Ἡρακλέα, φάμενοι πρώτοισ Ἑλλήνων σφίσιν Ἡρακλέα θεὸν νομισθῆναι. συνέβη δὲ ὡσ λέγουσιν ἄνδρα ἐν τῇ μάχῃ παρεῖναι τὸ εἶδοσ καὶ τὴν σκευὴν ἄγροικον·

οὗτοσ τῶν βαρβάρων πολλοὺσ καταφονεύσασ ἀρότρῳ μετὰ τὸ ἔργον ἦν ἀφανήσ· ἐρομένοισ δὲ Ἀθηναίοισ ἄλλο μὲν ὁ θεὸσ ἐσ αὐτὸν ἔχρησεν οὐδέν, τιμᾶν δὲ Ἐχετλαῖον ἐκέλευσεν ἡρ́ωα. πεποίηται δὲ καὶ τρόπαιον λίθου λευκοῦ. τοὺσ δὲ Μήδουσ Ἀθηναῖοι μὲν θάψαι λέγουσιν ὡσ πάντωσ ὅσιον ἀνθρώπου νεκρὸν γῇ κρύψαι, τάφον δὲ οὐδένα εὑρεῖν ἐδυνάμην· οὔτε γὰρ χῶμα οὔτε ἄλλο σημεῖον ἦν ἰδεῖν, ἐσ ὄρυγμα δὲ φέροντεσ σφᾶσ ὡσ τύχοιεν ἐσέβαλον. ἔστι δὲ ἐν τῷ Μαραθῶνι πηγὴ καλουμένη Μακαρία, καὶ τοιάδε ἐσ αὐτὴν λέγουσιν.

Ἡρακλῆσ ὡσ ἐκ Τίρυνθοσ ἔφευγεν Εὐρυσθέα, παρὰ Κήυκα φίλον ὄντα μετοικίζεται βασιλεύοντα Τραχῖνοσ. ἐπεὶ δὲ ἀπελθόντοσ ἐξ ἀνθρώπων Ἡρακλέουσ ἐξῄτει τοὺσ παῖδασ Εὐρυσθεύσ, ἐσ Ἀθήνασ πέμπει σφᾶσ ὁ Τραχίνιοσ ἀσθένειάν τε λέγων τὴν αὑτοῦ καὶ Θησέα οὐκ ἀδύνατον εἶναι τιμωρεῖν· ἀφικόμενοι δὲ οἱ παῖδεσ ἱκέται πρῶτον τότε Πελοποννησίοισ ποιοῦσι πόλεμον πρὸσ Ἀθηναίουσ, Θησέωσ σφᾶσ οὐκ ἐκδόντοσ αἰτοῦντι Εὐρυσθεῖ. λέγουσι δὲ Ἀθηναίοισ γενέσθαι χρησμὸν τῶν παίδων ἀποθανεῖν χρῆναι τῶν Ἡρακλέουσ τινὰ ἐθελοντήν, ἐπεὶ ἄλλωσ γε οὐκ εἶναι νίκην σφίσιν·

ἐνταῦθα Μακαρία Δηιανείρασ καὶ Ἡρακλέουσ θυγάτηρ ἀποσφάξασα ἑαυτὴν ἔδωκεν Ἀθηναίοισ τε κρατῆσαι τῷ πολέμῳ καὶ τῇ πηγῇ τὸ ὄνομα ἀφ’ αὑτῆσ. ἔστι δὲ ἐν τῷ Μαραθῶνι λίμνη τὰ πολλὰ ἑλώδησ·

ἐσ ταύτην ἀπειρίᾳ τῶν ὁδῶν φεύγοντεσ ἐσπίπτουσιν οἱ βάρβαροι, καί σφισι τὸν φόνον τὸν πολὺν ἐπὶ τούτῳ συμβῆναι λέγουσιν· ὑπὲρ δὲ τὴν λίμνην φάτναι εἰσὶ λίθου τῶν ἵππων τῶν Ἀρταφέρνουσ καὶ σημεῖα ἐν πέτραισ σκηνῆσ. ῥεῖ δὲ καὶ ποταμὸσ ἐκ τῆσ λίμνησ, τὰ μὲν πρὸσ αὐτῇ τῇ λίμνῃ βοσκήμασιν ὕδωρ ἐπιτήδειον παρεχόμενοσ, κατὰ δὲ τὴν ἐκβολὴν τὴν ἐσ τὸ πέλαγοσ ἁλμυρὸσ ἤδη γίνεται καὶ ἰχθύων τῶν θαλασσίων πλήρησ. ὀλίγον δὲ ἀπωτέρω τοῦ πεδίου Πανόσ ἐστιν ὄροσ καὶ σπήλαιον θέασ ἄξιον· ἔσοδοσ μὲν ἐσ αὐτὸ στενή, παρελθοῦσι δέ εἰσιν οἶκοι καὶ λουτρὰ καὶ καλούμενον Πανὸσ αἰπόλιον, πέτραι τὰ πολλὰ αἰξὶν εἰκασμέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 32

(파우사니아스, Description of Greece, Ἀττικά, chapter 32)

상위

목록

SEARCH

MENU NAVIGATION