Pausanias, Description of Greece, Ἀττικά, chapter 36

(파우사니아스, Description of Greece, Ἀττικά, chapter 36)

ἐν Σαλαμῖνι δὲ ‐ ἐπάνειμι γὰρ ἐσ τὸν προκείμενον λόγον ‐ τοῦτο μὲν Ἀρτέμιδόσ ἐστιν ἱερόν, τοῦτο δὲ τρόπαιον ἕστηκεν ἀπὸ τῆσ νίκησ ἣν Θεμιστοκλῆσ ὁ Νεοκλέουσ αἴτιοσ ἐγένετο γενέσθαι τοῖσ Ἕλλησι· καὶ Κυχρέωσ ἐστὶν ἱερόν. ναυμαχούντων δὲ Ἀθηναίων πρὸσ Μήδουσ δράκοντα ἐν ταῖσ ναυσὶ λέγεται φανῆναι· τοῦτον ὁ θεὸσ ἔχρησεν Ἀθηναίοισ Κυχρέα εἶναι τὸν ἡρ́ωα. νῆσοσ δὲ πρὸ Σαλαμῖνόσ ἐστι καλουμένη Ψυττάλεια·

ἐσ ταύτην τῶν βαρβάρων ὅσον τετρακοσίουσ ἀποβῆναι λέγουσιν, ἡττωμένου δὲ τοῦ Ξέρξου ναυτικοῦ καὶ τούτουσ ἀπολέσθαι φασὶν ἐπιδιαβάντων ἐσ τὴν Ψυττάλειαν τῶν Ἑλλήνων. ἄγαλμα δὲ ἐν τῇ νήσῳ σὺν τέχνῃ μέν ἐστιν οὐδέν, Πανὸσ δὲ ὡσ ἕκαστον ἔτυχε ξόανα πεποιημένα. ἰοῦσι δὲ ἐπ’ Ἐλευσῖνα ἐξ Ἀθηνῶν ἣν Ἀθηναῖοι καλοῦσιν ὁδὸν ἱεράν, Ἀνθεμοκρίτου πεποίηται μνῆμα.

ἐσ τοῦτον Μεγαρεῦσίν ἐστιν ἀνοσιώτατον ἔργον, οἳ κήρυκα ἐλθόντα, ὡσ μὴ τοῦ λοιποῦ τὴν χώραν ἐπεργάζοιντο, κτείνουσιν Ἀνθεμόκριτον· μόνοισ ἐπήρκεσεν Ἑλλήνων.

μετὰ δὲ τοῦ Ἀνθεμοκρίτου τὴν στήλην Μολοττοῦ τε τάφοσ ἐστὶν ἀξιωθέντοσ Ἀθηναίων καὶ τούτου στρατηγεῖν, ὅτε Πλουτάρχῳ βοηθοῦντεσ διέβησαν ἐσ Εὔβοιαν, καὶ χωρίον Σκῖρον ἐπὶ τοιῷδε καλούμενον.

Ἐλευσινίοισ πολεμοῦσι πρὸσ Ἐρεχθέα ἀνὴρ μάντισ ἦλθεν ἐκ Δωδώνησ ὄνομα Σκῖροσ, ὃσ καὶ τῆσ Σκιράδοσ ἱδρύσατο Ἀθηνᾶσ ἐπὶ Φαληρῷ τὸ ἀρχαῖον ἱερόν· πεσόντα δὲ αὐτὸν ἐν τῇ μάχῃ θάπτουσιν Ἐλευσίνιοι πλησίον ποταμοῦ χειμάρρου, καὶ τῷ τε χωρίῳ τὸ ὄνομα ἀπὸ τοῦ ἡρ́ωόσ ἐστι καὶ τῷ ποταμῷ. πλησίον δὲ πεποίηται Κηφισοδώρου μνῆμα δήμου προστάντοσ καὶ Φιλίππῳ τῷ Δημητρίου Μακεδόνων βασιλεύοντι ἐσ τὰ μάλιστα ἐναντιωθέντοσ·

συμμάχουσ δὲ ἐπήγετο Κηφισόδωροσ Ἀθηναίοισ γενέσθαι βασιλεῖσ μὲν Ἄτταλον τὸν Μυσὸν καὶ Πτολεμαῖον τὸν Αἰγύπτιον, ἔθνη δὲ αὐτόνομα Αἰτωλοὺσ καὶ νησιωτῶν Ῥοδίουσ καὶ Κρῆτασ. ὡσ δὲ καὶ ἐξ Αἰγύπτου καὶ Μυσίασ καὶ παρὰ τῶν Κρητῶν τὰ πολλὰ ὑστέριζον αἱ βοήθειαι, Ῥόδιοι δὲ μόναισ ναυσὶν ἰσχύοντεσ πρὸσ ὁπλίτασ τοὺσ Μακεδόνασ οὐ μεγάλα ὠφέλουν, ἐνταῦθα Κηφισόδωροσ ἐσ Ἰταλίαν σὺν ἄλλοισ Ἀθηναίων πλεύσασ ἱκέτευεν ἀμῦναι Ῥωμαίουσ·

οἱ δέ σφισι δύναμιν καὶ στρατηγὸν πέμπουσιν, οἳ τὰ Φιλίππου καὶ Μακεδόνων ἐσ τοσοῦτο καθεῖλον ὡσ ὕστερον Περσέα τὸν Φιλίππου τήν τε ἀρχὴν ἀποβαλεῖν καὶ αὐτὸν αἰχμάλωτον ἐσ Ἰταλίαν ἀχθῆναι. Φίλιπποσ δὲ ἦν οὗτοσ ὁ Δημητρίου· πρῶτοσ γὰρ ταύτησ τῆσ οἰκίασ ἔσχε Δημήτριοσ τὴν Μακεδόνων ἀρχὴν ἀποκτείνασ Ἀλέξανδρον τὸν Κασσάνδρου παῖδα, ὡσ τὰ πρότερον ἔχει μοι τοῦ λόγου.

일치하는 문장이 없습니다.

SEARCH

MENU NAVIGATION