헬라어 문장 검색 - Παυσαν́Δεσξριπ́1́28́

(파우사니아스, Description of Greece, Ἀττικά, chapter 28)

Κύλωνα δὲ οὐδὲν ἔχω σαφὲσ εἰπεῖν ἐφ’ ὅτῳ χαλκοῦν ἀνέθεσαν τυραννίδα ὅμωσ βουλεύσαντα· τεκμαίρομαι δὲ τῶνδε ἕνεκα, ὅτι εἶδοσ κάλλιστοσ καὶ τὰ ἐσ δόξαν ἐγένετο οὐκ ἀφανὴσ ἀνελόμενοσ διαύλου νίκην Ὀλυμπικὴν καί οἱ θυγατέρα ὑπῆρξε γῆμαι Θεαγένουσ, ὃσ Μεγάρων ἐτυράννησε. χωρὶσ δὲ ἢ ὅσα κατέλεξα δύο μὲν Ἀθηναίοισ εἰσὶ δεκάται πολεμήσασιν, ἄγαλμα Ἀθηνᾶσ χαλκοῦν ἀπὸ Μήδων τῶν ἐσ Μαραθῶνα ἀποβάντων τέχνη Φειδίου ‐ καί οἱ τὴν ἐπὶ τῆσ ἀσπίδοσ <μάχην> Λαπιθῶν πρὸσ Κενταύρουσ καὶ ὅσα ἄλλα ἐστὶν ἐπειργασμένα λέγουσι τορεῦσαι Μῦν, τῷ δὲ Μυὶ̈ ταῦτά τε καὶ τὰ λοιπὰ τῶν ἔργων Παρράσιον καταγράψαι τὸν Εὐήνοροσ·

ταύτησ τῆσ Ἀθηνᾶσ ἡ τοῦ δόρατοσ αἰχμὴ καὶ ὁ λόφοσ τοῦ κράνουσ ἀπὸ Σουνίου προσπλέουσίν ἐστιν ἤδη σύνοπτα ‐ , καὶ ἁρ́μα κεῖται χαλκοῦν ἀπὸ Βοιωτῶν δεκάτη καὶ Χαλκιδέων τῶν ἐν Εὐβοίᾳ.

δύο δὲ ἄλλα ἐστὶν ἀναθήματα, Περικλῆσ ὁ Ξανθίππου καὶ τῶν ἔργων τῶν Φειδίου θέασ μάλιστα ἄξιον Ἀθηνᾶσ ἄγαλμα ἀπὸ τῶν ἀναθέντων καλουμένησ Λημνίασ. τῇ δὲ ἀκροπόλει, πλὴν ὅσον Κίμων ᾠκοδόμησεν αὐτῆσ ὁ Μιλτιάδου, περιβαλεῖν τὸ λοιπὸν λέγεται τοῦ τείχουσ Πελασγοὺσ οἰκήσαντάσ ποτε ὑπὸ τὴν ἀκρόπολιν·

φασὶ γὰρ Ἀγρόλαν καὶ Ὑπέρβιον <τοὺσ οἰκοδομήσαντασ εἶναι>. πυνθανόμενοσ δὲ οἵτινεσ ἦσαν οὐδὲν ἄλλο ἐδυνάμην μαθεῖν ἢ Σικελοὺσ τὸ ἐξ ἀρχῆσ ὄντασ <ἐσ> Ἀκαρνανίαν μετοικῆσαι. καταβᾶσι δὲ οὐκ ἐσ τὴν κάτω πόλιν ἀλλ’ ὅσον ὑπὸ τὰ προπύλαια πηγή τε ὕδατόσ ἐστι καὶ πλησίον Ἀπόλλωνοσ ἱερὸν ἐν σπηλαίῳ·

Κρεούσῃ δὲ θυγατρὶ Ἐρεχθέωσ Ἀπόλλωνα ἐνταῦθα συγγενέσθαι νομίζουσι. ὡσ πεμφθείη Φιλιππίδησ ἐσ Λακεδαίμονα ἄγγελοσ ἀποβεβηκότων Μήδων ἐσ τὴν γῆν, ἐπανήκων δὲ Λακεδαιμονίουσ ὑπερβαλέσθαι φαίη τὴν ἔξοδον, εἶναι γὰρ δὴ νόμον αὐτοῖσ μὴ πρότερον μαχουμένουσ ἐξιέναι πρὶν ἢ πλήρη τὸν κύκλον τῆσ σελήνησ γενέσθαι· τὸν δὲ Πᾶνα ὁ Φιλιππίδησ ἔλεγε περὶ τὸ ὄροσ ἐντυχόντα οἱ τὸ Παρθένιον φάναι τε ὡσ εὔνουσ Ἀθηναίοισ εἰή καὶ ὅτι ἐσ Μαραθῶνα ἥξει συμμαχήσων. οὗτοσ μὲν οὖν ὁ θεὸσ ἐπὶ ταύτῃ τῇ ἀγγελίᾳ τετίμηται·

καθὸ καὶ ὁ Ἄρειοσ πάγοσ.

ἔστι δὲ Ἄρειοσ πάγοσ καλούμενοσ, ὅτι πρῶτοσ Ἄρησ ἐνταῦθα ἐκρίθη, καί μοι καὶ ταῦτα δεδήλωκεν ὁ λόγοσ ὡσ Ἁλιρρόθιον ἀνέλοι καὶ ἐφ’ ὅτῳ κτείνειε. κριθῆναι δὲ καὶ ὕστερον Ὀρέστην λέγουσιν ἐπὶ τῷ φόνῳ τῆσ μητρόσ· καὶ βωμόσ ἐστιν Ἀθηνᾶσ Ἀρείασ, ὃν ἀνέθηκεν ἀποφυγὼν τὴν δίκην. τοὺσ δὲ ἀργοὺσ λίθουσ, ἐφ’ ὧν ἑστᾶσιν ὅσοι δίκασ ὑπέχουσι καὶ οἱ διώκοντεσ, τὸν μὲν Ὕβρεωσ τὸν δὲ Ἀναιδείασ αὐτῶν ὀνομάζουσι. πλησίον δὲ ἱερὸν θεῶν ἐστιν ἃσ καλοῦσιν Ἀθηναῖοι Σεμνάσ, Ἡσίοδοσ δὲ Ἐρινῦσ ἐν Θεογονίᾳ.

πρῶτοσ δέ σφισιν Αἰσχύλοσ δράκοντασ ἐποίησεν ὁμοῦ ταῖσ ἐν τῇ κεφαλῇ θριξὶν εἶναι· τοῖσ δὲ ἀγάλμασιν οὔτε τούτοισ ἔπεστιν οὐδὲν φοβερὸν οὔτε ὅσα ἄλλα κεῖται θεῶν τῶν ὑπογαίων. κεῖται δὲ καὶ Πλούτων καὶ Ἑρμῆσ καὶ Γῆσ ἄγαλμα· ἐνταῦθα θύουσι μὲν ὅσοισ ἐν Ἀρείῳ πάγῳ τὴν αἰτίαν ἐξεγένετο ἀπολύσασθαι, θύουσι δὲ καὶ ἄλλωσ ξένοι τε ὁμοίωσ καὶ ἀστοί. ἔστι δὲ καὶ ἐντὸσ τοῦ περιβόλου μνῆμα Οἰδίποδοσ, πολυπραγμονῶν δὲ εὑρ́ισκον τὰ ὀστᾶ ἐκ Θηβῶν κομισθέντα·

τὰ γὰρ ἐσ τὸν θάνατον Σοφοκλεῖ πεποιημένα τὸν Οἰδίποδοσ Ὅμηροσ οὐκ εἰά μοι δόξαι πιστά, ὃσ ἔφη Μηκιστέα τελευτήσαντοσ Οἰδίποδοσ ἐπιτάφιον ἐλθόντα ἐσ Θήβασ ἀγωνίσασθαι. ἔστι δὲ Ἀθηναίοισ καὶ ἄλλα δικαστήρια οὐκ ἐσ τοσοῦτο δόξησ ἥκοντα.

τὸ μὲν οὖν καλούμενον παράβυστον καὶ τρίγωνον, τὸ μὲν ἐν ἀφανεῖ τῆσ πόλεωσ ὂν καὶ ἐπ’ ἐλαχίστοισ συνιόντων ἐσ αὐτό, τὸ δὲ ἀπὸ τοῦ σχήματοσ ἔχει τὰ ὀνόματα· βατραχιοῦν δὲ καὶ φοινικιοῦν ἀπὸ χρωμάτων τὸ δὲ καὶ ἐσ τόδε διαμεμένηκεν ὀνομάζεσθαι.

τὸ δὲ μέγιστον καὶ ἐσ ὃ πλεῖστοι συνίασιν, ἡλιαίαν καλοῦσιν. ὁπόσα δὲ ἐπὶ τοῖσ φονεῦσιν, ἔστιν ἄλλα· καὶ ἐπὶ Παλλαδίῳ καλοῦσι καὶ τοῖσ ἀποκτείνασιν ἀκουσίωσ κρίσισ καθέστηκε. καὶ ὅτι μὲν Δημοφῶν πρῶτοσ ἐνταῦθα ὑπέσχε δίκασ, ἀμφισβητοῦσιν οὐδένεσ· ἐφ’ ὅτῳ δέ, διάφορα ἐσ τοῦτο εἴρηται.

Διομήδην φασὶν ἁλούσησ Ἰλίου ταῖσ ναυσὶν ὀπίσω κομίζεσθαι, καὶ ἤδη τε νύκτα ἐπέχειν ὡσ κατὰ Φάληρον πλέοντεσ γίνονται καὶ τοὺσ Ἀργείουσ ὡσ ἐσ πολεμίαν ἀποβῆναι τὴν γῆν, ἄλλην που δόξαντασ ἐν τῇ νυκτὶ καὶ οὐ τὴν Ἀττικὴν εἶναι. ἐνταῦθα Δημοφῶντα λέγουσιν ἐκβοηθήσαντα, οὐκ ἐπιστάμενον οὐδὲ τοῦτον τοὺσ ἀπὸ τῶν νεῶν ὡσ εἰσὶν Ἀργεῖοι, καὶ ἄνδρασ αὐτῶν ἀποκτεῖναι καὶ τὸ Παλλάδιον ἁρπάσαντα οἴχεσθαι, Ἀθηναῖόν τε ἄνδρα οὐ προϊδόμενον ὑπὸ τοῦ ἵππου τοῦ Δημοφῶντοσ ἀνατραπῆναι καὶ συμπατηθέντα ἀποθανεῖν· ἐπὶ τούτῳ Δημοφῶντα ὑποσχεῖν δίκασ οἱ μὲν τοῦ συμπατηθέντοσ τοῖσ προσήκουσιν, οἱ δὲ Ἀργείων φασὶ τῷ κοινῷ. ἐπὶ Δελφινίῳ δὲ κρίσισ καθέστηκεν ἐργάσασθαι φόνον σὺν τῷ δικαίῳ φαμένοισ, ὁποῖόν τι καὶ Θησεὺσ παρεχόμενοσ ἀπέφυγεν, ὅτε Πάλλαντα ἐπαναστάντα καὶ τοὺσ παῖδασ ἔκτεινε·

πρότερον δὲ πρὶν ἢ Θησεὺσ ἀφείθη, καθειστήκει πᾶσι φεύγειν κτείναντα ἢ κατὰ ταὐτὰ θνήσκειν μένοντα. τὸ δὲ ἐν πρυτανείῳ καλούμενον, ἔνθα τῷ σιδήρῳ καὶ πᾶσιν ὁμοίωσ τοῖσ ἀψύχοισ δικάζουσιν, ἐπὶ τῷδε ἄρξασθαι νομίζω. Ἀθηναίων βασιλεύοντοσ Ἐρεχθέωσ, τότε πρῶτον βοῦν ἔκτεινεν ὁ βουφόνοσ ἐπὶ τοῦ βωμοῦ τοῦ Πολιέωσ Διόσ·

καὶ ὁ μὲν ἀπολιπὼν ταύτῃ τὸν πέλεκυν ἀπῆλθεν ἐκ τῆσ χώρασ φεύγων, ὁ δὲ πέλεκυσ παραυτίκα ἀφείθη κριθεὶσ καὶ ἐσ τόδε ἀνὰ πᾶν ἔτοσ κρίνεται. λέγεται μὲν δὴ καὶ ἄλλα τῶν ἀψύχων αὐτόματα ἐπιθεῖναι σὺν τῷ δικαίῳ τιμωρίαν ἀνθρώποισ·

ἔργον δὲ κάλλιστον καὶ δόξῃ φανερώτατον ὁ Καμβύσου παρέσχετο ἀκινάκησ. ἔστι δὲ τοῦ Πειραιῶσ πρὸσ θαλάσσῃ Φρεαττύσ· ἐνταῦθα οἱ πεφευγότεσ, ἢν ἀπελθόντασ ἕτερον ἐπιλάβῃ σφᾶσ ἔγκλημα, πρὸσ ἀκροωμένουσ ἐκ τῆσ γῆσ ἀπὸ νεὼσ ἀπολογοῦνται· Τεῦκρον πρῶτον λόγοσ ἔχει Τελαμῶνι οὕτωσ ἀπολογήσασθαι μηδὲν ἐσ τὸν Αἰάντοσ θάνατον εἰργάσθαι. τάδε μὲν οὖν εἰρήσθω μοι τῶνδε ἕνεκα, γνῶναι ὁπόσοισ μέτεστι σπουδῆσ <τὰ> ἐσ τὰ δικαστήρια·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 28

(파우사니아스, Description of Greece, Ἀττικά, chapter 28)

상위

목록

SEARCH

MENU NAVIGATION