Pausanias, Description of Greece, Ἀττικά, chapter 12

(파우사니아스, Description of Greece, Ἀττικά, chapter 12)

οὕτω Πύρροσ ἐστὶν ὁ πρῶτοσ ἐκ τῆσ Ἑλλάδοσ τῆσ πέραν Ιὀνίου διαβὰσ ἐπὶ Ῥωμαίουσ· διέβη δὲ καὶ οὗτοσ ἐπαγαγομένων Ταραντίνων. τούτοισ γὰρ πρότερον ἔτι πρὸσ Ῥωμαίουσ συνειστήκει πόλεμοσ· ἀδύνατοι δὲ κατὰ σφᾶσ ὄντεσ ἀντισχεῖν, προϋπαρχούσησ μὲν ἐσ αὐτὸν εὐεργεσίασ, ὅτι οἱ πολεμοῦντι τὸν πρὸσ Κόρκυραν πόλεμον ναυσὶ συνήραντο, μάλιστα δὲ οἱ πρέσβεισ τῶν Ταραντίνων ἀνέπεισαν τὸν Πύρρον, τήν τε Ἰταλίαν διδάσκοντεσ ὡσ εὐδαιμονίασ ἕνεκα ἀντὶ πάσησ εἰή τῆσ Ἑλλάδοσ καὶ ὡσ οὐχ ὅσιον αὐτῷ παραπέμψαι σφᾶσ φίλουσ τε καὶ ἱκέτασ ἐν τῷ παρόντι ἥκοντασ. ταῦτα λεγόντων τῶν πρέσβεων μνήμη τὸν Πύρρον τῆσ ἁλώσεωσ ἐσῆλθε τῆσ Ἰλίου, καί οἱ κατὰ ταὐτὰ ἤλπιζε χωρήσειν πολεμοῦντι· στρατεύειν γὰρ ἐπὶ Τρώων ἀποίκουσ Ἀχιλλέωσ ὢν ἀπόγονοσ. ὡσ δέ οἱ ταῦτα ἤρεσκε ‐ διέμελλε γὰρ ἐπ’ οὐδενὶ ὧν ἕλοιτο ‐ , αὐτίκα ναῦσ τε ἐπλήρου μακρὰσ καὶ πλοῖα στρογγύλα εὐτρέπιζεν ἵππουσ καὶ ἄνδρασ ὁπλίτασ ἄγειν.

ἔστι δὲ ἀνδράσι βιβλία οὐκ ἐπιφανέσιν ἐσ συγγραφήν, ἔχοντα ἐπίγραμμα ἔργων ὑπομνήματα εἶναι. ταῦτα ἐπιλεγομένῳ μοι μάλιστα ἐπῆλθε θαυμάσαι Πύρρου τόλμαν τε, ἣν μαχόμενοσ αὐτὸσ τε παρείχετο, καὶ τὴν ἐπὶ τοῖσ ἀεὶ μέλλουσιν ἀγῶσι πρόνοιαν· σφισι φανερόσ, γινομένησ δὲ Ῥωμαίων πρὸσ Ταραντίνουσ συμβολῆσ τότε δὴ πρῶτον ἐπιφαίνεται σὺν τῷ στρατῷ καὶ παρ’ ἐλπίδα σφίσι προσπεσών, ὡσ τὸ εἰκόσ, ἐτάραξεν.

ἅτε δὲ ἄριστα ἐπιστάμενοσ ὡσ οὐκ ἀξιόμαχοσ εἰή πρὸσ Ῥωμαίουσ, παρεσκευάζετο ὡσ τοὺσ ἐλέφαντασ ἐπαφήσων σφίσιν.

ἐλέφαντασ δὲ πρῶτοσ μὲν τῶν ἐκ τῆσ Εὐρώπησ Ἀλέξανδροσ ἐκτήσατο Πῶρον καὶ τὴν δύναμιν καθελὼν τὴν Ἰνδῶν, ἀποθανόντοσ δὲ Ἀλεξάνδρου καὶ ἄλλοι τῶν βασιλέων καὶ πλείστουσ ἔσχεν Ἀντίγονοσ, Πύρρῳ δὲ ἐκ τῆσ μάχησ ἐγεγόνει τῆσ πρὸσ Δημήτριον τὰ θηρία αἰχμάλωτα· τότε δὲ ἐπιφανέντων αὐτῶν δεῖμα ἔλαβε Ῥωμαίουσ ἄλλο τι καὶ οὐ ζῷα εἶναι νομίσαντασ. ἐλέφαντα γάρ, ὅσοσ μὲν ἐσ ἔργα καὶ ἀνδρῶν χεῖρασ, εἰσὶν ἐκ παλαιοῦ δῆλοι πάντεσ εἰδότεσ·

αὐτὰ δὲ τὰ θηρία, πρὶν ἢ διαβῆναι Μακεδόνασ ἐπὶ τὴν Ἀσίαν, οὐδὲ ἑωράκεσαν ἀρχὴν πλὴν Ἰνδῶν τε αὐτῶν καὶ Λιβύων καὶ ὅσοι πλησιόχωροι τούτοισ. δηλοῖ δὲ Ὅμηροσ, ὃσ βασιλεῦσι κλίνασ μὲν καὶ οἰκίασ τοῖσ εὐδαιμονεστέροισ αὐτῶν ἐλέφαντι ἐποίησε κεκοσμημένασ, θηρίου δὲ ἐλέφαντοσ μνήμην οὐδεμίαν ἐποιήσατο· θεασάμενοσ δὲ ἢ πεπυσμένοσ ἐμνημόνευσεν ἂν πολύ γε πρότερον ἐμοὶ δοκεῖν ἢ Πυγμαίων τε ἀνδρῶν καὶ γεράνων μάχησ. Πύρρον δὲ ἐσ Σικελίαν ἀπήγαγε πρεσβεία Συρακουσίων·

Καρχηδόνιοι γὰρ διαβάντεσ τὰσ Ἑλληνίδασ τῶν πόλεων ἐποίουν ἀναστάτουσ, ἣ δὲ ἦν λοιπή, Συρακούσαισ πολιορκοῦντεσ προσεκάθηντο. ἃ τῶν πρέσβεων Πύρροσ ἀκούων Τάραντα μὲν εἰά καὶ τοὺσ τὴν ἀκτὴν ἔχοντασ Ἰταλιωτῶν, ἐσ δὲ τὴν Σικελίαν διαβὰσ Καρχηδονίουσ ἠνάγκασεν ἀπαναστῆναι Συρακουσῶν. φρονήσασ δὲ ἐφ’ αὑτῷ Καρχηδονίων, οἳ θαλάσσησ τῶν τότε βαρβάρων μάλιστα εἶχον ἐμπείρωσ Τύριοι Φοίνικεσ τὸ ἀρχαῖον ὄντεσ, τούτων ἐναντία ἐπήρθη ναυμαχῆσαι τοῖσ Ἠπειρώταισ χρώμενοσ, οἳ μηδὲ ἁλούσησ Ἰλίου θάλασσαν οἱ πολλοὶ μηδὲ ἁλσὶν ἠπίσταντό πω χρῆσθαι. μαρτυρεῖ δέ μοι καὶ Ὁμήρου ἔποσ ἐν Ὀδυσσείᾳ·

οἳ οὐκ ἴσασι θάλασσανἀνέρεσ, οὐδέ θ’ ἅλεσσι μεμιγμένον εἶδαρ ἔδουσιν.

일치하는 문장이 없습니다.

SEARCH

MENU NAVIGATION