헬라어 문장 검색 - Παυσαν́Δεσξριπ́1́40́

(파우사니아스, Description of Greece, Ἀττικά, chapter 40)

ἔστι δὲ ἐν τῇ πόλει κρήνη, ἥν σφισιν ᾠκοδόμησε Θεαγένησ, οὗ καὶ πρότερον τούτων ἐπεμνήσθην θυγατέρα αὐτὸν συνοικίσαι Κύλωνι Ἀθηναίῳ. οὗτοσ ὁ Θεαγένησ τυραννήσασ ᾠκοδόμησε τὴν κρήνην μεγέθουσ ἕνεκα καὶ κόσμου καὶ ἐσ τὸ πλῆθοσ τῶν κιόνων θέασ ἀξίαν· καὶ ὕδωρ ἐσ αὐτὴν ῥεῖ καλούμενον Σιθνίδων νυμφῶν. τὰσ δὲ Σιθνίδασ νύμφασ λέγουσι Μεγαρεῖσ εἶναι μέν σφισιν ἐπιχωρίασ, μιᾷ δὲ αὐτῶν θυγατρὶ συγγενέσθαι Δία, Μέγαρόν τε παῖδα ὄντα Διὸσ καὶ ταύτησ δὴ τῆσ νύμφησ ἐκφυγεῖν τὴν ἐπὶ Δευκαλίωνόσ ποτε ἐπομβρίαν, ἐκφυγεῖν δὲ πρὸσ τὰ ἄκρα τῆσ Γερανίασ, οὐκ ἔχοντόσ πω τοῦ ὄρουσ τὸ ὄνομα τοῦτο, ἀλλὰ ‐ νήχεσθαι γὰρ πετομένων γεράνων πρὸσ τὴν βοὴν τῶν ὀρνίθων αὐτόν ‐ διὰ τοῦτο Γερανίαν τὸ ὄροσ ὀνομασθῆναι. τῆσ δὲ κρήνησ οὐ πόρρω ταύτησ ἀρχαῖόν ἐστιν ἱερόν, εἰκόνεσ δὲ ἐφ’ ἡμῶν ἑστᾶσιν ἐν αὐτῷ βασιλέων Ῥωμαίων καὶ ἄγαλμα τε κεῖται χαλκοῦν Ἀρτέμιδοσ ἐπίκλησιν Σωτείρασ.

φασὶ δὲ ἄνδρασ τοῦ Μαρδονίου στρατοῦ καταδραμόντασ τὴν Μεγαρίδα ἀποχωρεῖν ἐσ Θήβασ ὀπίσω παρὰ Μαρδόνιον ἐθέλειν, γνώμῃ δὲ Ἀρτέμιδοσ νύκτα τε ὁδοιποροῦσιν ἐπιγενέσθαι καὶ τῆσ ὁδοῦ σφᾶσ ἁμαρτόντασ ἐσ τὴν ὀρεινὴν τραπέσθαι τῆσ χώρασ· πειρωμένουσ δὲ <εἰ> στράτευμα ἐγγὺσ εἰή πολέμιον ἀφιέναι τῶν βελῶν, καὶ τὴν πλησίον πέτραν στένειν βαλλομένην, τοὺσ δὲ αὖθισ τοξεύειν προθυμίᾳ πλέονι.

τέλοσ δὲ αὐτοῖσ ἀναλωθῆναι τοὺσ ὀιστοὺσ ἐσ ἄνδρασ πολεμίουσ τοξεύειν προθυμίᾳ πλέονι νομίζουσιν·

ἡμέρα τε ὑπεφαίνετο καὶ οἱ Μεγαρεῖσ ἐπῄεσαν, μαχόμενοι δὲ ὁπλῖται πρὸσ ἀνόπλουσ καὶ οὐδὲ βελῶν εὐποροῦντασ ἔτι φονεύουσιν αὐτῶν τοὺσ πολλούσ· καὶ ἐπὶ τῷδε Σωτείρασ ἄγαλμα ἐποιήσαντο Ἀρτέμιδοσ. ἐνταῦθα καὶ τῶν δώδεκα ὀνομαζομένων θεῶν ἐστιν ἀγάλματα ἔργα εἶναι λεγόμενα Πραξιτέλουσ· τὴν δὲ Ἄρτεμιν αὐτὴν Στρογγυλίων ἐποίησε. μετὰ ταῦτα ἐσ τὸ τοῦ Διὸσ τέμενοσ ἐσελθοῦσι καλούμενον Ὀλυμπιεῖον ναόσ ἐστι θέασ ἄξιοσ·

τὸ δὲ ἄγαλμα οὐκ ἐξειργάσθη τοῦ Διόσ, ἐπιλαβόντοσ τοῦ Πελοποννησίων πολέμου πρὸσ Ἀθηναίουσ, ἐν ᾧ καὶ ναυσὶν ἀνὰ πᾶν ἔτοσ καὶ στρατῷ φθείροντεσ Μεγαρεῦσιν Ἀθηναῖοι τὴν χώραν τά τε κοινὰ ἐκάκωσαν καὶ ἰδίᾳ τοὺσ οἴκουσ ἤγαγον ἐσ τὸ ἔσχατον ἀσθενείασ. τῷ δὲ ἀγάλματι τοῦ Διὸσ πρόσωπον ἐλέφαντοσ καὶ χρυσοῦ, τὰ δὲ λοιπὰ πηλοῦ τέ ἐστι καὶ γύψου· ποιῆσαι δὲ αὐτὸ Θεόκοσμον λέγουσιν ἐπιχώριον, συνεργάσασθαι δέ οἱ Φειδίαν. ὑπὲρ δὲ τῆσ κεφαλῆσ τοῦ Διόσ εἰσιν Ὧραι καὶ Μοῖραι· δῆλα δὲ πᾶσι τὴν πεπρωμένην μόνῳ οἱ πείθεσθαι καὶ τὰσ ὡρ́ασ τὸν θεὸν τοῦτον νέμειν ἐσ τὸ δέον. ὄπισθε δὲ τοῦ ναοῦ κεῖται ξύλα ἡμίεργα· ταῦτα ἔμελλεν ὁ Θεόκοσμοσ ἐλέφαντι καὶ χρυσῷ κοσμήσασ τὸ ἄγαλμα ἐκτελέσειν τοῦ Διόσ. ἐν δὲ αὐτῷ τῷ ναῷ τριήρουσ ἀνάκειται χαλκοῦν ἔμβολον·

ταύτην τὴν ναῦν λαβεῖν φασι περὶ Σαλαμῖνα ναυμαχήσαντεσ πρὸσ Ἀθηναίουσ·

ὁμολογοῦσι δὲ καὶ Ἀθηναῖοι χρόνον τινὰ Μεγαρεῦσιν ἀποστῆναι τῆσ νήσου, Σόλωνα δὲ ὕστερόν φασιν ἐλεγεῖα ποιήσαντα προτρέψαι σφᾶσ, καταστῆναι δὲ ἐπὶ τούτοισ <ἐσ> ἀμφισβήτησιν Ἀθηναῖοι, κρατήσαντεσ δὲ πολέμῳ Σαλαμῖνα αὖθισ ἔχειν. Μεγαρεῖσ δὲ παρὰ σφῶν λέγουσιν ἄνδρασ φυγάδασ, οὓσ Δορυκλείουσ ὀνομάζουσιν, ἀφικομένουσ παρὰ τοὺσ ἐν Σαλαμῖνι κληρούχουσ προδοῦναι Σαλαμῖνα Ἀθηναίοισ. μετὰ δὲ τοῦ Διὸσ τὸ τέμενοσ ἐσ τὴν ἀκρόπολιν ἀνελθοῦσι καλουμένην ἀπὸ Καρὸσ τοῦ Φορωνέωσ καὶ ἐσ ἡμᾶσ ἔτι Καρίαν, ἔστι μὲν Διονύσου ναὸσ Νυκτελίου, πεποίηται δὲ Ἀφροδίτησ Ἐπιστροφίασ ἱερὸν καὶ Νυκτὸσ καλούμενόν ἐστι μαντεῖον καὶ Διὸσ Κονίου ναὸσ οὐκ ἔχων ὄροφον.

τοῦ δὲ Ἀσκληπιοῦ τὸ ἄγαλμα Βρύαξισ καὶ αὐτὸ καὶ τὴν Ὑγείαν ἐποίησεν. ἐνταῦθα καὶ τῆσ Δήμητροσ τὸ καλούμενον μέγαρον· ποιῆσαι δὲ αὐτὸ βασιλεύοντα Κᾶρα ἔλεγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 40

(파우사니아스, Description of Greece, Ἀττικά, chapter 40)

상위

목록

SEARCH

MENU NAVIGATION