헬라어 문장 검색 - Παυσαν́Δεσξριπ́1́33́

(파우사니아스, Description of Greece, Ἀττικά, chapter 33)

Μαραθῶνοσ δὲ ἀπέχει τῇ μὲν Βραυρών, ἔνθα Ἰφιγένειαν τὴν Ἀγαμέμνονοσ ἐκ Ταύρων φεύγουσαν τὸ ἄγαλμα ἀγομένην τὸ Ἀρτέμιδοσ ἀποβῆναι λέγουσι, καταλιποῦσαν δὲ τὸ ἄγαλμα ταύτῃ καὶ ἐσ Ἀθήνασ καὶ ὕστερον ἐσ Ἄργοσ ἀφικέσθαι· ξόανον μὲν δὴ καὶ αὐτόθι ἐστὶν Ἀρτέμιδοσ ἀρχαῖον, τὸ δὲ ἐκ τῶν βαρβάρων οἵτινεσ κατὰ γνώμην ἔχουσι τὴν ἐμήν, ἐν ἑτέρῳ λόγῳ δηλώσω· Μαραθῶνοσ δὲ σταδίουσ μάλιστα ἑξήκοντα ἀπέχει Ῥαμνοῦσ τὴν παρὰ θάλασσαν ἰοῦσιν ἐσ Ὠρωπόν.

καὶ αἱ μὲν οἰκήσεισ ἐπὶ θαλάσσῃ τοῖσ ἀνθρώποισ εἰσί, μικρὸν δὲ ἀπὸ θαλάσσησ ἄνω Νεμέσεώσ ἐστιν ἱερόν, ἣ θεῶν μάλιστα ἀνθρώποισ ὑβρισταῖσ ἐστιν ἀπαραίτητοσ. δοκεῖ δὲ καὶ τοῖσ ἀποβᾶσιν ἐσ Μαραθῶνα τῶν βαρβάρων ἀπαντῆσαι μήνιμα ἐκ τῆσ θεοῦ ταύτησ·

καταφρονήσαντεσ γὰρ <μηδέν> σφισιν ἐμποδὼν εἶναι τὰσ Ἀθήνασ ἑλεῖν, λίθον Πάριον ὃν ὡσ ἐπ’ ἐξειργασμένοισ ἦγον ἐσ τροπαίου ποίησιν. τοῦτον Φειδίασ τὸν λίθον εἰργάσατο ἄγαλμα μὲν εἶναι Νεμέσεωσ, τῇ κεφαλῇ δὲ ἔπεστι τῆσ θεοῦ στέφανοσ ἐλάφουσ ἔχων καὶ Νίκησ ἀγάλματα οὐ μεγάλα·

ταῖσ δὲ χερσὶν ἔχει τῇ μὲν κλάδον μηλέασ, τῆ δεξιᾷ δὲ φιάλην, Αἰθίοπεσ δὲ ἐπὶ τῇ φιάλῃ πεποίηνται. συμβαλέσθαι δὲ τὸ ἐσ τοὺσ Αἰθίοπασ οὔτε αὐτὸσ εἶχον οὔτε ἀπεδεχόμην τῶν συνιέναι πειθομένων, οἳ πεποιῆσθαι σφᾶσ ἐπὶ τῇ φιάλῃ φασὶ διὰ ποταμὸν Ὠκεανόν· οἰκεῖν γὰρ Αἰθίοπασ ἐπ’ αὐτῷ, Νεμέσει δὲ εἶναι πατέρα Ὠκεανόν. Ὠκεανῷ γὰρ οὐ ποταμῷ, θαλάσσῃ δὲ ἐσχάτῃ τῆσ ὑπὸ ἀνθρώπων πλεομένησ προσοικοῦσιν Ἴβηρεσ καὶ Κελτοί, καὶ νῆσον Ὠκεανὸσ ἔχει τὴν Βρεττανῶν·

Αἰθιόπων δὲ τῶν ὑπὲρ Συήνησ ἐπὶ θάλασσαν ἔσχατοι τὴν Ἐρυθρὰν κατοικοῦσιν Ἰχθυοφάγοι, καὶ ὁ κόλποσ ὃν περιοικοῦσιν Ἰχθυοφάγων ὀνομάζεται. οἱ δὲ δικαιότατοι Μερόην πόλιν καὶ πεδίον Αἰθιοπικὸν καλούμενον οἰκοῦσιν· οὗτοι καὶ τὴν ἡλίου τράπεζάν εἰσιν οἱ δεικνύντεσ, οὐδέ σφισιν ἔστιν οὔτε θάλασσα οὔτε ποταμὸσ ἄλλοσ γε ἢ Νεῖλοσ. εἰσὶ δὲ καὶ ἄλλοι πρόσοικοι Μαύροισ Αἰθίοπεσ ἄχρι Νασαμώνων παρήκοντεσ.

Νασαμῶνεσ γάρ, οὓσ Ἄτλαντασ Ἡρόδοτοσ, οἱ δὲ μέτρα φάμενοι γῆσ εἰδέναι Λιξίτασ καλοῦσι, Λιβύων οἱ ἔσχατοι πρὸσ Ἄτλαντι οἰκοῦσι σπείροντεσ μὲν οὐδέν, ἀπὸ δὲ ἀμπέλων ζῶντεσ ἀγρίων.

ποταμὸσ δὲ οὐδὲ τούτοισ τοῖσ Αἰθίοψιν οὐδὲ τοῖσ Νασαμῶσίν ἐστιν οὐδείσ· τὸ γὰρ πρὸσ τῷ Ἄτλαντι ὕδωρ, τρισί παρεχόμενον ἀρχὰσ ῥεύμασιν, οὐδὲν τῶν ῥευμάτων ποιεῖ ποταμόν, ἀλλὰ πᾶν ὁμοίωσ αὐτίκα ἔχει συλλαβοῦσα ἡ ψάμμοσ. οὕτωσ Αἰθίοπεσ ποταμῷ γε οὐδενὶ προσοικοῦσιν ἢ Ὠκεανῷ. τὸ δὲ ὕδωρ τὸ ἐκ τοῦ Ἄτλαντοσ θολερόν τέ ἐστι καὶ πρὸσ τῇ πηγῇ κροκόδειλοι <δι>πήχεων ἦσαν οὐκ ἐλάσσουσ, προσιόντων δὲ τῶν ἀνθρώπων κατεδύοντο ἐσ τὴν πηγήν.

παρίστατο δὲ οὐκ ὀλίγοισ τὸ ὕδωρ τοῦτο ἀναφαινόμενον αὖθισ ἐκ τῆσ ψάμμου ποιεῖν τὸν Νεῖλον Αἰγυπτίοισ. ὁ δὲ Ἄτλασ <ὄροσ> ὑψηλὸν μέν ἐστιν οὕτωσ ὥστε καὶ λέγεται ταῖσ κορυφαῖσ ψαύειν τοῦ οὐρανοῦ, ἄβατον δὲ ὑπὸ ὕδατοσ καὶ δένδρων ἃ διὰ παντὸσ πέφυκε· τὰ μὲν δὴ πρὸσ τοὺσ Νασαμῶνασ αὐτοῦ γινώσκεται, τὰ δὲ ἐσ τὸ πέλαγοσ οὐδένα πω παραπλεύσαντα ἴσμεν. τάδε μὲν ἐσ τοσοῦτον εἰρήσθω·

πτερὰ δ’ ἔχον οὔτε τοῦτο τὸ ἄγαλμα Νεμέσεωσ οὔτε ἄλλο πεποίηται τῶν ἀρχαίων, ἐπεὶ μηδὲ Σμυρναίοισ τὰ ἁγιώτατα ξόανα ἔχει πτερά· οἱ δὲ ὕστερον ‐ ἐπιφαίνεσθαι γὰρ τὴν θεὸν μάλιστα ἐπὶ τῷ ἐρᾶν ἐθέλουσιν ‐ ἐπὶ τούτῳ Νεμέσει πτερὰ ὥσπερ Ἔρωτι ποιοῦσι. νῦν δὲ ἤδη δίειμι ὁπόσα ἐπὶ τῷ βάθρῳ τοῦ ἀγάλματόσ ἐστιν εἰργασμένα, τοσόνδε ἐσ τὸ σαφὲσ προδηλώσασ. Ἑλένῃ Νέμεσιν μητέρα εἶναι λέγουσιν Ἕλληνεσ, Λήδαν δὲ μαστὸν ἐπισχεῖν αὐτῇ καὶ θρέψαι·

πατέρα δὲ καὶ οὗτοι καὶ πάντεσ κατὰ ταὐτὰ Ἑλένησ Δία καὶ οὐ Τυνδάρεων εἶναι νομίζουσι. ταῦτα ἀκηκοὼσ Φειδίασ πεποίηκεν Ἑλένην ὑπὸ Λήδασ ἀγομένην παρὰ τὴν Νέμεσιν, πεποίηκε δὲ Τυνδάρεών τε καὶ τοὺσ παῖδασ καὶ ἄνδρα σὺν ἵππῳ παρεστηκότα Ἱππέα ὄνομα·

ἔστι δὲ Ἀγαμέμνων καὶ Μενέλαοσ καὶ Πύρροσ ὁ Ἀχιλλέωσ, πρῶτοσ οὗτοσ Ἑρμιόνην τὴν Ἑλένησ γυναῖκα λαβών· Ὀρέστησ δὲ διὰ τὸ ἐσ τὴν μητέρα τόλμημα παρείθη, παραμεινάσησ τε ἐσ ἅπαν Ἑρμιόνησ αὐτῷ καὶ τεκούσησ παῖδα. ἑξῆσ δὲ ἐπὶ τῷ βάθρῳ καὶ Ἔποχοσ καλούμενοσ καὶ νεανίασ ἐστὶν ἕτεροσ· ἐσ τούτουσ ἄλλο μὲν ἤκουσα οὐδέν, ἀδελφοὺσ δὲ εἶναι σφᾶσ Οἰνόησ, ἀφ’ ἧσ ἐστι τὸ ὄνομα τῷ δήμῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 33

(파우사니아스, Description of Greece, Ἀττικά, chapter 33)

상위

목록

SEARCH

MENU NAVIGATION