헬라어 문장 검색 - Παυσαν́Δεσξριπ́1́43́

(파우사니아스, Description of Greece, Ἀττικά, chapter 43)

λέγουσι δὲ εἶναι καὶ Ἰφιγενείασ ἡρῷον· ἀποθανεῖν γὰρ καὶ ταύτην ἐν Μεγάροισ. ἐγὼ δὲ ἤκουσα μὲν καὶ ἄλλον ἐσ Ἰφιγένειαν λόγον ὑπὸ Ἀρκάδων λεγόμενον, οἶδα δὲ Ἡσίοδον ποιήσαντα ἐν καταλόγῳ γυναικῶν Ἰφιγένειαν οὐκ ἀποθανεῖν, γνώμῃ δὲ Ἀρτέμιδοσ Ἑκάτην εἶναι· τούτοισ δὲ Ἡρόδοτοσ ὁμολογοῦντα ἔγραψε Ταύρουσ τοὺσ πρὸσ τῇ Σκυθικῇ θύειν παρθένῳ τοὺσ ναυαγούσ, φάναι δὲ αὐτοὺσ τὴν παρθένον Ἰφιγένειαν εἶναι τὴν Ἀγαμέμνονοσ. ἔχει δὲ παρὰ Μεγαρεῦσι καὶ Ἄδραστοσ τιμάσ· φασὶ δὲ ἀποθανεῖν παρὰ σφίσι καὶ τοῦτον, ὅτε ἑλὼν Θήβασ ἀπῆγεν ὀπίσω τὸν στρατόν, αἴτια δέ οἱ τοῦ θανάτου γῆρασ καὶ τὴν Αἰγιαλέωσ γενέσθαι τελευτήν. καὶ Ἀρτέμιδοσ ἱερὸν ὁ Ἀγαμέμνων ἐποίησεν, ἡνίκα ἦλθε Κάλχαντα οἰκοῦντα ἐν Μεγάροισ ἐσ Ἴλιον ἕπεσθαι πείσων. ἐν δὲ τῷ πρυτανείῳ τεθάφθαι μὲν Εὐίππον Μεγαρέωσ παῖδα, τεθάφθαι δὲ τὸν Ἀλκάθου λέγουσιν Ἰσχέπολιν.

ἔστι δὲ τοῦ πρυτανείου πέτρα πλησίον· Ἀνακληθρίδα τὴν πέτραν ὀνομάζουσιν, ὡσ Δημήτηρ, εἴ τῳ πιστά, ὅτε τὴν παῖδα ἐπλανᾶτο ζητοῦσα, καὶ ἐνταῦθα ἀνεκάλεσεν αὐτήν. ἐοικότα δὲ τῷ λόγῳ δρῶσιν ἐσ ἡμᾶσ ἔτι αἱ Μεγαρέων γυναῖκεσ. εἰσὶ δὲ τάφοι Μεγαρεῦσιν ἐν τῇ πόλει·

καὶ τὸν μὲν τοῖσ ἀποθανοῦσιν ἐποίησαν κατὰ τὴν ἐπιστρατείαν τοῦ Μήδου, τὸ δὲ Αἰσύμνιον καλούμενον μνῆμα ἦν καὶ τοῦτο ἡρώων. Ὑπερίονοσ δὲ τοῦ Ἀγαμέμνονοσ ‐ οὗτοσ γὰρ Μεγαρέων ἐβασίλευσεν ὕστατοσ ‐ τούτου τοῦ ἀνδρὸσ ἀποθανόντοσ ὑπὸ Σανδίονοσ διὰ πλεονεξίαν καὶ ὕβριν, βασιλεύεσθαι μὲν οὐκέτι ὑπὸ ἑνὸσ ἐδόκει σφίσιν, εἶναι δὲ ἄρχοντασ αἱρετοὺσ καὶ ἀνὰ μέροσ ἀκούειν ἀλλήλων. ἐνταῦθα Αἴσυμνοσ οὐδενὸσ τὰ ἐσ δόξαν Μεγαρέων δεύτεροσ παρὰ τὸν θεὸν ἦλθεν ἐσ Δελφούσ, ἐλθὼν δὲ ἠρώτα τρόπον τίνα εὐδαιμονήσουσι·

καί οἱ καὶ ἄλλα ὁ θεὸσ ἔχρησε καὶ Μεγαρέασ εὖ πράξειν, ἢν μετὰ τῶν πλειόνων βουλεύσωνται. τοῦτο τὸ ἔποσ ἐσ τοὺσ τεθνεῶτασ ἔχειν νομίζοντεσ βουλευτήριον ἐνταῦθα ᾠκοδόμησαν, ἵνα σφίσιν ὁ τάφοσ τῶν ἡρώων ἐντὸσ τοῦ βουλευτηρίου γένηται. ἐντεῦθεν πρὸσ τὸ Ἀλκάθου βαδίζουσιν ἡρῷον, ᾧ Μεγαρεῖσ ἐσ γραμμάτων φυλακὴν ἐχρῶντο ἐπ’ ἐμοῦ, μνῆμα ἔλεγον τὸ μὲν Πυργοῦσ εἶναι γυναικὸσ Ἀλκάθου πρὶν ἢ τὴν Μεγαρέωσ αὐτὸν λαβεῖν Εὐαίχμην, τὸ δὲ Ἰφινόησ Ἀλκάθου θυγατρόσ·

ἀποθανεῖν δὲ αὐτήν φασιν ἔτι παρθένον. καθέστηκε δὲ ταῖσ κόραισ χοὰσ πρὸσ τὸ τῆσ Ἰφινόησ μνῆμα προσφέρειν πρὸ γάμου καὶ ἀπάρχεσθαι τῶν τριχῶν, καθὰ καὶ τῇ Ἑκαέργῃ καὶ Ὤπιδι αἱ θυγατέρεσ ποτὲ ἀπεκείροντο αἱ Δηλίων. παρὰ δὲ τὴν ἔσοδον τὴν ἐσ τὸ Διονύσιον τάφοσ ἐστὶν Ἀστυκρατείασ καὶ Μαντοῦσ·

θυγατέρεσ δὲ ἦσαν Πολυίδου τοῦ Κοιράνου τοῦ Ἄβαντοσ τοῦ Μελάμποδοσ ἐσ Μέγαρα δ’ ἐλθόντοσ Ἀλκάθουν ἐπὶ τῷ φόνῳ τῷ Καλλιπόλιδοσ καθῆραι τοῦ παιδόσ. ᾠκοδόμησε δὴ καὶ τῷ Διονύσῳ τὸ ἱερὸν Πολύιδοσ καὶ ξόανον ἀνέθηκεν ἀποκεκρυμμένον ἐφ’ ἡμῶν πλὴν τοῦ προσώπου· τοῦτο δέ ἐστι τὸ φανερόν. Σάτυροσ δὲ παρέστηκεν αὐτῷ Πραξιτέλουσ ἔργον Παρίου λίθου. τοῦτον μὲν δὴ Πατρῷον καλοῦσιν·

ἕτερον δὲ Διόνυσον Δασύλλιον ἐπονομάζοντεσ Εὐχήνορα τὸν Κοιράνου τοῦ Πολυίδου τὸ ἄγαλμα ἀναθεῖναι λέγουσι. μετὰ δὲ τοῦ Διονύσου τὸ ἱερόν ἐστιν Ἀφροδίτησ ναόσ, ἄγαλμα δὲ ἐλέφαντοσ Ἀφροδίτη πεποιημένον Πρᾶξισ ἐπίκλησιν.

τοῦτό ἐστιν ἀρχαιότατον ἐν τῷ ναῷ· Πειθὼ δὲ καὶ ἑτέρα θεόσ, ἣν Παρήγορον ὀνομάζουσιν, ἔργα Πραξιτέλουσ· Σκόπα δὲ Ἔρωσ καὶ Ἵμεροσ καὶ Πόθοσ, εἰ δὴ διάφορά ἐστι κατὰ ταὐτὸ τοῖσ ὀνόμασι καὶ τὰ ἔργα σφίσι. πλησίον δὲ τοῦ τῆσ Ἀφροδίτησ ναοῦ Τύχησ ἐστὶν ἱερόν, Πραξιτέλουσ καὶ αὕτη τέχνη· καὶ ἐν τῷ ναῷ τῷ πλησίον Μούσασ καὶ χαλκοῦν Δία ἐποίησε Λύσιπποσ. ἔστι δὲ Μεγαρεῦσι καὶ Κοροίβου τάφοσ·

τὰ δὲ ἐσ αὐτὸν ἔπη κοινὰ ὅμωσ ὄντα τοῖσ Ἀργείων ἐνταῦθα δηλώσω. ἐπὶ Κροτώπου λέγουσιν ἐν Ἄργει βασιλεύοντοσ Ψαμάθην τὴν Κροτώπου τεκεῖν παῖδα ἐξ Ἀπόλλωνοσ, ἐχομένην δὲ ἰσχυρῶσ τοῦ πατρὸσ δείματι τὸν παῖδα ἐκθεῖναι· καὶ τὸν μὲν διαφθείρουσιν ἐπιτυχόντεσ ἐκ τῆσ ποίμνησ κύνεσ τῆσ Κροτώπου, Ἀπόλλων δὲ Ἀργείοισ ἐσ τὴν πόλιν πέμπει Ποινήν. ταύτην τοὺσ παῖδασ ἀπὸ τῶν μητέρων φασὶν ἁρπάζειν, ἐσ ὃ Κόροιβοσ ἐσ χάριν Ἀργείοισ φονεύει τὴν Ποινήν. φονεύσασ δὲ ‐ οὐ γὰρ ἀνίει σφᾶσ δεύτερα ἐπιπεσοῦσα νόσοσ λοιμώδησ ‐ Κόροιβοσ ἑκὼν ἦλθεν ἐσ Δελφοὺσ ὑφέξων δίκασ τῷ θεῷ τοῦ φόνου τῆσ Ποινῆσ. ἐσ μὲν δὴ τὸ Ἄργοσ ἀναστρέφειν οὐκ εἰά Κόροιβον ἡ Πυθία, τρίποδα δὲ ἀράμενον φέρειν ἐκέλευεν ἐκ τοῦ ἱεροῦ, καὶ ἔνθα ἂν ἐκπέσῃ οἱ φέροντι ὁ τρίπουσ, ἐνταῦθα Ἀπόλλωνοσ οἰκοδομῆσαι ναὸν καὶ αὐτὸν οἰκῆσαι.

καὶ ὁ τρίπουσ κατὰ τὸ ὄροσ τὴν Γερανίαν ἀπολισθὼν ἔλαθεν αὐτοῦ ἐκπεσών·

καὶ Τριποδίσκουσ κώμην ἐνταῦθα οἰκῆσαι. Κοροίβῳ δέ ἐστι τάφοσ ἐν τῇ Μεγαρέων ἀγορᾷ· γέγραπται δὲ ἐλεγεῖα τὰ ἐσ Ψαμάθην καὶ τὰ ἐσ αὐτὸν ἔχοντα Κόροιβον, καὶ δὴ καὶ ἐπίθημά ἐστι τῷ τάφῳ Κόροιβοσ φονεύων τὴν Ποινήν. ταῦτα ἀγάλματα παλαιότατα, ὁπόσα λίθου πεποιημένα ἐστὶν Ἕλλησιν, ἰδὼν οἶδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 43

(파우사니아스, Description of Greece, Ἀττικά, chapter 43)

상위

목록

SEARCH

MENU NAVIGATION