Pausanias, Description of Greece, Ἀττικά, chapter 5

(파우사니아스, Description of Greece, Ἀττικά, chapter 5)

τοῦ βουλευτηρίου τῶν πεντακοσίων πλησίον Θόλοσ ἐστὶ καλουμένη, καὶ θύουσί τε ἐνταῦθα οἱ πρυτάνεισ καί τινα καὶ ἀργύρου πεποιημένα ἐστὶν ἀγάλματα οὐ μεγάλα. ἀνωτέρω δὲ ἀνδριάντεσ ἑστήκασιν ἡρώων, ἀφ’ ὧν Ἀθηναίοισ ὕστερον τὰ ὀνόματα ἔσχον αἱ φυλαί·

ὅστισ δὲ κατεστήσατο δέκα ἀντὶ τεσσάρων φυλὰσ εἶναι καὶ μετέθετό σφισι τὰ ὀνόματα ἀντὶ τῶν ἀρχαίων, Ἡροδότῳ καὶ ταῦτά ἐστιν εἰρημένα. τῶν δὲ ἐπωνύμων ‐ καλοῦσι γὰρ οὕτω σφᾶσ ‐ ἔστι μὲν Ἱπποθόων Ποσειδῶνοσ καὶ Ἀλόπησ θυγατρὸσ Κερκυόνοσ, ἔστι δὲ Ἀντίοχοσ τῶν παίδων τῶν Ἡρακλέουσ, γενόμενοσ ἐκ Μήδασ Ἡρακλεῖ τῆσ Φύλαντοσ, καὶ τρίτοσ Αἰάσ ὁ Τελαμῶνοσ, ἐκ δὲ Ἀθηναίων Λεώσ·

δοῦναι δὲ ἐπὶ σωτηρίᾳ λέγεται κοινῇ τὰσ θυγατέρασ τοῦ θεοῦ χρήσαντοσ. Ἐρεχθεύσ τέ ἐστιν ἐν τοῖσ ἐπωνύμοισ, ὃσ ἐνίκησεν Ἐλευσινίουσ μάχῃ καὶ τὸν ἡγούμενον ἀπέκτεινεν Ἰμμάραδον τὸν Εὐμόλπου· Αἰγεύσ τέ ἐστι καὶ Οἰνεὺσ Πανδίονοσ υἱὸσ νόθοσ καὶ τῶν Θησέωσ παίδων Ἀκάμασ. Κέκροπα δὲ καὶ Πανδίονα ‐ εἶδον γὰρ καὶ τούτων ἐν τοῖσ ἐπωνύμοισ εἰκόνασ ‐ οὐκ οἶδα οὓσ ἄγουσιν ἐν τιμῇ·

πρότερόσ τε γὰρ ἦρξε Κέκροψ, ὃσ τὴν Ἀκταίου θυγατέρα ἔσχε, καὶ ὕστεροσ, ὃσ δὴ καὶ μετῴκησεν ἐσ Εὔβοιαν, Ἐρεχθέωσ υἱὸσ τοῦ Πανδίονοσ τοῦ Ἐριχθονίου. καὶ δὴ καὶ Πανδίων ἐβασίλευσεν ὅ τε Ἐριχθονίου καὶ ὁ Κέκροποσ τοῦ δευτέρου· τοῦτον Μητιονίδαι τῆσ ἀρχῆσ ἐξελαύνουσι, καί οἱ φυγόντι ἐσ Μέγαρα ‐ θυγατέρα γὰρ εἶχε Πύλα τοῦ βασιλεύσαντοσ ἐν Μεγάροισ ‐ συνεκπίπτουσιν οἱ παῖδεσ. Ἀθηνᾶσ Αἰθυίασ καλουμένῳ σκοπέλῳ·

οἱ δὲ παῖδεσ κατίασί τε ἐκ τῶν Μεγάρων ἐκβαλόντεσ Μητιονίδασ, καὶ τὴν ἀρχὴν τῶν Ἀθηναίων Αἰγεὺσ πρεσβύτατοσ ὢν ἔσχεν.

θυγατέρασ δὲ οὐ σὺν ἀγαθῷ δαίμονι ἔθρεψεν ὁ Πανδίων, οὐδέ οἱ τιμωροὶ παῖδεσ ἀπ’ αὐτῶν ἐλείφθησαν· καίτοι δυνάμεώσ γε ἕνεκα πρὸσ τὸν Θρᾷκα τὸ κῆδοσ ἐποιήσατο. ἀλλ’ οὐδεὶσ πόροσ ἐστὶν ἀνθρώπῳ παραβῆναι τὸ καθῆκον ἐκ τοῦ θεοῦ· λέγουσιν ὡσ Τηρεὺσ συνοικῶν Πρόκνῃ Φιλομήλαν ᾔσχυνεν, οὐ κατὰ νόμον δράσασ τὸν Ἑλλήνων, καὶ τὸ σῶμα ἔτι λωβησάμενοσ τῇ παιδὶ ἤγαγεν ἐσ ἀνάγκην δίκησ τὰσ γυναῖκασ. Πανδίονι δὲ καὶ ἄλλοσ ἀνδριάσ ἐστιν ἐν ἀκροπόλει θέασ ἄξιοσ. οἵδε μέν εἰσιν Ἀθηναίοισ ἐπώνυμοι τῶν ἀρχαίων·

ὕστερον δὲ καὶ ἀπὸ τῶνδε φυλὰσ ἔχουσιν, Ἀττάλου τοῦ Μυσοῦ καὶ Πτολεμαίου τοῦ Αἰγυπτίου καὶ κατ’ ἐμὲ ἤδη βασιλέωσ Ἀδριανοῦ τῆσ τε ἐσ τὸ θεῖον τιμῆσ ἐπὶ πλεῖστον ἐλθόντοσ καὶ τῶν ἀρχομένων ἐσ εὐδαιμονίαν τὰ μέγιστα ἑκάστοισ παρασχομένου. καὶ ἐσ μὲν πόλεμον οὐδένα ἑκούσιοσ κατέστη, Ἑβραίουσ δὲ τοὺσ ὑπὲρ Σύρων ἐχειρώσατο ἀποστάντασ· ὁπόσα δὲ θεῶν ἱερὰ τὰ μὲν ᾠκοδόμησεν ἐξ ἀρχῆσ, τὰ δὲ καὶ ἐπεκόσμησεν ἀναθήμασι καὶ κατασκευαῖσ ἢ δωρεὰσ πόλεσιν ἔδωκεν Ἑλληνίσι, τὰσ δὲ καὶ τῶν βαρβάρων τοῖσ δεηθεῖσιν, ἔστιν οἱ πάντα γεγραμμένα Ἀθήνῃσιν ἐν τῷ κοινῷ τῶν θεῶν ἱερῷ.

일치하는 문장이 없습니다.

SEARCH

MENU NAVIGATION