Pausanias, Description of Greece, Ἀττικά, chapter 11

(파우사니아스, Description of Greece, Ἀττικά, chapter 11)

τὰ μὲν οὖν Λυσιμάχου τοιαῦτα ἐγένετο· Ἀθηναίοισ δὲ εἰκών ἐστι καὶ Πύρρου. οὗτοσ ὁ Πύρροσ Ἀλεξάνδρῳ προσῆκεν οὐδέν, εἰ μὴ ὅσα κατὰ γένοσ· Αἰακίδου γὰρ τοῦ Ἀρύββου Πύρροσ ἦν, Ὀλυμπιάδοσ δὲ Ἀλέξανδροσ τῆσ Νεοπτολέμου, Νεοπτολέμῳ δὲ καὶ Ἀρύββᾳ πατὴρ ἦν Ἀλκέτασ ὁ Θαρύπου. ἀπὸ δὲ Θαρύπου ἐσ Πύρρον τὸν Ἀχιλλέωσ πέντε ἀνδρῶν καὶ δέκα εἰσὶ γενεαί· πρῶτοσ γὰρ δὴ οὗτοσ ἁλούσησ Ἰλίου τὴν μὲν ἐσ Θεσσαλίαν ὑπερεῖδεν ἀναχώρησιν, ἐσ δὲ τὴν Ἤπειρον κατάρασ ἐνταῦθα ἐκ τῶν Ἑλένου χρησμῶν ᾤκησε. καί οἱ παῖσ ἐκ μὲν Ἑρμιόνησ ἐγένετο οὐδείσ, ἐξ Ἀνδρομάχησ δὲ Μολοσσὸσ καὶ Πίελοσ καὶ νεώτατοσ ὁ Πέργαμοσ. ἐγένετο δὲ καὶ Ἑλένῳ Κεστρῖνοσ· τούτῳ γὰρ Ἀνδρομάχη συνῴκησεν ἀποθανόντοσ ἐν Δελφοῖσ Πύρρου. Ἑλένου δὲ ὡσ ἐτελεύτα Μολοσσῷ τῷ Πύρρου παραδόντοσ τὴν ἀρχὴν Κεστρῖνοσ μὲν σὺν τοῖσ ἐθέλουσιν Ἠπειρωτῶν τὴν ὑπὲρ Θύαμιν ποταμὸν χώραν ἔσχε, Πέργαμοσ δὲ διαβὰσ ἐσ τὴν Ἀσίαν Ἄρειον δυναστεύοντα ἐν τῇ Τευθρανίᾳ κτείνει μονομαχήσαντά οἱ περὶ τῆσ ἀρχῆσ καὶ τῇ πόλει τὸ ὄνομα ἔδωκε τὸ νῦν ἀφ’ αὑτοῦ·

καὶ Ἀνδρομάχησ ‐ ἠκολούθει γάρ οἱ ‐ καὶ νῦν ἐστιν ἡρῷον ἐν τῇ πόλει. Πίελοσ δὲ αὐτοῦ κατέμεινεν ἐν Ἠπείρῳ, καὶ ἐσ πρόγονον τοῦτον ἀνέβαινε Πύρροσ τε ὁ Αἰακίδου καὶ οἱ πατέρεσ, ἀλλ’ οὐκ ἐσ Μολοσσόν. ἦν δὲ ἄχρι μὲν Ἀλκέτου τοῦ Θαρύπου ἐφ’ ἑνὶ βασιλεῖ καὶ τὰ Ἠπειρωτῶν·

οἱ δὲ Ἀλκέτου παῖδεσ, ὥσ σφισι στασιάσασι μετέδοξεν ἐπ’ ἴσησ ἄρχειν, αὐτοί τε πιστῶσ ἔχοντεσ διέμειναν ἐσ ἀλλήλουσ καὶ ὕστερον Ἀλεξάνδρου τοῦ Νεοπτολέμου τελευτήσαντοσ ἐν Λευκανοῖσ, Ὀλυμπιάδοσ δὲ διὰ τὸν Ἀντιπάτρου φόβον ἐπανελθούσησ ἐσ Ἤπειρον, Αἰακίδησ ὁ Ἀρύββου τά τε ἄλλα διετέλει κατήκοοσ ὢν Ὀλυμπιάδι καὶ συνεστράτευσε πολεμήσων Ἀριδαίῳ καὶ Μακεδόσιν, οὐκ ἐθελόντων ἕπεσθαι τῶν Ἠπειρωτῶν. Ὀλυμπιάδοσ δὲ ὡσ ἐπεκράτησεν ἀνόσια μὲν ἐργασαμένησ καὶ ἐσ τὸν Ἀριδαίου θάνατον, πολλῷ δὲ ἔτι ἀνοσιώτερα ἐσ ἄνδρασ Μακεδόνασ, καὶ διὰ ταῦτα οὐκ ἀνάξια ὕστερον ὑπὸ Κασσάνδρου παθεῖν νομισθείσησ, Αἰακίδην οὖν κατ’ ἀρχὰσ μὲν οὐδ’ αὐτοὶ διὰ τὸ Ὀλυμπιάδοσ ἔχθοσ ἐδέχοντο Ἠπειρῶται, εὑρομένου δὲ ἀνὰ χρόνον παρὰ τούτων συγγνώμην δεύτερα ἠναντιοῦτο Κάσσανδροσ μὴ κατελθεῖν ἐσ Ἤπειρον.

καὶ Αἰακίδου μάχησ πρὸσ Οἰνιάδαισ, Αἰακίδην μὲν τρωθέντα κατέλαβε μετ’ οὐ πολὺ τὸ χρεών·

Ἠπειρῶται δὲ Ἀλκέταν ἐπὶ βασιλείᾳ κατεδέξαντο, Ἀρύββου μὲν παῖδα καὶ ἀδελφὸν Αἰακίδου πρεσβύτερον, ἀκρατῆ δὲ ἄλλωσ θυμοῦ καὶ δι’ αὐτὸ ἐξελασθέντα ὑπὸ τοῦ πατρόσ.

καὶ τότε ἥκων ἐξεμαίνετο εὐθὺσ ἐσ τοὺσ Ἠπειρώτασ, ἐσ ὃ νύκτωρ αὐτόν τε καὶ τοὺσ παῖδασ ἐπαναστάντεσ ἔκτειναν. ἀποκτείναντεσ δὲ τοῦτον Πύρρον τὸν Αἰακίδου κατάγουσιν· ἥκοντι δὲ εὐθὺσ ἐπεστράτευε Κάσσανδροσ, νέῳ τε ἡλικίᾳ ὄντι καὶ τὴν ἀρχὴν οὐ κατεσκευασμένῳ βεβαίωσ. Πύρροσ δὲ ἐπιόντων Μακεδόνων ἐσ Αἴγυπτον παρὰ Πτολεμαῖον ἀναβαίνει τὸν Λάγου· καί οἱ Πτολεμαῖοσ γυναῖκά τ’ ἔδωκεν ἀδελφὴν ὁμομητρίαν τῶν αὑτοῦ παίδων καὶ στόλῳ κατήγαγεν Αἰγυπτίων. Πύρροσ δὲ βασιλεύσασ πρώτοισ ἐπέθετο Ἑλλήνων Κορκυραίοισ, κειμένην τε ὁρῶν τὴν νῆσον πρὸ τῆσ αὑτοῦ χώρασ καὶ ἄλλοισ ὁρμητήριον ἐφ’ αὑτὸν οὐκ ἐθέλων εἶναι.

μετὰ δὲ ἁλοῦσαν Κόρκυραν ὅσα μὲν Λυσιμάχῳ πολεμήσασ ἔπαθε καὶ ὡσ Δημήτριον ἐκβαλὼν Μακεδονίασ ἦρξεν ἐσ ὃ αὖθισ ἐξέπεσεν ὑπὸ Λυσιμάχου, τάδε μὲν τοῦ Πύρρου μέγιστα ἐσ ἐκεῖνον τὸν καιρὸν δεδήλωκεν ἤδη μοι τὰ ἐσ Λυσίμαχον ἔχοντα· Ῥωμαίοισ δὲ οὐδένα Πύρρου πρότερον πολεμήσαντα ἴσμεν Ἕλληνα.

Διομήδει μὲν γὰρ καὶ Ἀργείων τοῖσ σὺν αὐτῷ οὐδεμίαν ἔτι γενέσθαι πρὸσ Αἰνείαν λέγεται μάχην· Ἀθηναίοισ δὲ ἄλλα τε πολλὰ ἐλπίσασι καὶ Ἰταλίαν πᾶσαν καταστρέψασθαι τὸ ἐν Συρακούσαισ πταῖσμα ἐμποδὼν ἐγένετο μὴ καὶ Ῥωμαίων λαβεῖν πεῖραν· Ἀλέξανδροσ δὲ ὁ Νεοπτολέμου, γένουσ τε ὢν Πύρρῳ τοῦ αὐτοῦ καὶ ἡλικίᾳ πρεσβύτεροσ, ἀποθανὼν ἐν Λευκανοῖσ ἔφθη πρὶν ἐσ χεῖρασ ἐλθεῖν Ῥωμαίοισ.

일치하는 문장이 없습니다.

SEARCH

MENU NAVIGATION