Pausanias, Description of Greece, Ἀττικά, chapter 30

(파우사니아스, Description of Greece, Ἀττικά, chapter 30)

πρὸ δὲ τῆσ ἐσόδου τῆσ ἐσ Ἀκαδημίαν ἐστὶ βωμὸσ Ἔρωτοσ ἔχων ἐπίγραμμα ὡσ Χάρμοσ Ἀθηναίων πρῶτοσ Ἔρωτι ἀναθείη. τὸν δὲ ἐν πόλει βωμὸν καλούμενον Ἀντέρωτοσ ἀνάθημα εἶναι λέγουσι μετοίκων, ὅτι Μέλησ Ἀθηναῖοσ μέτοικον ἄνδρα Τιμαγόραν ἐρασθέντα ἀτιμάζων ἀφεῖναι κατὰ τῆσ πέτρασ αὑτὸν ἐκέλευσεν ἐσ τὸ ὑψηλότατον αὐτῆσ ἀνελθόντα· Τιμαγόρασ δὲ ἄρα καὶ ψυχῆσ εἶχεν ἀφειδῶσ καὶ πάντα ὁμοίωσ κελεύοντι ἤθελε χαρίζεσθαι τῷ μειρακίῳ καὶ δὴ καὶ φέρων ἑαυτὸν ἀφῆκε· Μέλητα δέ, ὡσ ἀποθανόντα εἶδε Τιμαγόραν, ἐσ τοσοῦτο μετανοίασ ἐλθεῖν ὡσ πεσεῖν τε ἀπὸ τῆσ πέτρασ τῆσ αὐτῆσ καὶ οὕτωσ ἀφεὶσ αὑτὸν ἐτελεύτησε. καὶ τὸ ἐντεῦθεν δαίμονα Ἀντέρωτα τὸν ἀλάστορα τὸν Τιμαγόρου κατέστη τοῖσ μετοίκοισ νομίζειν. ἐν Ἀκαδημίᾳ δέ ἐστι Προμηθέωσ βωμόσ, καὶ θέουσιν ἀπ’ αὐτοῦ πρὸσ τὴν πόλιν ἔχοντεσ καιομένασ λαμπάδασ·

τὸ δὲ ἀγώνισμα ὁμοῦ τῷ δρόμῳ φυλάξαι τὴν δᾷδα ἔτι καιομένην ἐστίν, ἀποσβεσθείσησ δὲ οὐδὲν ἔτι τῆσ νίκησ τῷ πρώτῳ, δευτέρῳ δὲ ἀντ’ αὐτοῦ μέτεστιν· εἰ δὲ μηδὲ τούτῳ καίοιτο, ὁ τρίτοσ ἐστὶν ὁ κρατῶν· εἰ δὲ καὶ πᾶσιν ἀποσβεσθείη, οὐδείσ ἐστιν ὅτῳ καταλείπεται ἡ νίκη. ἔστι δὲ Μουσῶν τε βωμὸσ καὶ ἕτεροσ Ἑρμοῦ καὶ ἔνδον Ἀθηνᾶσ, τὸν δὲ Ἡρακλέουσ ἐποίησαν· φυτόν ἐστιν ἐλαίασ, δεύτερον τοῦτο λεγόμενον φανῆναι.

Ἀκαδημίασ δὲ οὐ πόρρω Πλάτωνοσ μνῆμά ἐστιν, ᾧ προεσήμαινεν ὁ θεὸσ ἄριστον τὰ ἐσ φιλοσοφίαν ἔσεσθαι·

προεσήμαινε δὲ οὕτω. Σωκράτησ τῇ προτέρᾳ νυκτὶ ἢ Πλάτων ἔμελλεν ἔσεσθαί οἱ μαθητὴσ ἐσπτῆναί οἱ κύκνον ἐσ τὸν κόλπον εἶδεν ὄνειρον· ἔστι δὲ κύκνῳ τῷ ὄρνιθι μουσικῆσ δόξα, ὅτι Λιγύων τῶν Ἠριδανοῦ πέραν ὑπὲρ γῆσ τῆσ Κελτικῆσ Κύκνον ἄνδρα μουσικὸν γενέσθαι βασιλέα φασί, τελευτήσαντα δὲ Ἀπόλλωνοσ γνώμῃ μεταβαλεῖν λέγουσιν αὐτὸν ἐσ τὸν ὄρνιθα. ἐγὼ δὲ βασιλεῦσαι μὲν πείθομαι Λίγυσιν ἄνδρα μουσικόν, γενέσθαι δέ μοι ἄπιστον ὄρνιθα ἀπ’ ἀνδρόσ. κατὰ τοῦτο τῆσ χώρασ φαίνεται πύργοσ Τίμωνοσ, ὃσ μόνοσ εἶδε μηδένα τρόπον εὐδαίμονα εἶναι γενέσθαι πλὴν τοὺσ ἄλλουσ φεύγοντα ἀνθρώπουσ.

δείκνυται δὲ καὶ χῶροσ καλούμενοσ κολωνὸσ ἵππιοσ, ἔνθα τῆσ Ἀττικῆσ πρῶτον ἐλθεῖν λέγουσιν Οἰδίποδα ‐ διάφορα μὲν καὶ ταῦτα τῇ Ὁμήρου ποιήσει, λέγουσι δ’ οὖν ‐ , καὶ βωμὸσ Ποσειδῶνοσ Ἱππίου καὶ Ἀθηνᾶσ Ἱππίασ, ἡρῷον δὲ Πειρίθου καὶ Θησέωσ Οἰδίποδόσ τε καὶ Ἀδράστου. τὸ δὲ ἄλσοσ τοῦ Ποσειδῶνοσ καὶ τὸν ναὸν ἐνέπρησεν Ἀντίγονοσ ἐσβαλών, καὶ ἄλλοτε στρατιᾷ κακώσασ Ἀθηναίοισ τὴν γῆν.

일치하는 문장이 없습니다.

SEARCH

MENU NAVIGATION