헬라어 문장 검색 - Παυσαν́Δεσξριπ́1́25́

(파우사니아스, Description of Greece, Ἀττικά, chapter 25)

τοιαῦτα μὲν αὐτοῖσ συμβαίνοντα εἶδον· ἔστι δὲ ἐν τῇ Ἀθηναίων ἀκροπόλει καὶ Περικλῆσ ὁ Ξανθίππου καὶ αὐτὸσ Ξάνθιπποσ, ὃσ ἐναυμάχησεν ἐπὶ Μυκάλῃ Μήδοισ. ἀλλ’ ὁ μὲν Περικλέουσ ἀνδριὰσ ἑτέρωθι ἀνάκειται, τοῦ δὲ Ξανθίππου πλησίον ἕστηκεν Ἀνακρέων ὁ Τήιοσ, πρῶτοσ μετὰ Σαπφὼ τὴν Λεσβίαν τὰ πολλὰ ὧν ἔγραψεν ἐρωτικὰ ποιήσασ·

καί οἱ τὸ σχῆμά ἐστιν οἱο͂ν ᾄδοντοσ ἂν ἐν μέθῃ γένοιτο ἀνθρώπου. γυναῖκασ δὲ πλησίον Δεινομένησ Ιὢ τὴν Ἰνάχου καὶ Καλλιστὼ τὴν Λυκάονοσ πεποίηκεν, αἷσ ἀμφοτέραισ ἐστὶν ἐσ ἅπαν ὅμοια διηγήματα ἔρωσ Διὸσ καὶ Ἥρασ ὀργὴ καὶ ἀλλαγὴ τῇ μὲν ἐσ βοῦν, Καλλιστοῖ δὲ ἐσ ἄρκτον. πρὸσ δὲ τῷ τείχει τῷ Νοτίῳ γιγάντων, οἳ περὶ Θρᾴκην ποτὲ καὶ τὸν ἰσθμὸν τῆσ Παλλήνησ ᾤκησαν, τούτων τὸν λεγόμενον πόλεμον καὶ μάχην πρὸσ Ἀμαζόνασ Ἀθηναίων καὶ τὸ Μαραθῶνι πρὸσ Μήδουσ ἔργον καὶ Γαλατῶν τὴν ἐν Μυσίᾳ φθορὰν ἀνέθηκεν Ἄτταλοσ, ὅσον τε δύο πηχῶν ἕκαστον.

ἕστηκε δὲ καὶ Ὀλυμπιόδωροσ, μεγέθει τε ὧν ἔπραξε λαβὼν δόξαν καὶ οὐχ ἥκιστα τῷ καιρῷ, φρόνημα ἐν ἀνθρώποισ παρασχόμενοσ συνεχῶσ ἐπταικόσι καὶ δι’ αὐτὸ οὐδὲ ἓν χρηστὸν οὐδὲ ἐσ τὰ μέλλοντα ἐλπίζουσι. τὸ γὰρ ἀτύχημα τὸ ἐν Χαιρωνείᾳ ἅπασι τοῖσ Ἕλλησιν ἦρξε κακοῦ καὶ οὐχ ἥκιστα δούλουσ ἐποίησε τοὺσ ὑπεριδόντασ καὶ ὅσοι μετὰ Μακεδόνων ἐτάχθησαν.

τὰσ μὲν δὴ πολλὰσ Φίλιπποσ τῶν πόλεων εἷλεν, Ἀθηναίοισ δὲ λόγῳ συνθέμενοσ ἔργῳ σφᾶσ μάλιστα ἐκάκωσε, νήσουσ τε ἀφελόμενοσ καὶ τῆσ ἐσ τὰ ναυτικὰ παύσασ ἀρχῆσ. καὶ χρόνον μέν τινα ἡσύχασαν Ἀθηναῖοι Φιλίππου βασιλεύοντοσ καὶ ὕστερον Ἀλεξάνδρου· ἐπετέτραπτο ἡ πᾶσα ἀρχή, καὶ Ἀθηναίοισ οὐκέτι ἀνεκτὰ ἐφαίνετο εἰ τὸν πάντα χρόνον ἔσται ἐπὶ Μακεδόσι τὸ Ἑλληνικόν, ἀλλ’ αὐτοί τε πολεμεῖν ὡρ́μηντο καὶ ἄλλουσ ἐσ τὸ ἔργον ἤγειρον.

ἐγένοντο δὲ αἱ μετασχοῦσαι πόλεισ Πελοποννησίων μὲν Ἄργοσ Ἐπίδαυροσ Σικυὼν Τροιζὴν Ἠλεῖοι Φλιάσιοι Μεσσήνη, οἱ δὲ ἔξω τοῦ Κορινθίων ἰσθμοῦ Λοκροὶ Φωκεῖσ Θεσσαλοὶ Κάρυστοσ Ἀκαρνᾶνεσ ἐσ τὸ Αἰτωλικὸν συντελοῦντεσ·

Βοιωτοὶ δὲ Θηβαίων ἠρημωμένην τὴν γῆν τὴν Θηβαί̈δα νεμόμενοι δέει μὴ Θήβασ αὖθισ Ἀθηναῖοί σφισιν ἐποικίζωσιν οὔτε ἐσ τὴν συμμαχίαν ἐτάσσοντο καὶ ἐσ ὅσον ἧκον δυνάμεωσ τὰ Μακεδόνων ηὖξον. τοὺσ δὲ ἐσ τὸ συμμαχικὸν ταχθέντασ κατὰ πόλεισ τε ἑκάστουσ ἦγον στρατηγοὶ καὶ τοῦ παντὸσ ἄρχειν ᾕρητο Ἀθηναῖοσ Λεωσθένησ πόλεώσ τε ἀξιώματι καὶ αὐτὸσ εἶναι δοκῶν πολέμων ἔμπειροσ.

ὑπῆρχε δέ οἱ καὶ πρὸσ πάντασ εὐεργεσία τοὺσ Ἕλληνασ· ὁπόσοι γὰρ μισθοῦ παρὰ Δαρείῳ καὶ σατράπαισ ἐστρατεύοντο Ἕλληνεσ, ἀνοικίσαι σφᾶσ ἐσ τὴν Περσίδα θελήσαντοσ Ἀλεξάνδρου Λεωσθένησ ἔφθη κομίσασ ναυσὶν ἐσ τὴν Εὐρώπην. καὶ δὴ καὶ τότε ὧν ἐσ αὐτὸν ἤλπισαν τὰ ἔργα λαμπρότερα ἐπιδειξάμενοσ παρέσχεν ἀποθανὼν ἀθυμῆσαι πᾶσι καὶ δι’ αὐτὸ οὐχ ἥκιστα σφαλῆναι· φρουρά τε Μακεδόνων ἐσῆλθεν Ἀθηναίοισ, οἳ Μουνυχίαν, ὕστερον δὲ καὶ Πειραιᾶ καὶ τείχη μακρὰ ἔσχον. Ἀντιπάτρου δὲ ἀποθανόντοσ Ὀλυμπιὰσ διαβᾶσα ἐξ Ἠπείρου χρόνον μέν τινα ἦρξεν ἀποκτείνασα Ἀριδαῖον, οὐ πολλῷ δὲ ὕστερον ἐκπολιορκηθεῖσα ὑπὸ Κασσάνδρου παρεδόθη τῷ πλήθει.

Κάσσανδροσ δὲ βασιλεύσασ ‐ τὰ δὲ ἐσ Ἀθηναίουσ ἐπέξεισί μοι μόνα ὁ λόγοσ ‐ Πάνακτον τεῖχοσ ἐν τῇ Ἀττικῇ καὶ Σαλαμῖνα εἷλε τύραννόν τε Ἀθηναίοισ ἔπραξε γενέσθαι Δημήτριον τὸν Φανοστράτου, τὰ πρὸσ δόξαν εἰληφότα ἐπὶ σοφίᾳ.

τοῦτον μὲν δὴ τυραννίδοσ ἔπαυσε Δημήτριοσ ὁ Ἀντιγόνου, νέοσ τε ὢν καὶ φιλοτίμωσ πρὸσ τὸ Ἑλληνικὸν διακείμενοσ· Κάσσανδροσ δὲ ‐ δεινὸν γάρ τι ὑπῆν οἱ μῖσοσ ἐσ τοὺσ Ἀθηναίουσ ‐ , ὁ δὲ αὖθισ Λαχάρην προεστηκότα ἐσ ἐκεῖνο τοῦ δήμου, τοῦτον τὸν ἄνδρα οἰκειωσάμενοσ τυραννίδα ἔπεισε βουλεῦσαι, τυράννων ὧν ἴσμεν τά τε ἐσ ἀνθρώπουσ μάλιστα ἀνήμερον καὶ ἐσ τὸ θεῖον ἀφειδέστατον.

Δημητρίῳ δὲ τῷ Ἀντιγόνου διαφορὰ μὲν ἦν ἐσ τὸν δῆμον ἤδη τῶν Ἀθηναίων, καθεῖλε δὲ ὅμωσ καὶ τὴν Λαχάρουσ τυραννίδα· ἁλισκομένου δὲ τοῦ τείχουσ ἐκδιδράσκει Λαχάρησ ἐσ Βοιωτούσ, ἅτε δὲ ἀσπίδασ ἐξ ἀκροπόλεωσ καθελὼν χρυσᾶσ καὶ αὐτὸ τῆσ Ἀθηνᾶσ τὸ ἄγαλμα τὸν περιαιρετὸν ἀποδύσασ κόσμον ὑπωπτεύετο εὐπορεῖν μεγάλωσ χρημάτων. Λαχάρην μὲν οὖν τούτων ἕνεκα κτείνουσιν ἄνδρεσ Κορωναῖοι·

Δημήτριοσ δὲ ὁ Ἀντιγόνου τυράννων ἐλευθερώσασ Ἀθηναίουσ τό τε παραυτίκα μετὰ τὴν Λαχάρουσ φυγὴν οὐκ ἀπέδωκέ σφισι τὸν Πειραιᾶ καὶ ὕστερον πολέμῳ κρατήσασ ἐσήγαγεν ἐσ αὐτὸ φρουρὰν τὸ ἄστυ, τὸ Μουσεῖον καλούμενον τειχίσασ. ἔστι δὲ ἐντὸσ τοῦ περιβόλου τοῦ ἀρχαίου τὸ Μουσεῖον ἀπαντικρὺ τῆσ ἀκροπόλεωσ λόφοσ, ἔνθα Μουσαῖον ᾄδειν καὶ ἀποθανόντα γήρᾳ ταφῆναι λέγουσιν· καὶ μνῆμα αὐτόθι ἀνδρὶ ᾠκοδομήθη Σύρῳ.

τότε δὲ Δημήτριοσ τειχίσασ εἶχε·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 25

(파우사니아스, Description of Greece, Ἀττικά, chapter 25)

상위

목록

SEARCH

MENU NAVIGATION