헬라어 문장 검색 - Παυσαν́Δεσξριπ́1́15́

(파우사니아스, Description of Greece, Ἀττικά, chapter 15)

ἰοῦσι δὲ πρὸσ τὴν στοάν, ἣν Ποικίλην ὀνομάζουσιν ἀπὸ τῶν γραφῶν, ἔστιν Ἑρμῆσ χαλκοῦσ καλούμενοσ Ἀγοραῖοσ καὶ πύλη πλησίον· ἔπεστι δέ οἱ τρόπαιον Ἀθηναίων ἱππομαχίᾳ κρατησάντων Πλείσταρχον, ὃσ τῆσ ἵππου Κασσάνδρου καὶ τοῦ ξενικοῦ τὴν ἀρχὴν ἀδελφὸσ ὢν ἐπετέτραπτο. αὕτη δὲ ἡ στοὰ πρῶτα μὲν Ἀθηναίουσ ἔχει τεταγμένουσ ἐν Οἰνόῃ τῆσ Ἀργεία; ἐναντία Λακεδαιμονίων· γέγραπται δὲ οὐκ ἐσ ἀκμὴν ἀγῶνοσ οὐδὲ τολμημάτων ἐσ ἐπίδειξιν τὸ ἔργον ἤδη προῆκον, ἀλλὰ ἀρχομένη τε ἡ μάχη καὶ ἐσ χεῖρασ ἔτι συνιόντεσ. ἐν δὲ τῷ μέσῳ τῶν τοίχων Ἀθηναῖοι καὶ Θησεὺσ Ἀμαζόσι μάχονται.

μόναισ δὲ ἄρα ταῖσ γυναιξὶν οὐκ ἀφῄρει τὰ πταίσματα τὸ ἐσ τοὺσ κινδύνουσ ἀφειδέσ, εἴ γε Θεμισκύρασ τε ἁλούσησ ὑπὸ Ἡρακλέουσ καὶ ὕστερον φθαρείσησ σφίσι τῆσ στρατιᾶσ, ἣν ἐπ’ Ἀθήνασ ἔστειλαν, ὅμωσ ἐσ Τροίαν ἦλθον Ἀθηναίοισ τε αὐτοῖσ μαχούμεναι καὶ τοῖσ πᾶσιν Ἕλλησιν. ἐπὶ δὲ ταῖσ Ἀμαζόσιν Ἕλληνέσ εἰσιν ᾑρηκότεσ Ἴλιον καὶ οἱ βασιλεῖσ ἠθροισμένοι διὰ τὸ Αἰάντοσ ἐσ Κασσάνδραν τόλμημα· καὶ αὐτὸν ἡ γραφὴ τὸν Αἰάντα ἔχει καὶ γυναῖκασ τῶν αἰχμαλώτων ἄλλασ τε καὶ Κασσάνδραν. τελευταῖον δὲ τῆσ γραφῆσ εἰσιν οἱ μαχεσάμενοι Μαραθῶνι·

Βοιωτῶν δὲ οἱ Πλάταιαν ἔχοντεσ καὶ ὅσον ἦν Ἀττικὸν ἰάσιν ἐσ χεῖρασ τοῖσ βαρβάροισ.

καὶ ταύτῃ μέν ἐστιν ἴσα <τὰ> παρ’ ἀμφοτέρων ἐσ τὸ ἔργον· τὸ δὲ ἔσω τῆσ μάχησ φεύγοντέσ εἰσιν οἱ βάρβαροι καὶ ἐσ τὸ ἕλοσ ὠθοῦντεσ ἀλλήλουσ, ἔσχαται δὲ τῆσ γραφῆσ νῆέσ τε αἱ Φοίνισσαι καὶ τῶν βαρβάρων τοὺσ ἐσπίπτοντασ ἐσ ταύτασ φονεύοντεσ οἱ Ἕλληνεσ. ἐνταῦθα καὶ Μαραθὼν γεγραμμένοσ ἐστὶν ἡρ́ωσ, ἀφ’ οὗ τὸ πεδίον ὠνόμασται, καὶ Θησεὺσ ἀνιόντι ἐκ γῆσ εἰκασμένοσ Ἀθηνᾶ τε καὶ Ἡρακλῆσ· Μαραθωνίοισ γάρ, ὡσ αὐτοὶ λέγουσιν, Ἡρακλῆσ ἐνομίσθη θεὸσ πρώτοισ. τῶν μαχομένων δὲ δῆλοι μάλιστά εἰσιν ἐν τῇ γραφῇ Καλλίμαχόσ τε, ὃσ Ἀθηναίοισ πολεμαρχεῖν ᾕρητο, καὶ Μιλτιάδησ τῶν στρατηγούντων, ἡρ́ωσ τε Ἔχετλοσ καλούμενοσ, οὗ καὶ ὕστερον ποιήσομαι μνήμην. ἐνταῦθα ἀσπίδεσ κεῖνται χαλκαῖ, καὶ ταῖσ μέν ἐστιν ἐπίγραμμα ἀπὸ <Σ>κιωναίων καὶ τῶν ἐπικούρων εἶναι, τὰσ δὲ ἐπαληλιμμένασ πίσσῃ, μὴ σφᾶσ ὅ τε χρόνοσ λυμήνηται καὶ <ὁ> ἰόσ, Λακεδαιμονίων εἶναι λέγεται τῶν ἁλόντων ἐν τῇ Σφακτηρίᾳ νήσῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 15

(파우사니아스, Description of Greece, Ἀττικά, chapter 15)

상위

목록

SEARCH

MENU NAVIGATION