헬라어 문장 검색 - Παυσαν́Δεσξριπ́1́13́

(파우사니아스, Description of Greece, Ἀττικά, chapter 13)

τότε δὲ ὁ Πύρροσ, ὡσ ἡττήθη, ταῖσ ναυσὶν ἐσ Τάραντα ἀνήγετο ταῖσ λοιπαῖσ· ἐνταῦθα προσέπταισε μεγάλωσ καὶ τὴν ἀναχώρησιν ‐ οὐ γὰρ ἀμαχεὶ Ῥωμαίουσ ἠπίστατο ἀφήσοντασ ‐ πορίζεται τρόπον τοῦτον. ὡσ ἐπανήκων ἐκ Σικελίασ ἡττήθη, πρῶτον διέπεμπε γράμματα ἔσ τε τὴν Ἀσίαν καὶ πρὸσ Ἀντίγονον, τοὺσ μὲν στρατιὰν τῶν βασιλέων, τοὺσ δὲ χρήματα, Ἀντίγονον δὲ καὶ ἀμφότερα αἰτῶν· ἀφικομένων δὲ τῶν ἀγγέλων, ὥσ οἱ γράμματα ἀπεδόθη, συναγαγὼν τοὺσ ἐν τέλει τῶν τε ἐξ Ἠπείρου καὶ τῶν Ταραντίνων, ὧν μὲν εἶχε τὰ βιβλία ἀνεγίνωσκεν οὐδέν, ὁ δὲ ἥξειν συμμαχίαν ἔλεγε. ταχὺ δὲ καὶ ἐσ τοὺσ Ῥωμαίουσ ἦλθε φήμη Μακεδόνασ καὶ ἄλλα ἔθνη περαιοῦσθαι τῶν Ἀσιανῶν ἐσ τὴν Πύρρου βοήθειαν· Ῥωμαῖοι μὲν δὴ ταῦτα ἀκούοντεσ ἡσύχαζον, Πύρροσ δὲ ὑπὸ τὴν ἐπιοῦσαν περαιοῦται νύκτα πρὸσ τὰ ἄκρα τῶν ὀρῶν, ἃ Κεραύνια ὀνομάζουσι. μετὰ δὲ τὴν ἐν Ἰταλίᾳ πληγὴν ἀναπαύσασ τὴν δύναμιν προεῖπεν Ἀντιγόνῳ πόλεμον, ἄλλα τε ποιούμενοσ ἐγκλήματα καὶ μάλιστα τῆσ ἐσ Ἰταλίαν βοηθείασ διαμαρτίαν.

κρατήσασ δὲ τήν τε ἰδίαν παρασκευὴν Ἀντιγόνου καὶ τὸ παρ’ αὐτῷ Γαλατῶν ξενικὸν ἐδίωξεν ἐσ τὰσ ἐπὶ θαλάσσῃ πόλεισ, αὐτὸσ δὲ Μακεδονίασ τε τῆσ ἄνω καὶ Θεσσαλῶν ἐπεκράτησε.

δηλοῖ δὲ μάλιστα τὸ μέγεθοσ τῆσ μάχησ καὶ τὴν Πύρρου νίκην, ὡσ παρὰ πολὺ γένοιτο, <τὰ> ἀνατεθέντα ὅπλα τῶν Κελτῶν ἐσ τε τὸ τῆσ Ἀθηνᾶσ ἱερὸν τῆσ Ἰτωνίασ Φερῶν μεταξὺ καὶ Λαρίσησ καὶ τὸ ἐπίγραμμα τὸ ἐπ’ αὐτοῖσ· τοὺσ θυρεοὺσ ὁ Μολοσσὸσ Ἰτωνίδι δῶρον Ἀθάνᾳ Πύρροσ ἀπὸ θρασέων ἐκρέμασεν Γαλατᾶν,πάντα τὸν Ἀντιγόνου καθελὼν στρατόν. οὐ μέγα θαῦμα· αἰχματαὶ καὶ νῦν καὶ πάροσ Αἰακίδαι.

τούτουσ μὲν δὴ ἐνταῦθα, τῷ δὲ ἐν Δωδώνῃ Διὶ Μακεδόνων ἀνέθηκεν αὐτῶν τὰσ ἀσπίδασ. ἐπιγέγραπται δὲ καὶ ταύταισ· αἵδε ποτ’ Ἀσίδα γαῖαν ἐπόρθησαν πολύχρυσον,αἵδε καὶ Ἕλλασι<ν> δουλοσύναν ἔπορον. νῦν δὲ Διὸσ ναῶ ποτὶ κίονασ ὀρφανὰ κεῖταιτᾶσ μεγαλαυχήτω σκῦλα Μακεδονίασ. ἑτοιμοτέρῳ καὶ ἄλλωσ ὄντι ἑλέσθαι τὰ ἐν χερσίν.

Κλεώνυμοσ δὲ οὗτοσ, ὁ τὸν Πύρρον ἀπολιπόντα τὰ Μακεδόνων πείσασ ἐσ Πελοπόννησον ἐλθεῖν, Λακεδαιμόνιοσ ὢν Λακεδαιμονίοισ στρατὸν ἐσ τὴν χώραν πολέμιον ἐπῆγε δι’ αἰτίαν, ἣν ἐγὼ τοῦ γένουσ ὕστερον τοῦ Κλεωνύμου δηλώσω. Παυσανίου τοῦ περὶ Πλάταιαν τοῖσ Ἕλλησιν ἡγησαμένου Πλειστοάναξ υἱὸσ ἐγένετο, τοῦ δὲ Παυσανίασ, τοῦ δὲ Κλεόμβροτοσ, ὃσ ἐναντία Ἐπαμινώνδᾳ καὶ Θηβαίοισ μαχόμενοσ ἀπέθανεν ἐν Λέκτροισ·

Κλεομβρότου δὲ Ἀγησίπολισ ἦν καὶ Κλεομένησ, Ἀγησιπόλιδοσ δὲ ἄπαιδοσ τελευτήσαντοσ Κλεομένησ τὴν βασιλείαν ἔσχε. Κλεομένει δὲ παῖδεσ γίνονται πρεσβύτεροσ μὲν Ἀκρότατοσ, νεώτεροσ δὲ Κλεώνυμοσ.

Ἀκρότατον μὲν οὖν πρότερον κατέλαβεν ἡ τελευτή· Κλεομένουσ δὲ ἀποθανόντοσ ὕστερον ἐσ ἀμφισβήτησιν κατέστη περὶ τῆσ ἀρχῆσ Ἀρεὺσ ὁ Ἀκροτάτου, καὶ Κλεώνυμοσ ὅτῳ δὴ τρόπῳ μετελθὼν ἐπάγει Πύρρον ἐσ τὴν χώραν. Λακεδαιμονίοισ δὲ πρὸ μὲν τοῦ ἐν Λεύκτροισ οὐδὲν ἐγεγόνει πταῖσμα, ὥστε οὐδὲ συνεχώρουν ἀγῶνί πω κεκρατῆσθαι πεζῷ· Λεωνίδᾳ μὲν γὰρ νικῶντι οὐκ ἔφασαν τοὺσ ἑπομένουσ ἐσ τελέαν ἐξαρκέσαι φθορὰν τῶν Μήδων, τὸ δὲ Ἀθηναίων καὶ Δημοσθένουσ ἔργον πρὸσ τῇ νήσῳ Σφακτηρίᾳ κλοπὴν εἶναι πολέμου καὶ οὐ νίκην. πρώτησ δὲ γενομένησ σφίσι συμφορᾶσ ἐν Βοιωτοῖσ, ὕστερον Ἀντιπάτρῳ καὶ Μακεδόσι μεγάλωσ προσέπταισαν·

τρίτοσ δὲ ὁ Δημητρίου πόλεμοσ κακὸν ἀνέλπιστον ἦλθεν ἐσ τὴν γῆν. Πύρρου δὲ ἐσβαλόντοσ τέταρτον δὴ τότε στρατὸν ὁρῶντεσ πολέμιον αὐτοί τε παρετάσσοντο καὶ Ἀργείων ἥκοντεσ καὶ Μεσσηνίων σύμμαχοι· Πύρροσ δὲ ὡσ ἐπεκράτησεν, ὀλίγου μὲν ἦλθεν ἑλεῖν αὐτοβοεὶ τὴν πόλιν, δῃώσασ δὲ τὴν γῆν καὶ λείαν ἐλάσασ μικρὸν ἡσύχαζεν. οἱ δὲ ἐσ πολιορκίαν εὐτρεπίζοντο, πρότερον ἔτι τῆσ Σπάρτησ ἐπὶ τοῦ πολέμου τοῦ πρὸσ Δημήτριον τάφροισ τε βαθείαισ καὶ σταυροῖσ τετειχισμένησ ἰσχυροῖσ, τὰ δὲ ἐπιμαχώτατα καὶ οἰκοδομήμασιν.

ὑπὸ δὲ τοῦτον τὸν χρόνον καὶ τὴν τοῦ πολέμου τοῦ Λακωνικοῦ τριβὴν Ἀντίγονοσ τὰσ πόλεισ τῶν Μακεδόνων ἀνασωσάμενοσ ἠπείγετο ἐσ Πελοπόννησον οἱᾶ ἐπιστάμενοσ Πύρρον, ἢν Λακεδαίμονα καταστρέψηται καὶ Πελοποννήσου <τὰ> πολλά, οὐκ ἐσ Ἤπειρον ἀλλ’ ἐπί τε Μακεδονίαν αὖθισ καὶ τὸν ἐκεῖ πόλεμον ἥξοντα·

μέλλοντοσ δὲ Ἀντιγόνου τὸν στρατὸν ἐξ Ἄργουσ ἐσ τὴν Λακωνικὴν ἄγειν, αὐτὸσ ἐσ τὸ Ἄργοσ ἐληλύθει Πύρροσ. κρατῶν δὲ καὶ τότε συνεσπίπτει τοῖσ φεύγουσιν ἐσ τὴν πόλιν καί οἱ διαλύεται κατὰ τὸ εἰκὸσ ἡ τάξισ· μαχομένων δὲ πρὸσ ἱεροῖσ ἤδη καὶ οἰκίαισ καὶ κατὰ τοὺσ στενωποὺσ καὶ κατ’ ἄλλο ἄλλων τῆσ πόλεωσ, ἐνταῦθα ὁ Πύρροσ ἐμονώθη καὶ τιτρώσκεται τὴν κεφαλήν.

κεράμῳ δὲ βληθέντα ὑπὸ γυναικὸσ τεθνάναι φασὶ Πύρρον· Ἀργεῖοι δὲ οὐ γυναῖκα τὴν ἀποκτείνασαν, Δήμητρα δέ φασιν εἶναι γυναικὶ εἰκασμένην. ταῦτα ἐσ τὴν Πύρρου τελευτὴν αὐτοὶ λέγουσιν Ἀργεῖοι καὶ ὁ τῶν ἐπιχωρίων ἐξηγητὴσ Λυκέασ ἐν ἔπεσιν εἴρηκε· καί σφισιν ἔστι τοῦ θεοῦ χρήσαντοσ, ἔνθα ὁ Πύρροσ ἐτελεύτησεν, ἱερὸν Δήμητροσ· ἐν δὲ αὐτῷ καὶ ὁ Πύρροσ τέθαπται.

θαῦμα δὴ ποιοῦμαι τῶν καλουμένων Αἰακιδῶν τρισὶ κατὰ τὰ αὐτὰ ἐκ τοῦ θεοῦ συμβῆναι τὴν τελευτήν, εἴ γε Ἀχιλλέα μὲν Ὅμηροσ ὑπὸ Ἀλεξάνδρου φησὶ τοῦ Πριάμου καὶ Ἀπόλλωνοσ ἀπολέσθαι, Πύρρον δὲ τὸν Ἀχιλλέωσ ἡ Πυθία προσέταξεν ἀποκτεῖναι Δελφοῖσ, τῷ δὲ Αἰακίδου συνέβη τὰ ἐσ τὴν τελευτὴν οἱᾶ Ἀργεῖοί τε λέγουσι καὶ Λυκέασ ἐποίησε. διάφορα δὲ ὅμωσ ἐστὶ καὶ ταῦτα ὧν Ιἑρώνυμοσ ὁ Καρδιανὸσ ἔγραψεν·

ἀνδρὶ γὰρ βασιλεῖ συνόντα ἀνάγκη πᾶσα ἐσ χάριν συγγράφειν. εἰ δὲ καὶ Φίλιστοσ αἰτίαν δικαίαν εἴληφεν, ἐπελπίζων τὴν ἐν Συρακούσαισ κάθοδον, ἀποκρύψασθαι τῶν Διονυσίου τὰ ἀνοσιώτατα, ἦ που πολλή γε Ιἑρωνύμῳ συγγνώμη τὰ ἐσ ἡδονὴν Ἀντιγόνου γράφειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 13

(파우사니아스, Description of Greece, Ἀττικά, chapter 13)

상위

목록

SEARCH

MENU NAVIGATION