헬라어 문장 검색 - Παυσαν́Δεσξριπ́1́10́

(파우사니아스, Description of Greece, Ἀττικά, chapter 10)

Λυσιμάχῳ δὲ ἐπὶ μὲν Ἀριδαίου βασιλεύοντοσ καὶ ὕστερον Κασσάνδρου καὶ τῶν παίδων φιλία διέμεινε πρὸσ Μακεδόνασ· περιελθούσησ δὲ ἐσ Δημήτριον τὸν Ἀντιγόνου τῆσ ἀρχῆσ, ἐνταῦθα ἤδη Λυσίμαχοσ πολεμήσεσθαι ἤλπιζεν ὑπὸ Δημητρίου καὶ αὐτὸσ ἄρχειν ἠξίου πολέμου, πατρῷον ἐπιστάμενοσ ὂν Δημητρίῳ προσπεριβάλλεσθαί τι ἐθέλειν καὶ ἅμα ὁρῶν αὐτὸν παρελθόντα ἐσ Μακεδονίαν μετάπεμπτον ὑπὸ Ἀλεξάνδρου τοῦ Κασσάνδρου, ὡσ δὲ ἀφίκετο, αὐτόν τε Ἀλέξανδρον φονεύσαντα καὶ ἔχοντα ἀντ’ ἐκείνου τὴν Μακεδόνων ἀρχήν. τούτων ἕνεκα Δημητρίῳ συμβαλὼν πρὸσ Ἀμφιπόλει παρ’ ὀλίγον μὲν ἦλθεν ἐκπεσεῖν Θρᾴκησ, ἀμύναντοσ δέ οἱ Πύρρου τήν τε Θρᾴκην κατέσχε καὶ ὕστερον ἐπῆρξε Νεστίων καὶ Μακεδόνων·

τὸ δὲ πολὺ Μακεδονίασ αὐτὸσ Πύρροσ κατεῖχε, δυνάμει τε ἥκων ἐξ Ἠπείρου καὶ πρὸσ Λυσίμαχον ἐν τῷ παρόντι ἔχων ἐπιτηδείωσ. Δημητρίου δὲ διαβάντοσ ἐσ τὴν Ἀσίαν καὶ Σελεύκῳ πολεμοῦντοσ, ὅσον μὲν χρόνον ἀντεῖχε τὰ Δημητρίου, διέμεινεν ἡ Πύρρου καὶ Λυσιμάχου συμμαχία· γενομένου δὲ ἐπὶ Σελεύκῳ Δημητρίου Λυσιμάχῳ καὶ Πύρρῳ διελύθη ἡ φιλία, καὶ καταστάντων ἐσ πόλεμον Λυσίμαχοσ Ἀντιγόνῳ τε τῷ Δημητρίου καὶ αὐτῷ Πύρρῳ πολεμήσασ ἐκράτησε παρὰ πολὺ καὶ Μακεδονίαν ἔσχεν, ἀναχωρῆσαι Πύρρον βιασάμενοσ ἐσ τὴν Ἤπειρον.

εἰώθασι δὲ ἀνθρώποισ φύεσθαι δι’ ἔρωτα πολλαὶ συμφοραί.

Λυσίμαχοσ γὰρ ἡλικίᾳ τε ἤδη προήκων καὶ ἐσ τοὺσ παῖδασ αὐτόσ τε νομιζόμενοσ εὐδαίμων καὶ Ἀγαθοκλεῖ παίδων ὄντων ἐκ Λυσάνδρασ Ἀρσινόην ἔγημεν ἀδελφὴν Λυσάνδρασ. ταύτην τὴν Ἀρσινόην φοβουμένην ἐπὶ τοῖσ παισί, μὴ Λυσιμάχου τελευτήσαντοσ ἐπ’ Ἀγαθοκλεῖ γένωνται, τούτων ἕνεκα Ἀγαθοκλεῖ ἐπιβουλεῦσαι λέγεται. ἤδη δὲ ἔγραψαν καὶ ὡσ Ἀγαθοκλέουσ ἀφίκοιτο ἐσ ἔρωτα ἡ Ἀρσινόη, ἀποτυγχάνουσα δὲ ἐπὶ τῷ βουλεῦσαι λέγουσιν Ἀγαθοκλεῖ θάνατον. λέγουσι δὲ καὶ ὡσ Λυσίμαχοσ αἴσθοιτο ὕστερον τὰ τολμηθέντα ὑπὸ τῆσ γυναικόσ, εἶναι δὲ οὐδὲν ἔτι οἱ πλέον ἠρημωμένῳ φίλων ἐσ τὸ ἔσχατον. ὡσ γὰρ δὴ τότε ὁ Λυσίμαχοσ ἀνελεῖν τὸν Ἀγαθοκλέα Ἀρσινόῃ παρῆκε, Λυσάνδρα παρὰ Σέλευκον ἐκδιδράσκει τούσ τε παῖδασ ἅμα ἀγομένη καὶ τοὺσ ἀδελφοὺσ τοὺσ αὑτῆσ, οἷ περιελθὸν τοῦτο ἐσ Πτολεμαῖον καταφεύγουσι.

τούτοισ ἐκδιδράσκουσι παρὰ Σέλευκον καὶ Ἀλέξανδροσ ἠκολούθησεν, υἱὸσ μὲν Λυσιμάχου, γεγονὼσ δὲ ἐξ Ὀδρυσιάδοσ γυναικόσ. οὗτοί τε οὖν ἐσ Βαβυλῶνα ἀναβεβηκότεσ ἱκέτευον Σέλευκον ἐσ πόλεμον πρὸσ Λυσίμαχον καταστῆναι· καὶ Φιλέταιροσ ἅμα, ᾧ τὰ χρήματα ἐπετέτραπτο Λυσιμάχου, τῇ τε Ἀγαθοκλέουσ τελευτῇ χαλεπῶσ φέρων καὶ τὰ παρὰ τῆσ Ἀρσινόησ ὕποπτα ἡγούμενοσ καταλαμβάνει Πέργαμον τὴν ὑπὲρ Καί̈κου, πέμψασ δὲ κήρυκα τά τε χρήματα καὶ αὑτὸν ἐδίδου Σελεύκῳ.

Λυσίμαχοσ δὲ ταῦτα πάντα πυνθανόμενοσ ἔφθη διαβὰσ ἐσ τὴν Ἀσίαν καὶ ἄρξασ αὐτὸσ πολέμου συμβαλών τε Σελεύκῳ παρὰ πολύ τε ἐκρατήθη καὶ αὐτὸσ ἀπέθανεν.

Ἀλέξανδροσ δέ, ὃσ ἐκ τῆσ γυναικὸσ Ὀδρυσίδοσ ἐγεγόνει οἱ, πολλὰ Λυσάνδραν παραιτησάμενοσ ἀναιρεῖταί τε καὶ ὕστερον τούτων ἐσ Χερρόνησον κομίσασ ἔθαψεν, ἔνθα ἔτι καὶ νῦν ἐστίν οἱ φανερὸσ ὁ τάφοσ Καρδίασ τε μεταξὺ κώμησ καὶ Πακτύησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 10

(파우사니아스, Description of Greece, Ἀττικά, chapter 10)

상위

목록

SEARCH

MENU NAVIGATION