헬라어 문장 검색 - Παυσαν́Δεσξριπ́1́07́

(파우사니아스, Description of Greece, Ἀττικά, chapter 7)

οὗτοσ ὁ Πτολεμαῖοσ Ἀρσινόησ ἀδελφῆσ ἀμφοτέρωθεν ἐρασθεὶσ ἔγημεν αὐτήν, Μακεδόσιν οὐδαμῶσ ποιῶν νομιζόμενα, Αἰγυπτίοισ μέντοι ὧν ἦρχε. δεύτερα δὲ ἀδελφὸν ἀπέκτεινεν Ἀργαῖον ἐπιβουλεύοντα, ὡσ λέγεται, καὶ τὸν Ἀλεξάνδρου νεκρὸν οὗτοσ ὁ καταγαγὼν ἦν ἐκ Μέμφιδοσ· ἀπέκτεινε δὲ καὶ ἄλλον ἀδελφὸν γεγονότα ἐξ Εὐρυδίκησ, Κυπρίουσ ἀφιστάντα αἰσθόμενοσ. Μάγασ δὲ ἀδελφὸσ ὁμομήτριοσ Πτολεμαίου παρὰ Βερενίκησ τῆσ μητρὸσ ἀξιωθεὶσ ἐπιτροπεύειν Κυρήνην ‐ ἐγεγόνει δὲ ἐκ Φιλίππου τῇ Βερενίκῃ Μακεδόνοσ μέν, ἄλλωσ δὲ ἀγνώστου καὶ ἑνὸσ τοῦ δήμου ‐ , τότε δὴ οὗτοσ ὁ Μάγασ ἀποστήσασ Πτολεμαίου Κυρηναίουσ ἤλαυνεν ἐπ’ Αἴγυπτον. καὶ Πτολεμαῖοσ μὲν τὴν ἐσβολὴν φραξάμενοσ ὑπέμενεν ἐπιόντασ Κυρηναίουσ, Μάγᾳ δὲ ἀπαγγέλλεται καθ’ ὁδὸν ἀφεστηκέναι Μαρμαρίδασ·

εἰσὶ δὲ Λιβύων οἱ Μαρμαρίδαι τῶν νομάδων. καὶ τότε μὲν ἐσ Κυρήνην ἀπηλλάσσετο· Πτολεμαῖον δὲ ὡρμημένον διώκειν αἰτία τοιάδε ἐπέσχεν. ἡνίκα παρεσκευάζετο ἐπιόντα ἀμύνεσθαι Μάγαν, ξένουσ ἐπηγάγετο καὶ ἄλλουσ καὶ Γαλάτασ ἐσ τετρακισχιλίουσ· τούτουσ λαβὼν ἐπιβουλεύοντασ κατασχεῖν Αἴγυπτον, ἀνήγαγε σφᾶσ ἐσ νῆσον ἔρημον διὰ τοῦ ποταμοῦ. καὶ οἱ μὲν ἐνταῦθα ἀπώλοντο ὑπό τε ἀλλήλων καὶ τοῦ λιμοῦ· Μάγασ δὲ ἤδη γυναῖκα ἔχων Ἀπάμην Ἀντιόχου τοῦ Σελεύκου θυγατέρα, ἔπεισεν Ἀντίοχον παραβάντα ἃσ ὁ πατήρ οἱ Σέλευκοσ ἐποιήσατο συνθήκασ πρὸσ Πτολεμαῖον, ἐλαύνειν ἐπ’ Αἴγυπτον.

ὡρμημένου δὲ Ἀντιόχου στρατεύειν, Πτολεμαῖοσ διέπεμψεν ἐσ ἅπαντασ ὧν ἦρχεν Ἀντίοχοσ, τοῖσ μὲν ἀσθενεστέροισ λῃστὰσ κατατρέχειν τὴν γῆν, οἳ δὲ ἦσαν δυνατώτεροι στρατιᾷ κατεῖργεν, ὥστε Ἀντιόχῳ μήποτε ἐγγενέσθαι στρατεύειν ἐπ’ Αἴγυπτον.

οὗτοσ ὁ Πτολεμαῖοσ καὶ πρότερον εἴρηταί μοι ὡσ ναυτικὸν ἔστειλεν ἐσ τὴν Ἀθηναίων συμμαχίαν ἐπ’ Ἀντίγονον καὶ Μακεδόνασ· ἀλλὰ γὰρ ἀπ’ αὐτοῦ οὐδὲν μέγα ἐγένετο ἐσ σωτηρίαν Ἀθηναίοισ. οἱ δέ οἱ παῖδεσ ἐγένοντο ἐξ Ἀρσινόησ, οὐ τῆσ ἀδελφῆσ, Λυσιμάχου δὲ θυγατρόσ· τὴν δέ οἱ συνοικήσασαν ἀδελφὴν κατέλαβεν ἔτι πρότερον ἀποθανεῖν ἄπαιδα, καὶ νομόσ ἐστιν ἀπ’ αὐτῆσ Ἀρσινοί̈τησ Αἰγυπτίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀττικά, chapter 7

(파우사니아스, Description of Greece, Ἀττικά, chapter 7)

상위

목록

SEARCH

MENU NAVIGATION