호흡부호 보기
강세부호 보기
장단부호 보기
작은 Iota 보기
모든 부호 보기
παρασκευαζόμενοι δὲ τὰ εἰσ τὸν πόλεμον ἐπιτήδεια καὶ τὰσ δυνάμεισ ἀρξάμενοι καταγράφειν, εἰσ πολλὴν ἐνέπιπτον ἀμηχανίαν, οὐ τὴν αὐτὴν ἁπάντων προθυμίαν εἰσ τὰ ἔργα παρεχομένων. οἱ γὰρ ἐνδεεῖσ βίου καὶ μάλιστα οἱ τὰ χρέα τοῖσ συμβαλοῦσι διαλῦσαι οὐ δυνάμενοι πολλοὶ σφόδρα ὄντεσ οὐχ ὑπήκουον ἐπὶ τὰ ὅπλα καλούμενοι οὐδ’ ἐβούλοντο κοινωνεῖν οὐδενὸσ ἔργου τοῖσ πατρικίοισ, εἰ μὴ ψηψίσαιντο αὐτοῖσ χρεῶν ἄφεσιν· ἀλλὰ καὶ καταλείψειν τινὲσ αὐτῶν τὴν πόλιν ἔλεγον καὶ παρεκελεύοντο ἀλλήλοισ μὴ φιλοχωρεῖν πόλει μηδενὸσ αὐτοῖσ ἀγαθοῦ μεταδιδούσῃ.
τέωσ μὲν οὖν παρακαλεῖν αὐτοὺσ οἱ πατρίκιοι καὶ μεταπείθειν ἐπειρῶντο, ἐπεὶ δ’ οὐθὲν ἐγίνοντο μετριώτεροι πρὸσ τὰσ παρακλήσεισ, οὕτω δὴ συνελθόντεσ εἰσ τὸ βουλευτήριον ἐσκόπουν, τίσ εὐπρεπεστέρα λύσισ ἔσται τῆσ κατεχούσησ τὴν πόλιν ταραχῆσ.
ὅσοι μὲν οὖν ἐπιεικεῖσ τὴν φύσιν καὶ μέτριοι τοῖσ τιμήμασι τῶν βίων ἦσαν, παρῄνουν ἀφεῖναι τὰ χρέα τοῖσ πένησι καὶ πρίασθαι πολιτικὴν εὔνοιαν ὀλίγου διαφόρου, μεγάλα μέλλοντασ ἐξ αὐτῆσ κερδανεῖν ἰδίᾳ τε καὶ δημοσίᾳ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기