헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 75)

ὃν δὲ τρόπον ὁ Λάρκιοσ ἐχρήσατο τοῖσ πράγμασι δικτάτωρ πρῶτοσ ἀποδειχθεὶσ καὶ κόσμον, οἱο͂ν περιέθηκε τῇ ἀρχῇ, συντόμωσ πειράσομαι διεξελθεῖν, ταῦτα ἡγούμενοσ εἶναι χρησιμώτατα τοῖσ ἀναγνωσομένοισ, ἃ πολλὴν εὐπορίαν παρέξει καλῶν καὶ συμφερόντων παραδειγμάτων νομοθέταισ τε καὶ δημαγωγοῖσ καὶ τοῖσ ἄλλοισ ἅπασι τοῖσ πολιτεύεσθαί τε καὶ τὰ κοινὰ πράττειν βουλομένοισ. οὐ γὰρ ἀζήλου καὶ ταπεινῆσ πόλεωσ πολιτεύματα καὶ βίουσ οὐδὲ ἀνωνύμων καὶ ἀπερριμμένων ἀνθρώπων βουλεύματα καὶ πράξεισ μέλλω διηγεῖσθαι, ὥστε ὄχλον ἄν τινι καὶ φλυαρίαν φανῆναι τὴν περὶ τὰ μικρὰ καὶ φαῦλα ἡμῶν σπουδήν· ἀλλ’ ὑπὲρ τῆσ ἅπασι τὰ καλὰ καὶ δίκαια ὁριζούσησ πόλεωσ καὶ περὶ τῶν εἰσ τοῦτο καταστησαμένων αὐτὴν τὸ ἀξίωμα ἡγεμόνων, ἅ τισ ἂν σπουδάσειε μὴ ἀγνοεῖν φιλόσοφοσ καὶ πολιτικὸσ ἀνήρ, συγγράφω.

εὐθὺσ μὲν οὖν ἅμα τῷ παραλαβεῖν τὴν ἐξουσίαν, ἱππάρχην ἀποδείκνυσι Σπόριον Κάσσιον, τὸν ὑπατεύσαντα κατὰ τὴν ἑβδομηκοστὴν ὀλυμπιάδα.

τοῦτο τὸ ἔθοσ ἑώσ τῆσ κατ’ ἐμὲ γενεᾶσ ἐφυλάττετο ὑπὸ Ῥωμαίων, καὶ οὐθεὶσ εἰσ τόδε χρόνου δικτάτωρ αἱρεθεὶσ χωρὶσ ἱππάρχου τὴν ἀρχὴν διετέλεσεν. ἔπειτα τῆσ ἐξουσίασ τὸ κράτοσ ἐπιδεῖξαι βουληθεὶσ ὅσον ἐστί, καταπλήξεωσ μᾶλλον ἢ χρήσεωσ ἕνεκα τοῖσ ῥαβδούχοισ ἐκέλευσεν ἅμα ταῖσ δεσμαῖσ τῶν ῥάβδων τοὺσ πελέκεισ διὰ τῆσ πόλεωσ φέρειν· ἔθοσ ἐπιχώριον μὲν τοῖσ βασιλεῦσιν, ἐκλειφθὲν δ’ ὑπὸ τῶν ὑπάτων, ἐξ οὗ Οὐαλέριοσ Ποπλικόλασ ὁ πρῶτοσ ὑπατεύσασ ἐμείωσε τὸν φθόνον τῆσ ἀρχῆσ, αὐτὸσ ἀνανεωσάμενοσ.

καταπληξάμενοσ δὲ τούτῳ τε καὶ τοῖσ ἄλλοισ συμβόλοισ τῆσ βασιλικῆσ ἡγεμονίασ τοὺσ ταρακτικοὺσ καὶ νεωτεριστάσ, τὸ κράτιστον τῶν ὑπὸ Σερουϊού Τυλλίου τοῦ δημοτικωτάτου βασιλέωσ κατασταθέντων νομίμων, πρῶτον ἐπέταξε ποιῆσαι Ῥωμαίοισ ἅπασι, τιμήσεισ κατὰ φυλὰσ τῶν βίων ἐνεγκεῖν, προσγράφοντασ γυναικῶν τε καὶ παίδων ὀνόματα καὶ ἡλικίασ ἑαυτῶν τε καὶ τέκνων.

ἐν ὀλίγῳ δὲ χρόνῳ πάντων τιμησαμένων διὰ τὸ μέγεθοσ τῆσ τιμωρίασ·

τήν τε γὰρ οὐσίαν ἀπολέσαι τοὺσ ἀπειθήσαντασ ἔδει καὶ τὴν πολιτείαν· ἑπτακοσίοισ πλείουσ εὑρέθησαν οἱ ἐν ἥβῃ Ῥωμαῖοι πεντεκαίδεκα μυριάδων. μετὰ τοῦτο διακρίνασ τοὺσ ἔχοντασ τὴν στρατεύσιμον ἡλικίαν ἀπὸ τῶν πρεσβυτέρων καὶ καταχωρίσασ εἰσ λόχουσ, διένειμε πεζούσ τε καὶ ἱππεῖσ εἰσ τέτταρασ μοίρασ· ὧν μίαν μὲν τὴν κρατίστην περὶ αὑτὸν εἶχεν, ἐκ δὲ τῶν ὑπολειπομένων Κλοίλιον ἐκέλευσε τὸν συνύπατον ἣν αὐτὸσ ἐβούλετο λαβεῖν, τὴν δὲ τρίτην Σπόριον Κάσσιον τὸν ἱππάρχην, τὴν δὲ καταλειπομένην τὸν ἀδελφὸν Σπόριον Λάρκιον·

αὕτη φρουρεῖν τὴν πόλιν ἐτάχθη σὺν τοῖσ πρεσβυτέροισ ἐντὸσ τείχουσ μένουσα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 75

(디오니시오스, Antiquitates Romanae, Books IV-VI, book 5, chapter 75)

상위

목록

SEARCH

MENU NAVIGATION