헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 10)

ταῦτ’ εἰπὼν καὶ φυλακὴν τοῖσ μειρακίοισ ἐπιστήσασ ἐκάλει τὸν δῆμον εἰσ ἐκκλησίαν. πληρωθείσησ δὲ τῆσ ἀγορᾶσ ὄχλου· περιβόητον γὰρ ἀνὰ τὴν πόλιν ὅλην τὸ περὶ τοὺσ παῖδασ αὐτοῦ πάθοσ ἐγεγόνει· προελθών τε καὶ τοὺσ ἐντιμοτάτουσ τῶν ἐν τῷ συνεδρίῳ παραστησάμενοσ ἔλεξε τοιάδε· ἐβουλόμην μὲν ἄν, ὦ πολῖται, Κολλατῖνον τουτονὶ τὸν συνάρχοντα περὶ πάντων μοι ταὐτὰ φρονεῖν καὶ μὴ τῷ λόγῳ μόνον, ἀλλὰ καὶ τοῖσ ἔργοισ μισεῖν τοὺσ τυράννουσ καὶ πολεμεῖν·

ἐπεὶ δὲ τἀναντία φρονῶν γέγονέ μοι καταφανὴσ καὶ ἔστιν οὐ μόνον τῇ φύσει Ταρκυνίων συγγενήσ, ἀλλὰ καὶ τῇ προαιρέσει, διαλλαγάσ τε πράττων πρὸσ αὐτοὺσ καὶ ἀντὶ τῶν κοινῇ συμφερόντων τὸ ἑαυτοῦ σκοπῶν λυσιτελέσ, αὐτόσ τε κωλύειν αὐτὸν παρεσκεύασμαι πράττειν ἃ κατὰ νοῦν ἔχει πονηρὰ ὄντα, καὶ ὑμᾶσ ἐπὶ τούτῳ παρεκάλεσα· φράσω δ’ ὑμῖν πρῶτον μὲν, ἐν οἷσ ἐγένετο κινδύνοισ τὰ πράγματα τῆσ πόλεωσ, ἔπειτα πῶσ αὐτοῖσ ἑκάτεροσ ἡμῶν κέχρηται.

τῶν πολιτῶν τινεσ συνελθόντεσ εἰσ τὴν Ἀκυλλίων οἰκίαν τῶν ἐκ τῆσ Κολλατίνου γεγονότων ἀδελφῆσ, ἐν οἷσ ἦσαν οἵ τ’ ἐμοὶ παῖδεσ ἀμφότεροι καὶ οἱ τῆσ γυναικὸσ ἀδελφοὶ τῆσ ἐμῆσ καὶ ἄλλοι τινὲσ ἅμα τούτοισ οὐκ ἀφανεῖσ, συνθήκασ ἐποιήσαντο πρὸσ ἀλλήλουσ καὶ συνώμοσαν ἀποκτείναντεσ ἐμὲ καταγαγεῖν Ταρκύνιον ἐπὶ τὴν ἀρχήν·

ἐπιστολάσ τε περὶ τούτων γράψαντεσ αὐτογράφουσ καὶ ταῖσ ἑαυτῶν σφραγῖσι κατασημηνάμενοι πέμπειν πρὸσ τοὺσ φυγάδασ ἔμελλον. ταῦθ’ ἡμῖν θεῶν τινοσ εὐνοίᾳ καταφανῆ γέγονεν ὑπὸ τοῦδε μηνυθέντα τοῦ ἀνδρόσ·

ἔστι δ’ Ἀκυλλίων δοῦλοσ, παρ’ οἷσ καταγόμενοι τῇ παρελθούσῃ νυκτὶ τὰσ ἐπιστολὰσ ἔγραψαν·

καὶ τῶν γραμμάτων γεγόναμεν αὐτῶν ἐγκρατεῖσ. Τῖτον μὲν οὖν ἐγὼ καὶ Τιβέριον τοὺσ ἐμοὺσ παῖδασ τετιμώρημαι· καὶ οὐδὲν καταλέλυται διὰ τὴν ἐμὴν ἐπιείκειαν οὔτε νόμοσ οὔθ’ ὁρ́κοσ· Ἀκυλλίουσ δὲ Κολλατῖνοσ ἀφαιρεῖταί μου καί φησιν οὐκ ἐάσειν ὅμοια τοῖσ ἐμοῖσ παισὶ βουλεύσαντασ τῶν ὁμοίων ἐκείνοισ τυχεῖν. εἰ δ’ οὗτοι μηδεμίαν ὑφέξουσι δίκην, οὐδὲ τοὺσ ἀδελφοὺσ τῆσ ἐμῆσ γυναικὸσ οὐδὲ τοὺσ ἄλλουσ προδότασ τῆσ πατρίδοσ ἐξέσται μοι κολάσαι.

τί γὰρ δὴ δίκαιον πρὸσ αὐτοὺσ ἕξω λέγειν, ἂν τούτουσ ἀφῶ; τίνοσ οὖν ταῦτα μηνύματα τίθεσθε; πότερα τῆσ πρὸσ τὴν πόλιν εὐνοίασ ἢ τῶν πρὸσ τοὺσ τυράννουσ διαλλαγῶν, καὶ πότερα τῆσ ἐμπεδώσεωσ τῶν ὁρ́κων, οὓσ ἀφ’ ἡμῶν ἀρξάμενοι πάντεσ ὠμόσατε, ἢ τῆσ συγχύσεώσ τε καὶ ἐπιορκίασ; καὶ εἰ μὲν ἔλαθεν ἡμᾶσ, ταῖσ ἀραῖσ ἔνοχοσ ἦν ἂν καὶ θεοῖσ ὑπέσχεν, οὓσ ἐπιώρκει, δίκασ·

ἐπειδὴ δὲ καταφανὴσ γέγονεν, ὑφ’ ἡμῶν αὐτὸν προσήκει κολασθῆναι, ὅσ γ’ ὀλίγαισ μὲν ἡμέραισ πρότερον τὰ χρήματα τοῖσ τυράννοισ ὑμᾶσ ἔπεισεν ἀποδοῦναι, ἵνα μὴ κατὰ τῶν ἐχθρῶν ἡ πόλισ αὐτοῖσ ἔχῃ χρῆσθαι πρὸσ τὸν πόλεμον, ἀλλὰ κατὰ τῆσ πόλεωσ οἱ ἐχθροί· νῦν δὲ τοὺσ ἐπὶ καθόδῳ τῶν τυράννων συνομοσαμένουσ ἀφεῖσθαι τῆσ τιμωρίασ οἰέται δεῖν, ἐκείνοισ αὐτοὺσ δηλονότι χαριζόμενοσ, ἵν’, ἐὰν ἄρα κατέλθωσιν εἴτ’ ἐκ προδοσίασ εἴτε πολέμῳ, ταύτασ προφερόμενοσ τὰσ χάριτασ ἁπάντων ὡσ φίλοσ ὅσων ἂν αἱρῆται παρ’ αὐτῶν τυγχάνῃ.

ἔπειτ’ ἐγὼ τῶν ἐμῶν οὐ φεισάμενοσ τέκνων σοῦ φείσομαι, Κολλατῖνε, ὃσ τὸ μὲν σῶμα παρ’ ἡμῖν ἔχεισ, τὴν δὲ ψυχὴν παρὰ τοῖσ πολεμίοισ, καὶ τοὺσ μὲν προδότασ τῆσ πατρίδοσ σώζεισ, ἐμὲ δὲ τὸν ὑπὲρ αὐτῆσ ἀγωνιζόμενον ἀποκτενεῖσ;

πόθεν; πολλοῦ γε καὶ δεῖ· ἀλλ’ ἵνα μηδὲν ἔτι τοιοῦτον ἐξεργάσῃ, τὴν μὲν ἀρχὴν ἀφαιροῦμαί σε καὶ πόλιν ἑτέραν κελεύω μεταλαβεῖν· ὑμῖν δ’, ὦ πολῖται, ψῆφον ἀναδώσω καλέσασ αὐτίκα μάλα τοὺσ λόχουσ, ἵνα διαγνῶσιν, εἰ χρὴ ταῦτ’ εἶναι κύρια·

εὖ δ’ ἴστε δυεῖν θάτερον ἢ Κολλατῖνον ἕξοντεσ ὕπατον ἢ Βροῦτον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 10

(디오니시오스, Antiquitates Romanae, Books IV-VI, book 5, chapter 10)

상위

목록

SEARCH

MENU NAVIGATION