헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 29)

καὶ ὁ Μούκιοσ οὔτε μεταβολῇ χρώματοσ οὔτε συννοίᾳ προσώπου τὸν ὀρρωδοῦντα διασημήνασ οὔτ’ ἄλλο παθὼν οὐδέν, ὧν φιλοῦσι πάσχειν οἱ μέλλοντεσ ἀποθνήσκειν, λέγει πρὸσ αὐτόν· ἐγὼ Ῥωμαῖοσ μέν εἰμι, καὶ οὐ τῶν ἐπιτυχόντων ἕνεκα γένουσ, ἐλευθερῶσαι δὲ τὴν πατρίδα τοῦ πολέμου βουληθεὶσ ἦλθον ἐπὶ τὸ στρατόπεδον ὑμῶν ὡσ τῶν αὐτομόλων τισ, ἀποκτεῖναί σε βουλόμενοσ· οὐκ ἀγνοῶν μέν, ὅτι καὶ κατορθώσαντι καὶ διαμαρτόντι τῆσ ἐλπίδοσ ἀποθανεῖν ὑπάρχει μοι, χαρίσασθαι δὲ τῇ γειναμένῃ τὴν ἐμαυτοῦ ψυχὴν προαιρούμενοσ καὶ ἀντὶ τοῦ θνητοῦ σώματοσ ἀθάνατον δόξαν καταλιπεῖν· ψευσθεὶσ δὲ τῆσ ἐλπίδοσ ἀντὶ σοῦ τὸν γραμματέα, ὃν οὐθὲν ἐδεόμην, ἀνῄρηκα τῇ τε πορφύρᾳ καὶ τῷ δίφρῳ καὶ τοῖσ ἄλλοισ τῆσ ἐξουσίασ συμβόλοισ πλανηθείσ.

τὸν μὲν οὖν θάνατον, ὃν αὐτὸσ ἐμαυτοῦ κατεψηφισάμην, ὅτ’ ἐπὶ τὴν πρᾶξιν ἔμελλον ὁρμᾶν, οὐ παραιτοῦμαι·

βασάνουσ δὲ καὶ τὰσ ἄλλασ ὕβρεισ εἴ μοι παρείησ, πίστεισ δοὺσ ἐπὶ θεῶν ὑπισχνοῦμαί σοι μέγα πρᾶγμα δηλώσειν καὶ πρὸσ τὴν σωτηρίαν ἀνῆκόν σοι. ὁ μὲν δὴ ταῦτ’ ἔλεγε καταστρατηγῆσαι τὸν ἄνδρα διανοούμενοσ·

ὁ δ’ ἔξω τοῦ φρονεῖν γεγονὼσ καὶ ἅμα κινδύνουσ ἐκ πολλῶν μαντευόμενοσ ἀνθρώπων οὐκ ἀληθεῖσ δίδωσιν αὐτῷ δι’ ὁρ́κων τὸ πιστόν. μετὰ δὲ τοῦθ’ ὁ Μούκιοσ καινότατον ἐνθυμηθεὶσ ἀπάτησ τρόπον, ὃσ ἐν ἀφανεῖ τὸν ἔλεγχον εἶχε, λέγει πρὸσ αὐτόν· ὦ βασιλεῦ, Ῥωμαίων ἄνδρεσ τριακόσιοι τὴν αὐτὴν ἔχοντεσ ἡλικίαν ἐκ τοῦ γένουσ τοῦ τῶν πατρικίων ἅπαντεσ ἐβουλευσάμεθα συνελθόντεσ ἀποκτεῖναί σε καὶ τὸ πιστὸν ὁρ́κοισ παρ’ ἀλλήλων ἐλάβομεν.

ἔδοξε δ’ ἡμῖν βουλευομένοισ ὅστισ ὁ τῆσ ἐπιβουλῆσ ἦν τρόποσ, μήθ’ ἅπαντασ ἅμα χωρεῖν ἐπὶ τὸ ἔργον, ἀλλὰ καθ’ ἕνα, μήτε φράζειν ἕτερον ἑτέρῳ πότε καὶ πῶσ καὶ ποῦ καὶ τίσιν ἀφορμαῖσ χρησάμενοσ ἐπιθήσεταί σοι, ἵνα ῥᾷον ἡμῖν ὑπάρχῃ τὸ λαθεῖν.

ταῦτα διανοηθέντεσ ἐκληρωσάμεθα, καὶ πρῶτοσ ἄρξαι τῆσ πείρασ ἔλαχον ἐγώ. ἐπιθυμίᾳ δόξησ, ὧν ὡσ εἰκάσαι τισ ἀμείνονι τύχῃ χρήσεται τῆσ ἐμῆσ, σκόπει, τίσ ἔσται σοι πρὸσ ἅπαντασ ἀρκοῦσα φυλακή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 29

(디오니시오스, Antiquitates Romanae, Books IV-VI, book 5, chapter 29)

상위

목록

SEARCH

MENU NAVIGATION