Dionysius of Halicarnassus, Antiquitates Romanae, Books IV-VI, book 5, chapter 72

(디오니시오스, Antiquitates Romanae, Books IV-VI, book 5, chapter 72)

ἐπαινεσάντων δὲ τὴν γνώμην ἁπάντων μετὰ τοῦτον ἀναστὰσ ἕτεροσ εἶπεν· ἐμοὶ δ’, ὦ βουλή, δοκεῖ καὶ τοῦτ’ ἔτι προστεθῆναι τῇ γνώμῃ, δυεῖν ἀνδρῶν κρατίστων εἰσ τόδε χρόνου τὰ κοινὰ διοικούντων, ὧν οὐκ ἂν εὑρ́οιτε ἀμείνουσ, τὸν μὲν ἕτερον αὐτῶν κύριον ἀποδειχθῆναι τῆσ ἀναρρήσεωσ, τὸν δ’ ἕτερον ὑπὸ τοῦ συνάρχοντοσ αἱρεθῆναι διαγνόντων αὐτῶν ἐν ἀλλήλοισ τὸν ἐπιτηδειότερον· ἵνα αὐτοῖσ περιγένηται σὺν τῷ τιμίῳ καὶ τὸ χαῖρον ἴσον, τῷ μὲν ὅτι τὸν συνάρχοντα κράτιστον ἀπέφηνε, τῷ δ’ ὅτι πρὸσ τοῦ συνάρχοντοσ ἄριστοσ ἐκρίθη· ἡδὺ γὰρ καὶ καλὸν ἑκάτερον. οἶδα μὲν οὖν, ὅτι καὶ μὴ προστεθέντοσ τῇ γνώμῃ τοῦδε τοῦ μέρουσ, αὐτοῖσ ἂν ἐφάνη τοῖσ ἀνδράσιν οὕτωσ ποιεῖν· ἕτερόν τι βουλομένων.

ἐδόκει καὶ τοῦτο κατὰ νοῦν ἅπασιν εἰρῆσθαι·

καὶ οὐθενὸσ ἔτι τῇ γνώμῃ προστεθέντοσ ἐπικυροῦται τὸ δόγμα. ὡσ δὲ παρέλαβον τὴν ἐξουσίαν οἱ ὕπατοι τοῦ διαγνῶναι, πότεροσ ἐξ αὐτῶν ἄρχειν ἐστὶν ἐπιτηδειότεροσ, θαυμαστόν τι καὶ παρὰ πάσασ τὰσ ἀνθρωπίνασ ὑπολήψεισ πρᾶγμα ἐποίουν. οὐ γὰρ ἑαυτὸν ἑκάτεροσ ἄξιον ἀπέφαινε τῆσ ἡγεμονίασ, ἀλλὰ τὸν ἕτερον· καὶ κατέτριψαν ὅλην τὴν ἡμέραν ἐκείνην τὰσ ἀλλήλων ἀρετὰσ ἐξαριθμούμενοι καὶ λιπαροῦντεσ μὴ λαβεῖν αὐτοὶ τὴν ἀρχήν, ὥστε ἐν πολλῇ γενέσθαι τοὺσ ἐν τῷ συνεδρίῳ παρόντασ ἀμηχανίᾳ. διαλυθείσησ δὲ τῆσ βουλῆσ οἱ προσήκοντεσ κατὰ γένοσ ἑκατέρῳ, καὶ τῶν ἄλλων βουλευτῶν οἱ ἐντιμότατοι πρὸσ τὸν Λάρκιον ἀφικόμενοι πολλὰσ ἐποιοῦντο τοῦ ἀνδρὸσ ἄχρι πολλῆσ νυκτὸσ δεήσεισ διδάσκοντεσ, ὡσ ἐν ἐκείνῳ τὰσ ἐλπίδασ ἡ βουλὴ τέθειται πάσασ, καὶ τὸ ἀσπούδαστον αὐτοῦ περὶ τὴν ἀρχὴν πονηρὸν εἶναι τῷ κοινῷ λέγοντεσ.

ὁ δ’ ἦν ἀτενὴσ καὶ πολλὰ ἐν μέρει δεόμενόσ τε καὶ ἀντιβολῶν ἕκαστον διετέλει. ἀφίστατο τῆσ γνώμησ, ἀναστὰσ ὁ Κλοίλιοσ ἀναγορεύει τ’ αὐτόν, ὥσπερ εἰώθεσαν ποιεῖν οἱ μεσοβασιλεῖσ, καὶ τὴν ὑπατείαν αὐτὸσ ἐξόμνυται.

일치하는 문장이 없습니다.

SEARCH

MENU NAVIGATION