헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 23)

ὡσ δὲ συνῆλθον εἰσ χεῖρασ, ἐμάχοντο γενναίωσ καὶ πολὺν ἀντεῖχον ἀμφότεροι χρόνον· ἐμπειρίᾳ μὲν καὶ καρτερίᾳ κρείττουσ ὄντεσ οἱ Ῥωμαῖοι τῶν ἐναντίων, πλήθει δὲ κρατοῦντεσ τῶν Ῥωμαίων οἱ Τυρρηνοί τε καὶ Λατῖνοι μακρῷ. πολλῶν δὲ πεσόντων ἀφ’ ἑκατέρων δέοσ εἰσέρχεται Ῥωμαίουσ, πρῶτον μὲν τοὺσ κατέχοντασ τὸ ἀριστερὸν κέρασ, ἐπειδὴ τοὺσ ἡγεμόνασ ἐθεάσαντο Οὐαλέριόν τε καὶ Λουκρήτιον τραυματίασ ἀποκομισθέντασ ἐκ τῆσ μάχησ· ἔπειτα καὶ τοὺσ ἐπὶ τοῦ δεξιοῦ κέρατοσ τεταγμένουσ νικῶντασ ἤδη τὴν σὺν Ταρκυνίοισ δύναμιν τὸ αὐτὸ καταλαμβάνει πάθοσ, ὁρῶντασ τὴν τροπὴν τῶν ἑτέρων. φευγόντων δ’ εἰσ τὴν πόλιν ἁπάντων καὶ διὰ μιᾶσ γεφύρασ βιαζομένων ἀθρόων ὁρμὴ γίνεται τῶν πολεμίων ἐπ’ αὐτοὺσ μεγάλη·

ὀλίγου τε πάνυ ἡ πόλισ ἐδέησεν ἁλῶναι κατὰ κράτοσ ἀτείχιστοσ οὖσα ἐκ τῶν παρὰ τὸν ποταμὸν μερῶν, εἰ συνεισέπεσον εἰσ αὐτὴν ἅμα τοῖσ φεύγουσιν οἱ διώκοντεσ. οἱ δὲ τὴν ὁρτὴν τῶν πολεμίων ἐπισχόντεσ καὶ διασώσαντεσ ὅλην τὴν στρατιὰν τρεῖσ ἄνδρεσ ἐγένοντο, Σπόριοσ μὲν Λάρκιοσ καὶ Τῖτοσ Ἑρμίνιοσ οἱ τὸ δεξιὸν ἔχοντεσ κέρασ ἐκ τῶν πρεσβυτέρων, Πόπλιοσ δ’ Ὁράτιοσ ὁ καλούμενοσ Κόκλησ ἐκ τοῦ κατὰ τὴν ὄψιν ἐλαττώματοσ ἐκκοπεὶσ ἐν μάχῃ τὸν ἕτερον ὀφθαλμὸν ἐκ τῶν νεωτέρων, μορφήν τε κάλλιστοσ ἀνθρώπων καὶ ψυχὴν ἄριστοσ.

οὗτοσ ἀδελφιδοῦσ μὲν ἦν Ὁρατίου Μάρκου θατέρου τῶν ὑπάτων, τὸ δὲ γένοσ κατῆγεν ἀφ’ ἑνὸσ τῶν τριδύμων Ὁρατίου Μάρκου τοῦ νικήσαντοσ τοὺσ Ἀλβανοὺσ τριδύμουσ, ὅτε περὶ τῆσ ἡγεμονίασ αἱ πόλεισ εἰσ πόλεμον καταστᾶσαι συνέβησαν μὴ πάσαισ ἀποκινδυνεῦσαι ταῖσ δυνάμεσιν, ἀλλὰ τρισὶν ἀνδράσιν ἀφ’ ἑκατέρασ, ὡσ ἐν τοῖσ προτέροισ δεδήλωκα λόγοισ.

οὗτοι δὴ μόνοι κατὰ νώτου λαβόντεσ τὴν γέφυραν εἶργον τῆσ διαβάσεωσ τοὺσ πολεμίουσ μέχρι πολλοῦ καὶ διέμενον ἐπὶ τῆσ αὐτῆσ στάσεωσ βαλλόμενοί θ’ ὑπὸ πολλῶν παντοδαποῖσ βέλεσι καὶ ἐκ χειρὸσ παιόμενοι τοῖσ ξίφεσιν, ἑώσ ἅπασα ἡ στρατιὰ διῆλθε τὸν ποταμόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 23

(디오니시오스, Antiquitates Romanae, Books IV-VI, book 5, chapter 23)

상위

목록

SEARCH

MENU NAVIGATION