헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 46)

ὡσ δὲ συνεῖδον ἀμφότεροι τὰ τῶν πολεμίων πράγματα, τῷ τε μεγέθει τῶν στρατοπέδων εἰκάσαντεσ καὶ παρ’ αἰχμαλώτων ἀκούσαντεσ, τοῖσ μὲν Σαβίνοισ θάρσοσ παρέστη καὶ καταφρόνησισ τῆσ τῶν πολεμίων ὀλιγότητοσ, τοῖσ δὲ Ῥωμαίοισ δέοσ πρὸσ τὸ τῶν ἀντιπολεμούντων πλῆθοσ· ἐθάρρησαν δὲ καὶ οὐ μικρὰσ ἐλπίδασ ὑπὲρ τῆσ νίκησ ἔλαβον ἄλλων τε σημείων γενομένων σφίσι θεοπέμπτων καὶ δὴ καὶ τελευταίου φάσματοσ, ὅτε παρατάττεσθαι ἔμελλον, τοιοῦδε. ἐκ τῶν καταπεπηγμένων παρὰ ταῖσ σκηναῖσ ὑσσῶν·

ἔστι δὲ ταῦτα βέλη Ῥωμαίων, ἃ συνιόντεσ εἰσ χεῖρασ ἐξακοντίζουσι, ξύλα προμήκη τε καὶ χειροπλήθη τριῶν οὐχ ἧττον ποδῶν σιδηροῦσ ὀβελίσκουσ ἔχοντα προὔχοντασ κατ’ εὐθεῖαν ἐκ θατέρου τῶν ἄκρων, μετρίοισ ἀκοντίοισ ἴσα σὺν τῷ σιδήρῳ· ἐκ τούτων δὴ τῶν ὑσσῶν περὶ τοῖσ ἄκροισ τῶν ὀβελίσκων φλόγεσ ἀνήπτοντο, καὶ δι’ ὅλου τοῦ στρατοπέδου τὸ σέλασ ἦν, ὥσπερ ἀπὸ λαμπάδων, καὶ κατέσχε τῆσ νυκτὸσ ἐπὶ πολύ. ἐκ τούτου κατέλαβον τοῦ φάσματοσ, ὥσπερ οἱ τερατοσκόποι ἀπέφαινον καὶ πᾶσιν ἀνθρώποισ συμβαλεῖν οὐ χαλεπὸν ἦν, ὅτι νίκην αὐτοῖσ ταχεῖαν καὶ λαμπρὰν σημαίνει τὸ δαιμόνιον, ἐπειδήπερ ἅπαν εἴκει τῷ πυρὶ καὶ οὐδὲν ὅ τι οὐχ ὑπὸ τοῦ πυρὸσ διαφθείρεται. τοῦτο δ’ ὅτι ἐκ τῶν ἀμυντηρίων αὐτοῖσ ὅπλων ἀνήφθη, μετὰ πολλοῦ θάρσουσ προῄεσαν ἐκ τοῦ χάρακοσ καὶ συρράξαντεσ τοῖσ Σαβίνοισ ἐμάχοντο πολλαπλασίοισ ἐλάττουσ ἐν τῷ θαρρεῖν τὸ πιστὸν ἔχοντεσ·

καὶ ἡ ἐμπειρία δὲ σὺν τῷ φιλοπόνῳ πολλὴ αὐτοῖσ παροῦσα παντὸσ ἐπήγετο δεινοῦ καταφρονεῖν.

πρῶτοσ μὲν οὖν ὁ Ποστόμιοσ τὸ εὐώνυμον ἔχων κέρασ ἀναλύσασθαι τὴν προτέραν ἧτταν προθυμούμενοσ τὸ δεξιὸν τῶν πολεμίων ἐξωθεῖ κέρασ πρόνοιαν οὐδεμίαν τῆσ, ἑαυτοῦ ψυχῆσ παρὰ τὸ νικᾶν ποιούμενοσ, ἀλλ’ ὥσπερ οἱ μεμηνότεσ καὶ θανατῶντεσ εἰσ μέσουσ τοὺσ πολεμίουσ ῥιπτῶν ἑαυτόν·

ἔπειτα καὶ οἱ σὺν τῷ Μενηνίῳ θάτερον ἔχοντεσ κέρασ κάμνοντεσ ἤδη καὶ ἐξωθούμενοι τῆσ στάσεωσ, ὡσ ἔμαθον, ὅτι νικῶσι τοὺσ κατὰ σφᾶσ οἱ τοῦ Ποστομίου, θαρρήσαντεσ εἰσ ἀντίπαλα χωροῦσι· καὶ γίνεται τῶν κεράτων ἀμφοτέρων τοῖσ Σαβίνοισ ἐκκλινάντων τροπὴ παντελήσ. οὐδὲ γὰρ οἱ ἐν μέσῃ τῇ φάλαγγι ταχθέντεσ ἐψιλωμένων τῶν ἄκρων ἔτι παρέμειναν, ἀλλ’ ὑπὸ τῆσ ἵππου τῆσ Ῥωμαϊκῆσ ἐξελαυνούσησ κατὰ τέλη βιασθέντεσ ἀνεστάλησαν.

φυγῆσ δὲ πάντων γενομένησ ἐπὶ τοὺσ χάρακασ ἀκολουθήσαντεσ οἱ Ῥωμαῖοι καὶ συνεισπεσόντεσ ἀμφότερα λαμβάνουσιν αὐτῶν τὰ ἐρύματα. τοῦ δὲ μὴ πανσυδὶ τὸν τῶν πολεμίων διαφθαρῆναι στρατὸν ἥ τε νὺξ αἰτία ἐγένετο καὶ τὸ ἐν οἰκείᾳ γῇ τὸ πάθοσ αὐτοῖσ συμβῆναι·

ῥᾷον γὰρ οἱ φεύγοντεσ ἐπὶ τὰ σφέτερα ἐσώζοντο δι’ ἐμπειρίαν τῶν τόπων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 46

(디오니시오스, Antiquitates Romanae, Books IV-VI, book 5, chapter 46)

상위

목록

SEARCH

MENU NAVIGATION