Dionysius of Halicarnassus, Antiquitates Romanae, Books IV-VI, book 5, chapter 39

(디오니시오스, Antiquitates Romanae, Books IV-VI, book 5, chapter 39)

τοῦ δ’ εὐωνύμου κάμνοντοσ ἤδη καὶ πρὸσ τῶν πολεμίων ἐπὶ τὸν ποταμὸν ἐξωθουμένου, μαθὼν τὸ γινόμενον ὁ τὴν ἑτέραν τῶν Ῥωμαίων παρεμβολὴν κατέχων ὕπατοσ ἐξῆγε τὴν στρατιάν. αὐτὸσ μὲν οὖν τὴν φάλαγγα τῶν πεζῶν ἐπαγόμενοσ βάδην ἠκολούθει·

τῶν δὲ πρεσβυτέρων Σπόριον Λάρκιον τὸν ὑπατεύσαντα τῷ παρελθόντι ἐνιαυτῷ τοὺσ ἱππεῖσ ἄγοντα πέμπει κατὰ σπουδήν· ὃσ ἀπὸ ῥυτῆροσ τοὺσ ἵππουσ ἐλαύνων τόν τε ποταμὸν διαπεραιοῦται κωλύοντοσ οὐδενὸσ εὐπετῶσ καὶ κατὰ τὸ δεξιὸν τῶν πολεμίων κέρασ παριππεύσασ, ἐνσείει πλαγίοισ τοῖσ ἱππεῦσι τῶν Σαβίνων· καὶ γίνεται μέγασ αὐτόθι τῶν ἱππέων ἀμφοτέρων συστάδην μαχομένων ἐπὶ χρόνον πολὺν ἀγών. ἐν δὲ τούτῳ καὶ ὁ Ποστόμιοσ τοὺσ πεζοὺσ ἄγων πλησίον αὐτῶν ἐγίνετο·

καὶ συρράξασ τοῖσ πεζοῖσ ἀποκτείνει τε πολλοὺσ μαχομένουσ καὶ τοὺσ λοιποὺσ ἐξωθεῖ τῆσ τάξεωσ. εἰ δὲ μὴ νὺξ ἐπέλαβεν, ἅπαντεσ ἂν οἱ Σαβῖνοι κυκλωθέντεσ ὑπὸ τῶν Ῥωμαίων ἱπποκρατούντων ἤδη πανσυδὶ διεφθάρησαν. νῦν δὲ τὸ σκότοσ τοὺσ διαφυγόντασ ἐκ τῆσ μάχησ ὄντασ ἀνόπλουσ καὶ οὐ πολλοὺσ ἐρρύσατο καὶ διέσωσεν ἐπὶ τὰ οἰκεῖα.

τῆσ δὲ παρεμβολῆσ αὐτῶν οἱ ὕπατοι χωρὶσ ἀγῶνοσ ἐκράτησαν ἐκλειφθείσησ ὑπὸ τῶν ἔνδον ἅμα τῷ θεάσασθαι τὴν τροπὴν τῶν σφετέρων· ἐξ ἧσ πολλὰσ ὠφελείασ λαβόντεσ, ἃσ τοῖσ στρατιώταισ ἄγειν τε καὶ φέρειν ἐπέτρεψαν, ἀπῆγον ἐπ’ οἴκου τὰσ δυνάμεισ. τότε πρῶτον ἡ πόλισ ἀναλαβοῦσα ἑαυτὴν ἐκ τοῦ Τυρρηνικοῦ πταίσματοσ εἰσ τὸ ἐξ ἀρχῆσ ἀποκατέστη φρόνημα, καὶ τῆσ ἡγεμονίασ τῶν περιοίκων ὡσ πρότερον ἐθάρρησεν ἀντιποιεῖσθαι, καὶ ψηφίζεται κοινῇ μὲν ἀμφοτέροισ τοῖσ ὑπάτοισ θριάμβου καταγωγήν, ἰδίᾳ δὲ θατέρῳ τῶν ἀνδρῶν Οὐαλερίῳ δωρεὰν τόπον εἰσ οἴκησιν ἐν τῷ κρατίστῳ τοῦ Παλλαντίου δοθῆναι, καὶ τὰσ εἰσ τὴν κατασκευὴν δαπάνασ ἐκ τοῦ δημοσίου χορηγεῖσθαι.

ταύτησ τῆσ οἰκίασ, παρ’ ἣν ὁ χαλκοῦσ ἕστηκε ταῦροσ, αἱ κλισιάδεσ θύραι μόναι τῶν ἐν τῇ Ῥώμῃ δημοσίων τε καὶ ἰδιωτικῶν οἴκων εἰσ τὸ ἔξω μέροσ ἀνοίγονται.

일치하는 문장이 없습니다.

SEARCH

MENU NAVIGATION