Dionysius of Halicarnassus, Antiquitates Romanae, Books IV-VI, book 5, chapter 42

(디오니시오스, Antiquitates Romanae, Books IV-VI, book 5, chapter 42)

οὔπω μέσαι νύκτεσ ἦσαν, καὶ ὁ τῶν Σαβίνων ἡγεμὼν ἀναστήσασ τοῦ στρατοῦ τὸ κράτιστον μέροσ ἦγεν ἐπὶ τὸν χάρακα σιωπᾶν ἅπασι παραγγείλασ καὶ μὴ ποιεῖν ψόφον τῶν ὅπλων, ἵνα μὴ γνοῖεν ἥκοντασ αὐτοὺσ οἱ πολέμιοι, πρὶν ἐπὶ τῷ ἐρύματι γένωνται. ὡσ δὲ πλησίον ἐγένοντο τοῦ χάρακοσ οἱ πρῶτοι πορευόμενοι καὶ οὔτε φέγγη λαμπτήρων ἑώρων οὔτε φωνὰσ φυλάκων κατήκουον, πολλὴν μωρίαν τῶν Ῥωμαίων καταγνόντεσ ὡσ ἀφεικότων ἐρήμουσ τὰσ φυλακὰσ καὶ ἐντὸσ χάρακοσ καθευδόντων, ἐνεπίμπλασαν ὕλησ τὰσ τάφρουσ κατὰ πολλὰ μέρη καὶ διέβαινον οὐδενὸσ σφίσιν ἐμποδὼν γινομένου. παρεκάθηντο δὲ μεταξὺ τῶν τάφρων καὶ τῶν περισταυρωμάτων οἱ Ῥωμαῖοι κατὰ σπείρασ ἀφανεῖσ διὰ τὸ σκότοσ, καὶ τοὺσ διαβαίνοντασ αὐτῶν, ὅτε γένοιντο ἐν χερσίν, ἐφόνευον.

μέχρι μὲν οὖν τινοσ ἐλάνθανε τοὺσ ὑστέρουσ προσιόντασ ὁ τῶν προηγουμένων ὄλεθροσ·

ἐπεὶ δὲ φῶσ ἐγένετο σελήνησ ἀνισχούσησ οἱ πλησιάζοντεσ τῇ τάφρῳ σωρούσ θ’ ὁρῶντεσ οἰκείων νεκρῶν παρ’ αὐτῇ καὶ στίφη πολεμίων καρτερὰ ὁμόσε χωροῦντα, ῥίψαντεσ τὰ ὅπλα τρέπονται πρὸσ φυγήν. οἱ δὲ Ῥωμαῖοι μέγα ἀναβοήσαντεσ· ἦν δὲ τοῦτο σύνθημα τοῖσ ἐπὶ τῆσ ἑτέρασ παρεμβολῆσ·

ἐκτρέχουσιν ἐπ’ αὐτοὺσ ἅπαντεσ ἀθρόοι. καὶ ὁ Λουκρήτιοσ ὡσ ἤκουσε τῆσ κραυγῆσ τοὺσ ἱππεῖσ προαποστείλασ διερευνησομένουσ, μή τισ ἐγκάθηται πολεμίων λόχοσ, ὀλίγον ὕστερον ἠκολούθει τοὺσ ἀκμαιοτάτουσ τῶν πεζῶν ἐπαγόμενοσ. καὶ κατὰ τὸν αὐτὸν χρόνον οἵ θ’ ἱππεῖσ τοῖσ ἐκ τῆσ Φιδήνησ λοχῶσι περιτυχόντεσ τρέπουσιν εἰσ φυγὴν καὶ οἱ πεζοὶ τοὺσ ἐπὶ τὴν παρεμβολὴν σφῶν ἀφικομένουσ κτείνοντεσ ἐδίωκον οὔτε ὅπλα οὔτε κόσμον σώζοντασ.

ἐν ταύταισ ταῖσ μάχαισ Σαβίνων τε καὶ τῶν συμμάχων ἀπέθανον μὲν ἀμφὶ τοὺσ μυρίουσ καὶ τρισχιλίουσ καὶ πεντακοσίουσ, αἰχμάλωτοι δ’ ἐλήφθησαν τετρακισχίλιοι καὶ διακόσιοι· καὶ ὁ μὲν χάραξ αὐθημερὸν ἑάλω.

일치하는 문장이 없습니다.

SEARCH

MENU NAVIGATION