헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 9)

ἀποκτείνασ δὲ τοὺσ υἱοὺσ εὐθὺσ ἐκάλει τοὺσ ἀδελφιδοῦσ τοῦ συνάρχοντοσ Ἀκυλλίουσ, παρ’ οἷσ αἱ σύνοδοι τῶν κατὰ τῆσ πόλεωσ συνομοσαμένων ἐγένοντο· καὶ τὰσ ἐπιστολὰσ αὐτῶν ἀναγνῶναι τῷ γραμματεῖ κελεύσασ, ὥστε πάντασ ἀκούειν τοὺσ παρόντασ, ἀπολογίαν ἔφησεν αὐτοῖσ διδόναι.

ὡσ δὲ προήχθησαν οἱ νεανίσκοι πρὸσ τὸ βῆμα, εἴθ’ ὑποθεμένου τινὸσ τῶν φίλων εἴτ’ αὐτοὶ συμφρονήσαντεσ τοῖσ γόνασι τοῦ θείου προσπίπτουσιν ὡσ δι’ ἐκείνου σωθησόμενοι. κελεύσαντοσ δὲ τοῦ Βρούτου τοῖσ ῥαβδούχοισ ἀποσπᾶν αὐτοὺσ καὶ ἀπάγειν ἐπὶ τὸν θάνατον, εἰ μὴ βούλοιντο ἀπολογήσασθαι, μικρὸν ἐπισχεῖν τοῖσ ὑπηρέταισ ὁ Καλλατῖνοσ εἰπών, ἑώσ τῷ συνάρχοντι διαλεχθῇ, λαβὼν τὸν ἄνδρα καταμόνασ πολλὰσ ἐξέτεινεν ὑπὲρ τῶν μειρακίων δεήσεισ·

τὰ μὲν ἀπολογούμενοσ ὡσ διὰ νεότητοσ ἄνοιαν καὶ πονηρὰσ φίλων ὁμιλίασ εἰσ ταύτην ἐμπεσόντων τὴν φρενοβλάβειαν, τὰ δὲ παρακαλῶν ἑαυτῷ χαρίσασθαι τὰσ ψυχὰσ τῶν συγγενῶν μίαν αἰτουμένῳ ταύτην τὴν δωρεὰν καὶ περὶ οὐδενὸσ ἔτι ἑτέρου ἐνοχλήσοντι, τὰ δὲ διδάσκων, ὅτι συνταραχθῆναι κίνδυνοσ ὅλην τὴν πόλιν, ἐὰν ἅπαντασ ἐπιχειρῶσι θανάτῳ ζημιοῦν τοὺσ δόξαντάσ τι συμπράττειν τοῖσ φυγάσιν ὑπὲρ τῆσ καθόδου· πολλοὺσ γὰρ εἶναι καὶ οὐκ ἀσήμων οἰκιῶν ἐνίουσ.

ὡσ δ’ οὐκ ἔπειθε, τελευτῶν ἠξίου μὴ θάνατον, ἀλλὰ μετρίαν κατ’ αὐτῶν ὁρίσαι κόλασιν, ἄτοπον εἶναι λέγων τοὺσ μὲν τυράννουσ φυγαῖσ ἐζημιῶσθαι, τοὺσ δὲ τῶν τυράννων φίλουσ θανάτῳ. ἀντιλέγοντοσ δὲ καὶ πρὸσ τὴν ἐπιείκειαν τῆσ κολάσεωσ τοῦ ἀνδρὸσ καὶ οὐδ’ εἰσ ἑτέρουσ ἀναβαλέσθαι χρόνουσ τὰσ κρίσεισ τῶν ἐν ταῖσ αἰτίαισ βουλομένου· τελευταία γὰρ αὕτη τοῦ συνάρχοντοσ δέησισ ἦν· ἀλλ’ αὐθημερὸν ἀποκτενεῖν ἅπαντασ ἀπειλοῦντοσ καὶ διομνυμένου, ἀδημονῶν ὁ Κολλατῖνοσ ἐπὶ τῷ μηδενὸσ ὦν ἠξίου τυγχάνειν, Τοιγαροῦν, ἔφησεν, ἐπεὶ σκαιὸσ εἶ καὶ πικρὸσ ἐγὼ τὰ μειράκια ἀφαιροῦμαι τῆσ αὐτῆσ ἐξουσίασ ἧσ σὺ κύριοσ ὤν. καὶ ὁ Βροῦτοσ ἐκπικρανθείσ, οὐκ ἐμοῦ γ’, ἔφη, ζῶντοσ, ὦ Κολλατῖνε, τοὺσ προδότασ τῆσ πατρίδοσ ἰσχύσεισ ἐξελέσθαι· ἀλλὰ καὶ σὺ δώσεισ δίκασ ἃσ προσῆκεν οὐκ εἰσ μακράν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 9

(디오니시오스, Antiquitates Romanae, Books IV-VI, book 5, chapter 9)

상위

목록

SEARCH

MENU NAVIGATION