Dionysius of Halicarnassus, Antiquitates Romanae, Books IV-VI, book 5, chapter 57

(디오니시오스, Antiquitates Romanae, Books IV-VI, book 5, chapter 57)

παρασκευασάμενοσ δὲ ταῦτα τοῖσ μηνύσασι τὴν πρᾶξιν εἶπε . . . , πρὸσ τοὺσ ἡγεμόνασ τῶν συνωμοτῶν ἥκειν εἰσ τὴν ἀγορὰν περὶ μέσασ νύκτασ, ἄγοντασ οἷσ μάλιστα πιστεύουσι τῶν ἑταίρων, ὡσ ἐκεῖ τάξιν τε καὶ χώραν καὶ σύνθημα ληψομένουσ, καὶ ἃ δεῖ πράττειν ἑκάστουσ ἀκούσοντασ. ἐγίγνετο ταῦτα·

καὶ ἐπειδὴ συνήχθησαν οἱ προεστηκότεσ τῶν ἑταίρων ἅπαντεσ εἰσ τὴν ἀγοράν, διὰ συνθημάτων ἀδήλων ἐκείνοισ εὐθὺσ αἵ τε ἄκραι πλήρεισ ἐγίγνοντο τῶν ὑπὲρ τῆσ πόλεωσ ἀνειληφότων τὰ ὅπλα καὶ τὰ περὶ τὴν ἀγορὰν ὑπὸ τῶν ἱππέων ἐφρουρεῖτο κύκλῳ, μία τε οὐ κατελείπετο τοῖσ ἀπιέναι βουλομένοισ ἔξοδοσ. καὶ κατὰ τὸν αὐτὸν χρόνον ὁ ἕτεροσ τῶν ὑπάτων Μάνιοσ ἀπὸ τῆσ Φιδήνησ ἀναστὰσ παρῆν εἰσ τὸ πεδίον ἄγων τὴν δύναμιν.

ὡσ δ’ ἡμέρα τάχιστα διέλαμψεν, ὁπλίτασ περὶ ἑαυτοὺσ ἔχοντεσ οἱ ὕπατοι προῆλθον ἐπὶ τὸ βῆμα· κελεύσαντεσ ἥκειν τὸν δῆμον εἰσ ἐκκλησίαν, παντὸσ τοῦ κατὰ τὴν πόλιν ὄχλου συνδραμόντοσ, δηλοῦσί τε αὐτοῖσ τὴν γενομένην ἐπὶ τῇ καθόδῳ τοῦ τυράννου συνωμοσίαν καὶ τοὺσ μηνυτὰσ ἀναβιβάζονται.

καὶ μετὰ τοῦτ’ ἀπολογεῖσθαι συγχωρήσαντεσ, ἐάν τινεσ ἀμφισβητῶσι πρὸσ τὴν μήνυσιν, ἐπειδὴ πρὸσ ἄρνησιν οὐδεὶσ ἐπεχείρησε τραπέσθαι, μεταστάντεσ ἐκ τῆσ ἀγορᾶσ εἰσ τὸ βουλευτήριον γνώμασ ὑπὲρ αὐτῶν διηρώτησαν τοὺσ συνέδρουσ, καὶ γραψάμενοι τὰ δόξαντα αὐτοῖσ ἧκον αὖθισ ἐπὶ τὴν ἐκκλησίαν καὶ τὸ προβούλευμα ἀνέγνωσαν.

ἦν δὲ τοιόνδε· Ταρκυνίοισ μὲν τοῖσ μηνύσασι τὴν ἐπίθεσιν πολιτείαν δεδόσθαι καὶ ἀργυρίου μυρίασ ἑκατέρῳ δραχμὰσ καὶ πλέθρα γῆσ δημοσίασ εἴκοσι· τοὺσ δὲ μετασχόντασ τῆσ συνωμοσίασ συλληφθέντασ ἀποθανεῖν, ἐὰν καὶ τῷ δήμῳ ταὐτὰ δοκῇ.

τοῦ δὲ συνεληλυθότοσ ὄχλου κύρια ποιήσαντοσ τὰ δόξαντα τῇ βουλῇ, μεταστῆναι κελεύσαντεσ ἐκ τῆσ ἀγορᾶσ τοὺσ ἐπὶ τὴν ἐκκλησίαν συνεληλυθότασ, ἔπειτ’ ἐκάλεσαν τοὺσ ὑπηρέτασ ἔχοντασ ξίφη, οἳ πάντασ τοὺσ ἐνόχουσ ταῖσ αἰτίαισ ἐν ᾧ συνεκλείσθησαν χωρίῳ περιστάντεσ κατεφόνευσαν.

διαχρησάμενοι δὲ τούτουσ οὐκέτι παρεδέξαντο μήνυσιν οὐδεμίαν κατ’ οὐθενὸσ τῶν ταὐτὰ βουλευσαμένων, ἀλλὰ πάντασ ἀφῆκαν τῶν ἐγκλημάτων τοὺσ διαφυγόντασ τὴν ἐκ χειρὸσ κόλασιν, ἵνα πᾶν ἐξαιρεθῇ τὸ ταραχῶδεσ ἐκ τῆσ πόλεωσ. οἱ μὲν δὴ συστήσαντεσ τὴν συνωμοσίαν τοιούτῳ τρόπῳ διεφθάρησαν·

ἡ δὲ βουλὴ καθαρθῆναι ψηφισαμένη τοὺσ πολίτασ ἅπαντασ, ὅτι περὶ πολιτικοῦ φόνου γνώμασ ἠναγκάσθησαν ἀποδείξασθαι, ὡσ οὐ θεμιτὸν αὐτοῖσ ἐφ’ ἱερὰ παρεῖναι καὶ θυσιῶν κατάρχεσθαι, πρὶν ἀφοσιώσασθαι τὸ μίασμα καὶ τὴν συμφορὰν λῦσαι τοῖσ εἰωθόσι καθαρμοῖσ·

ἐπειδὴ πᾶν ὅσον ἦν ὅσιον ὑπὸ τῶν ἐξηγουμένων τὰ θεῖα κατὰ τὸν ἐπιχώριον νόμον ἐπράχθη, θυσίασ μετὰ τοῦτο χαριστηρίουσ καὶ ἀγῶνασ ἔκρινεν ἐπιτελεσθῆναι, καὶ τρεῖσ ἡμέρασ ἔθηκεν εἰσ ταῦτα ἱεράσ. Μανίου δὲ Τυλλίου θατέρου τῶν ὑπάτων ἐν τοῖσ ἱεροῖσ καὶ ἐπωνύμοισ τῆσ πόλεωσ ἀγῶσι κατὰ τὴν πομπὴν ἐκ τοῦ ἱεροῦ πεσόντοσ ἁρ́ματοσ κατ’ αὐτὸν τὸν ἱππόδρομον, καὶ τρίτῃ μετὰ τὴν πομπὴν ταύτην ἡμέρᾳ τελευτήσαντοσ, τὸν λειπόμενον χρόνον βραχὺν ὄντα τὴν ἀρχὴν μόνοσ ὁ Σολπίκιοσ κατέσχεν.

일치하는 문장이 없습니다.

SEARCH

MENU NAVIGATION