Dionysius of Halicarnassus, Antiquitates Romanae, Books IV-VI, book 5, chapter 1

(디오니시오스, Antiquitates Romanae, Books IV-VI, book 5, chapter 1)

μετὰ τὸν οἰκισμὸν τῆσ Ῥώμησ ἐτῶν τεττάρων καὶ τετταράκοντα καὶ διακοσίων ἀριθμόν, ἐπὶ δὲ τοῦ τελευταίου βασιλέωσ τυραννὶσ γενομένη διὰ ταύτασ τὰσ προφάσεισ καὶ ὑπὸ τούτων κατελύθη τῶν ἀνδρῶν, ὀλυμπιάδοσ μὲν ὀγδόησ καὶ ἑξηκοστῆσ ἐνεστώσησ, ἣν ἐνίκα στάδιον Ἰσχόμαχοσ Κροτωνιάτησ, Ἀθήνησι δὲ τὴν ἐνιαύσιον ἀρχὴν ἔχοντοσ Ἰσαγόρου. ἀριστοκρατίασ δὲ γενομένησ οἱ πρῶτοι τὴν βασιλικὴν ἀρχὴν παραλαβόντεσ ὕπατοι τεττάρων μηνῶν εἰσ τὸν ἐνιαυτὸν ἐκεῖνον ἐπιλειπομένων Λεύκιοσ Ιοὔνιοσ Βροῦτοσ καὶ Λεύκιοσ Ταρκύνιοσ Κολλατῖνοσ, οὓσ καλοῦσι Ῥωμαῖοι κατὰ τὴν ἑαυτῶν διάλεκτον ὥσπερ ἔφην προβούλουσ, ἑτέρουσ παραλαβόντεσ πολλοὺσ ἐλθόντων εἰσ τὴν πόλιν τῶν ἀπὸ στρατοπέδου μετὰ τὰσ σπονδὰσ τὰσ γενομένασ αὐτοῖσ πρὸσ Ἀρδεάτασ, ὀλίγαισ ὕστερον ἡμέραισ τῆσ ἐκβολῆσ τοῦ τυράννου συγκαλέσαντεσ τὸν δῆμον εἰσ ἐκκλησίαν καὶ πολλοὺσ ὑπὲρ ὁμονοίασ λόγουσ ποιησάμενοι ψήφισμά τε πάλιν ἐπεκύρωσαν ἕτερον, περὶ ὧν οἱ κατὰ πόλιν ὄντεσ πρότερον ἐπεψηφίσαντο φυγὴν Ταρκυνίοισ ἐπιβαλόντεσ ἀίδιον·

καὶ μετὰ τοῦτο καθαρμοὺσ τῆσ πόλεωσ ποιησάμενοι καὶ ὁρ́κια τεμόντεσ αὐτοί τε πρῶτοι στάντεσ ἐπὶ τῶν τομίων ὤμοσαν καὶ τοὺσ ἄλλουσ πολίτασ ἔπεισαν ὀμόσαι, μὴ κατάξειν ἀπὸ τῆσ φυγῆσ βασιλέα Ταρκύνιον μήτε τοὺσ παῖδασ αὐτοῦ μήτε τοὺσ ἐξ ἐκείνων γενησομένουσ, βασιλέα τε τῆσ Ῥωμαίων πόλεωσ μηκέτι καταστήσειν μηθένα μηδὲ τοῖσ καθιστάναι βουλομένοισ ἐπιτρέψειν.

ταῦτα μὲν περὶ ἑαυτῶν τε καὶ τῶν τέκνων καὶ τοῦ μεθ’ ἑαυτοὺσ γένουσ ὤμοσαν.

ἐπειδὴ δὲ πολλῶν καὶ μεγάλων ἀγαθῶν αἴτιοι γεγονέναι τοῖσ κοινοῖσ πράγμασιν ἔδοξαν οἱ βασιλεῖσ, φυλάττειν τοὔνομα τῆσ ἀρχῆσ, ὅσον ἂν ἡ πόλισ διαμένῃ χρόνον, βουλόμενοι τοὺσ ἱεροφάντασ τε καὶ οἰωνομάντεισ ἐκέλευσαν ἀποδεῖξαι τὸν ἐπιτηδειότατον τῶν πρεσβυτέρων, ὃσ οὐδενὸσ ἤμελλεν ἕξειν ἑτέρου πλὴν τῶν περὶ τὰ θεῖα σεβασμῶν τὴν προστασίαν, ἁπάσησ λειτουργίασ πολεμικῆσ καὶ πολιτικῆσ ἀφειμένοσ, ἱερῶν καλούμενοσ βασιλεύσ.

καὶ καθίσταται πρῶτοσ ἱερῶν βασιλεὺσ Μάνιοσ Παπίριοσ ἐκ τῶν πατρικίων ἀνὴρ ἡσυχίασ φίλοσ.

일치하는 문장이 없습니다.

SEARCH

MENU NAVIGATION