Dionysius of Halicarnassus, Antiquitates Romanae, Books IV-VI, book 5, chapter 52

(디오니시오스, Antiquitates Romanae, Books IV-VI, book 5, chapter 52)

Σερουιλίου δὲ Σολπικίου Καμερινοῦ καὶ Μανίου Τυλλίου Λόγγου τὴν ἀρχὴν παραλαβόντων Φιδηναίων τινὲσ παρὰ Ταρκυνίων στρατιώτασ μεταπεμψάμενοι τὴν ἄκραν καταλαμβάνονται, καὶ τῶν μὴ ταὐτὰ προαιρουμένων οὓσ μὲν διαφθείραντεσ, οὓσ δ’ ἐξελάσαντεσ, ἀφιστᾶσιν αὖθισ ἀπὸ Ῥωμαίων τὴν πόλιν· οὔτε δοῦναι λόγον ἀξιώσαντεσ οὔτε λαβεῖν.

ταῦθ’ ἡ βουλὴ τῶν Ῥωμαίων μαθοῦσα πρὸσ μὲν τὸ κοινὸν τῶν Λατίνων οὔπω τὸν πόλεμον ἐκφέρειν πρόθυμοσ ἦν, πυνθανομένη μὴ πᾶσιν εἶναι τὰ ψηφισθέντα ὑπὸ τῶν προβούλων κατὰ νοῦν, ἀλλ’ ἐν ἑκάστῃ πόλει τοὺσ δημοτικοὺσ ἀναδύεσθαι τὸν πόλεμον, καὶ πλείουσ εἶναι τοὺσ ἀξιοῦντασ μένειν τὰσ σπονδὰσ τῶν διαλελύσθαι λεγόντων· ἐπὶ δὲ τοὺσ ἐν Φιδήνῃ τὸν ἕτερον ἐψηφίσαντο τῶν ὑπάτων Μάνιον Τύλλιον ἀποστεῖλαι στρατιὰν ἄγοντα πολλήν·

ὃσ ἐπειδὴ τὴν χώραν αὐτῶν ἐδῄωσε κατὰ πολλὴν· ὃσ ἐπειδὴ τὴν χώραν αὐτῶν ἐδῄωσε κατὰ πολλὴν ἄδειαν οὐδενὸσ ὑπὲρ αὐτῆσ ἀμυνομένου, πλησίον τοῦ τείχουσ καταστρατοπεδευσάμενοσ ἐφύλαττε μήτ’ ἀγορὰσ εἰσάγεσθαι τοῖσ ἔνδον μήτε ὅπλα μήτε ἄλλην βοήθειαν μηδεμίαν. Φιδηναῖοι μὲν δὴ τειχήρεισ ἐγένοντο καὶ πρὸσ τὰσ Λατίνων ἐπρεσβεύοντο πόλεισ δεόμενοι ταχείασ συμμαχίασ·

οἱ δὲ προεστηκότεσ τῶν Λατίνων, ἀγορὰν ποιησάμενοι τῶν πόλεων, Ταρκυνίοισ τε αὖθισ ἀποδόντεσ λόγον καὶ τοῖσ παρὰ τῶν πολιορκουμένων ἥκουσιν, ἐκάλουν τοὺσ συνέδρουσ εἰσ ἀπόφασιν γνώμησ, τίνα χρὴ πολεμεῖν Ῥωμαίοισ τρόπον, ἀπὸ τῶν πρεσβυτάτων τε καὶ ἐπιφανεστάτων ἀρξάμενοι. πολλῶν δὲ ῥηθέντων λόγων καὶ περὶ αὐτοῦ τοῦ πολέμου πρῶτον, εἰ δέοι αὐτὸν ἐπικυρῶσαι, οἱ μὲν ταραχωδέστεροι τῶν συνέδρων τὸν βασιλέα κατάγειν ἐπὶ τὴν ἀρχὴν ἠξίουν καὶ Φιδηναίοισ βοηθεῖν παρῄνουν·

ἐν ἡγεμονίαισ μὲν βουλόμενοι γενέσθαι στρατιωτικαῖσ καὶ πραγμάτων ἐφάψασθαι μεγάλων, μάλιστα δ’ οἱ δυναστείασ καὶ τυραννίδοσ ἐν ταῖσ ἑαυτῶν πατρίσιν ἐρῶντεσ, ἣν συγκατασκευάσειν αὐτοῖσ Ταρκυνίουσ ἐπείθοντο τὴν Ῥωμαίων ἀρχὴν ἀνακτησαμένουσ.

οἱ δ’ εὐπορώτατοί τε καὶ ἐπιεικέστατοι μένειν ἐν ταῖσ σπονδαῖσ ἠξίουν τὰσ πόλεισ καὶ μὴ προχείρωσ ἐπὶ τὰ ὅπλα χωρεῖν· καὶ ἦσαν οὗτοι τῷ πλήθει πιθανώτατοι. ἐξωθούμενοι δὴ πρὸσ τῶν παραινούντων τὴν εἰρήνην ἄγειν οἱ τὸν πόλεμον ἐπισπεύδοντεσ, τοῦτό γε πείθουσι ποιῆσαι τὴν ἐκκλησίαν τελευτῶντεσ, πρεσβευτὰσ εἰσ Ῥώμην ἀποστεῖλαι τοὺσ παρακαλέσοντασ ἅμα καὶ συμβουλεύσοντασ τῇ πόλει δέχεσθαι Ταρκυνίουσ καὶ τοὺσ ἄλλουσ φυγάδασ ἐπ’ ἀδείᾳ καὶ ἀμνηστίᾳ, καὶ περὶ τούτων ὁρ́κια τεμόντασ τῇ πατρίῳ κοσμεῖσθαι πολιτείᾳ καὶ τῆσ Φιδηναίων πόλεωσ ἀπανιστάναι τὸν στρατόν, ὡσ σφῶν γε οὐχ ὑπεροψομένων συγγενεῖσ καὶ φίλουσ ἀφαιρεθέντασ τὴν πατρίδα·

ἐὰν δὲ μηδέτερον τούτων ὑπομείνωσι πράττειν, τότε βουλεύσεσθαι περὶ τοῦ πολέμου·

οὐκ ἀγνοοῦντεσ μέν, ὅτι τούτων οὐδέτερον ὑπομενοῦσι Ῥωμαῖοι, προφάσεισ δὲ τῆσ ἔχθρασ βουλόμενοι λαβεῖν εὐπρεπεῖσ, καὶ τοὺσ ἐναντιουμένουσ σφίσι θεραπείαισ ἐν τῷ μεταξὺ χρόνῳ καὶ χάρισιν ἐπάξεσθαι νομίζοντεσ.

ταῦτα ψηφισάμενοι καὶ χρόνον ὁρίσαντεσ ἐνιαύσιον Ῥωμαίοισ μὲν βουλῆσ, ἑαυτοῖσ δὲ παρασκευῆσ, καὶ πρεσβευτὰσ ἀποδείξαντεσ, οὓσ Ταρκύνιοσ ἐβούλετο, διέλυσαν τὸν σύλλογον.

일치하는 문장이 없습니다.

SEARCH

MENU NAVIGATION