Dionysius of Halicarnassus, Antiquitates Romanae, Books IV-VI, book 5, chapter 26

(디오니시오스, Antiquitates Romanae, Books IV-VI, book 5, chapter 26)

μετὰ γὰρ τὴν μάχην ἐκείνην ὁ μὲν Τυρρηνῶν βασιλεὺσ ἐν τῷ πλησίον ὄρει καταστρατοπεδευσάμενοσ, ὅθεν τὴν Ῥωμαίων φρουρὰν ἐξέβαλε, τῆσ ἐπέκεινα τοῦ Τεβέριοσ ποταμοῦ χώρασ ἁπάσησ ἐκράτει. οἱ δὲ Ταρκυνίου παῖδεσ καὶ ὁ κηδεστὴσ αὐτοῦ Μαμίλιοσ σχεδίαισ τε καὶ σκάφαισ διαβιβάσαντεσ τὰσ ἑαυτῶν δυνάμεισ ἐπὶ θάτερα μέρη τοῦ ποταμοῦ τὰ πρὸσ τὴν Ῥώμην φέροντα ἐν ἐχυρῷ τίθενται χωρίῳ τὸν χάρακα· ὅθεν ὁρμώμενοι τῶν τε Ῥωμαίων ἐδῄουν τὴν γῆν καὶ τὰσ αὐλὰσ κατέσκαπτον καὶ τοῖσ ἐπὶ νομὰσ ἐξιοῦσιν ἐκ τῶν ἐρυμάτων βοσκήμασιν ἐπετίθεντο. μυριάσι πολλαῖσ τὰ παρασκευασθέντα οὐ πολλὰ ὄντα δαπανώσαισ.

καὶ μετὰ τοῦθ’ οἱ θεράποντεσ πολλοὶ καταλιπόντεσ τοὺσ δεσπότασ ηὐτομόλουν ὁσημέραι, καὶ ἐκ τοῦ δημοτικοῦ πλήθουσ οἱ πονηρότατοι πρὸσ τοὺσ Τυρρηνοὺσ ἀφίσταντο·

ταῦθ’ ὁρῶσι τοῖσ ὑπάτοισ ἔδοξε Λατίνων μὲν δεῖσθαι τῶν ἔτι αἰδουμένων τὸ συγγενὲσ καὶ μένειν δοκούντων ἐν τῇ φιλίᾳ συμμαχίασ σφίσι πέμψαι διὰ ταχέων, εἰσ δὲ τὴν Καμπανίδα Κύμην καὶ τὰσ ἐν τῷ Πωμεντίνῳ πεδίῳ πόλεισ ἀποστεῖλαι πρέσβεισ ἀξιώσοντασ αὐτὰσ σίτου σφίσιν ἐξαγωγὴν ἐπιτρέψαι. Λατῖνοι μὲν οὖν διεκρούσαντο τὴν ἐπικουρίαν, ὡσ οὐχ ὅσιον αὐτοῖσ ὂν οὔτε Ταρκυνίοισ πολεμεῖν οὔτε Ῥωμαίοισ, ἐπειδὴ κοινῇ συνέθεντο πρὸσ ἀμφοτέρουσ τὰ περὶ τῆσ φιλίασ ὁρ́κια·

ἐκ δὲ τοῦ Πωμεντίνου πεδίου Λάρκιόσ τε καὶ Ἑρμίνιοσ οἱ πεμφθέντεσ ἐπὶ τὴν παρακομιδὴν τοῦ σίτου πρέσβεισ πολλὰσ γεμίσαντεσ σκάφασ παντοίασ τροφῆσ ἀπὸ θαλάττησ ἀνὰ τὸν ποταμὸν ἐν νυκτὶ ἀσελήνῳ λαθόντεσ τοὺσ πολεμίουσ διεκόμισαν. ταχὺ δὲ καὶ ταύτησ ἐξαναλωθείσησ τῆσ ἀγορᾶσ καὶ τῆσ αὐτῆσ κατασχούσησ τοὺσ ἀνθρώπουσ ἀπορίασ μαθὼν παρὰ τῶν αὐτομόλων ὁ Τυρρηνόσ, ὅτι κάμνουσιν ὑπὸ τοῦ λιμοῦ οἱ ἔνδον, ἐπεκηρυκεύσατο πρὸσ αὐτοὺσ ἐπιτάττων δέχεσθαι Ταρκύνιον, εἰ βούλονται πολέμου τε καὶ λιμοῦ ἀπηλλάχθαι.

일치하는 문장이 없습니다.

SEARCH

MENU NAVIGATION