헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 27)

οὐκ ἀνασχομένων δὲ τῶν Ῥωμαίων τὰσ ἐπιταγάσ, ἀλλὰ πάντα τὰ δεινὰ ὑπομένειν βουλομένων, καταμαθὼν ὁ Μούκιοσ, ὅτι δυεῖν αὐτοῖσ συμβήσεται θάτερον ἢ μὴ διαμεῖναι πολὺν ἐν τοῖσ λελογισμένοισ χρόνον ὑπὸ τῆσ ἀπορίασ τῶν ἀναγκαίων ἐκβιασθεῖσιν, ἢ φυλάττουσι βεβαίασ τὰσ κρίσεισ τὸν οἴκτιστον ἀπολέσθαι μόρον, δεηθεὶσ τῶν ὑπάτων τὴν βουλὴν αὐτῷ συναγαγεῖν, ὡσ μέγα τι καὶ ἀναγκαῖον ἐξοίσων πρὸσ αὐτήν, ἐπειδὴ συνήχθη, λέγει τοιάδε· ἄνδρεσ πατέρεσ, ἐγχείρημα τολμᾶν διανοούμενοσ, ὑφ’ οὗ τῶν παρόντων ἀπαλλαγήσεται κακῶν ἡ πόλισ, τῷ μὲν ἔργῳ πάνυ θαρρῶ καὶ ῥᾳδίωσ αὐτοῦ κρατήσειν οἰόμαι· περὶ δὲ τῆσ ἐμαυτοῦ ψυχῆσ, εἰ περιέσται μοι μετὰ τὸ ἔργον, οὐ πολλὰσ ἐλπίδασ ἔχω, μᾶλλον δ’ εἰ χρὴ τἀληθὲσ λέγειν οὐδεμίαν.

εἰσ τοσοῦτον δὴ κίνδυνον ἐμαυτὸν καθιέναι μέλλων οὐκ ἀξιῶ λαθεῖν ἅπαντασ αἰωρηθεὶσ ὑπὲρ μεγάλων, ἐὰν ἄρα συμβῇ μοι διαμαρτεῖν τῆσ πείρασ, ἀλλ’ ἐπὶ καλοῖσ ἔργοισ μεγάλων ἐπαίνων τυγχάνειν, ἐξ ὧν ἀντὶ τοῦ θνητοῦ σώματοσ ἀθάνατον ὑπάρξει μοι κλέοσ.

δήμῳ μὲν φράζειν ἃ διανοοῦμαι πράττειν οὐκ ἀσφαλέσ, μή τισ ἴδια κέρδη περιβαλλόμενοσ πρὸσ τοὺσ πολεμίουσ αὐτὰ ἐξενέγκῃ, δέον αὐτοῖσ ὥσπερ μυστηρίου ἀπορρήτου φυλακῆσ·

ὑμῖν δ’ οὓσ καθέξειν αὐτὰ πεπίστευκα ἐγκρατῶσ πρώτοισ τε καὶ μόνοισ ἐκφέρω· παρ’ ὑμῶν δ’ οἱ ἄλλοι πολῖται ἐν τῷ προσήκοντι καιρῷ μαθήσονται. τὸ δ’ ἐγχείρημά μου τοιόνδε ἐστίν.

αὐτομόλου σχῆμα μέλλω λαβὼν ἐπὶ τὸν χάρακα τῶν Τυρρηνῶν πορεύεσθαι. ἐὰν μὲν οὖν ἀπιστηθεὶσ πρὸσ αὐτῶν ἀποθάνω, ἑνὶ πολίτῃ μόνον ἐλάττουσ οἱ λοιποὶ γενήσεσθε·

ἐὰν δὲ παρελθεῖν εἴσω τοῦ χάρακοσ ἐκγένηταί μοι, τὸν βασιλέα τῶν πολεμίων ἀποκτενεῖν ὑμῖν ὑποδέχομαι· ἀποθανόντοσ δὲ Πορσίνου καταλυθήσεται μὲν ὁ πόλεμοσ, ἐγὼ δ’ εἰ ὅ τι ἂν τῷ δαιμονίῳ δόξῃ πείσομαι, τούτων συνίστορασ ὑμᾶσ ἕξων καὶ μάρτυρασ πρὸσ τὸν δῆμον ἄπειμι τὴν κρείττονα τύχην τῆσ πατρίδοσ ἡγεμόνα τῆσ ὁδοῦ ποιησάμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 27

(디오니시오스, Antiquitates Romanae, Books IV-VI, book 5, chapter 27)

상위

목록

SEARCH

MENU NAVIGATION