헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 58)

ὕπατοι δ’ εἰσ τὸν ἐπιόντα ἐνιαυτὸν ἀπεδείχθησαν Πόπλιοσ Οὐετούριοσ Γεμῖνοσ καὶ Πόπλιοσ Αἰβούτιοσ Ἔλβασ. τούτων ὁ μὲν Αἰβούτιοσ ἐπὶ τῶν πολιτικῶν ἐτάχθη πραγμάτων φυλακῆσ οὐ μικρᾶσ δεῖσθαι δοκούντων, μή τισ ἑτέρα νεωτερισθῇ πρᾶξισ ἐκ τῶν πενήτων· Οὐετούριοσ δὲ τὴν ἡμίσειαν τῆσ στρατιᾶσ ἐπαγόμενοσ τὴν Φιδηναίων γῆν ἐδῄου κωλύοντοσ οὐδενὸσ καὶ προσκαθεζόμενοσ τῇ πόλει προσβολὰσ ἐποιεῖτο συνεχεῖσ.

οὐ δυνάμενοσ δὲ πολιορκίᾳ τὸ τεῖχοσ ἑλεῖν ἀπεχαράκου τὰ πέριξ καὶ ἀπετάφρευεν ὡσ λιμῷ τοὺσ ἀνθρώπουσ παραστησόμενοσ. ἤδη δὲ κάμνουσι τοῖσ Φιδηναίοισ ἧκεν ἐπικουρία Λατίνων, ἣν ἀπέστειλε Σέξτοσ Ταρκύνιοσ, καὶ σῖτοσ καὶ ὅπλα καὶ τἆλλα τὰ εἰσ τὸν πόλεμον ἐπιτήδεια.

οἷσ πιστεύσαντεσ ἐθάρρησαν προελθεῖν ἐκ τῆσ πόλεωσ, δύναμισ οὐ μικρά, καὶ ποιοῦνται στρατόπεδον ἐν ὑπαίθρῳ. ὁ μὲν δὴ περιτειχισμὸσ οὐκέτι τοῖσ Ῥωμαίοισ χρήσιμοσ ἦν, ἐδόκει δ’ ἀγῶνοσ δεῖν· καὶ γίνεται πλησίον τῆσ πόλεωσ μάχη μέχρι τινὸσ ἀγχώμαλοσ· τῶν Ῥωμαίων, ὃ διὰ τὴν πολλὴν ἄσκησιν αὐτοῖσ περιῆν, ἐκβιασθέντεσ οἱ Φιδηναῖοι πλείουσ ὄντεσ ὑπ’ ἐλαττόνων εἰσ φυγὴν κατέστησαν.

φόνοσ δ’ οὐ πολὺσ αὐτῶν ἐγένετο, τῆσ ὑποχωρήσεωσ εἰσ τὴν πόλιν οὐ διὰ μακροῦ γενομένησ καὶ τῶν ἐπὶ τοῖσ τείχεσι τοὺσ διώξαντασ ἀποκρουσαμένων.

μετὰ τοῦτο τὸ ἔργον οἱ μὲν ἐπίκουροι διασκεδασθέντεσ ἀπῄεσαν οὐδὲν τοὺσ ἔνδον ὠφελήσαντεσ· ἡ δὲ πόλισ ἐν ταῖσ αὐταῖσ πάλιν ἐγεγόνει συμφοραῖσ καὶ τῇ σπάνει τῶν ἀναγκαίων ἐπονεῖτο, κατὰ δὲ τοὺσ αὐτοὺσ χρόνουσ Σέξτοσ Ταρκύνιοσ ἄγων στρατιὰν Λατίνων ἐπὶ Σιγνίαν κατεχομένην ὑπὸ Ῥωμαίων ἐστράτευσεν, ὡσ ἐξ ἐφόδου τὸ φρούριον παραληψόμενοσ. γενναίωσ δὲ τῶν ἔνδον ἀπομαχεσαμένων, παρεσκεύαστο μὲν ὡσ λιμῷ τοὺσ ἀνθρώπουσ τὸ χωρίον ἐκλιπεῖν ἀναγκάσων καὶ πολὺν αὐτόθι χρόνον οὐδὲν ἀξιόλογον πράττων διετέλει·

ἀποτυχὼν δὲ καὶ ταύτησ τῆσ ἐλπίδοσ ἀφικομένησ τοῖσ φρουροῖσ ἀγορᾶσ τε καὶ βοηθείασ ἀπὸ τῶν ὑπάτων, λύσασ τὴν πολιορκίαν ἀπῆγε τὰσ δυνάμεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 58

(디오니시오스, Antiquitates Romanae, Books IV-VI, book 5, chapter 58)

상위

목록

SEARCH

MENU NAVIGATION