헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 49)

μετὰ δὲ τὸν ἐνιαυτὸν ἐκεῖνον ὕπατοι καθίστανται Σπόριοσ Κάσσιοσ Οὐεκελλῖνοσ ἐπικαλούμενοσ καὶ Ὀπίτωρ Οὐεργίνιοσ Τρικάτοσ. ἐφ’ ὧν ὁ πρὸσ Σαβίνουσ πόλεμοσ ὑπὸ θατέρου τῶν ὑπάτων Σπορίου κατελύθη μάχησ ἰσχυρᾶσ γενομένησ οὐ μακρὰν τῆσ Κυριτῶν πόλεωσ· ἐξ ἧσ ἀπέθανον μὲν ἀμφὶ τοὺσ μυρίουσ καὶ τριακοσίουσ Σαβίνων, αἰχμάλωτοι δ’ ἐλήφθησαν ὀλίγον ἀποδέοντεσ τετρακισχιλίων. ταύτῃ τῇ συμφορᾷ τελευταίᾳ πληγέντεσ οἱ Σαβῖνοι πρέσβεισ ἀπέστειλαν ὡσ τὸν ὕπατον διαλεξομένουσ περὶ φιλίασ.

ἀργύριόν τι τακτὸν κατ’ ἄνδρα καὶ γῆσ πεφυτευμένησ πλέθρα μύρια.

Σπόριοσ μὲν δὴ Κάσσιοσ θρίαμβον ἐκ τοῦ πολέμου τοῦδε κατήγαγεν·

ὁ δ’ ἕτεροσ τῶν ὑπάτων Οὐεργίνιοσ ἐπὶ τὴν Καμαριναίων πόλιν ἐστράτευσεν μὲν ἀφεστῶσαν ἀπὸ τῆσ Ῥωμαίων συμμαχίασ κατὰ τόνδε τὸν πόλεμον, ἄγων τὴν ἡμίσειαν τῆσ ἑτέρασ στρατιᾶσ, φράσασ δ’ οὐδενί, ποῖ μέλλει πορεύεσθαι καὶ διὰ νυκτὸσ ἀνύσασ τὴν ὁδόν, ἵνα ἀπαρασκεύοισ καὶ μὴ προειδόσι τὴν ἔφοδον τοῖσ ἔνδον ἐπιθῆται· ὅπερ καὶ συνέβη.

γενόμενοσ γὰρ πλησίον τοῦ τείχουσ ἅπαντασ ἔλαθεν ἄρτι τῆσ ἡμέρασ διαυγούσησ, καὶ πρὶν ἢ καταστρατοπεδεύεσθαι κριοὺσ προσέφερε καὶ κλίμακασ καὶ πάσῃ πολιορκίασ ἐχρῆτο ἰδέᾳ. τῶν δὲ Καμαριναίων καταπλαγέντων τὸ αἰφνίδιον τῆσ παρουσίασ αὐτοῦ καὶ τῶν μὲν ἀνοίγειν τὰσ πύλασ καὶ δέχεσθαι τὸν ὕπατον ἀξιούντων, τῶν δ’ ἀμύνεσθαι πάσῃ δυνάμει καὶ μὴ παριέναι τοὺσ πολεμίουσ εἴσω, ἐν ᾧ τὸ ταραττόμενόν τε καὶ στασιάζον αὐτῶν ἐπεκράτει, τὰσ πύλασ ἐκκόψασ καὶ τὰ βραχύτατα τῶν ἐρυμάτων κλίμαξι καταλαβόμενοσ κατὰ κράτοσ εἰλήφει τὴν πόλιν. ἐκείνην μὲν οὖν τὴν ἡμέραν καὶ τὴν ἐπιοῦσαν νύκτα φέρειν τε καὶ ἄγειν τὰ χρήματα τοῖσ σφετέροισ ἐφῆκε·

τῇ δ’ ἑξῆσ συναχθῆναι τοὺσ αἰχμαλώτουσ εἰσ ἓν χωρίον κελεύσασ τοὺσ μὲν βουλεύσαντασ τὴν ἀπόστασιν ἅπαντασ ἀπέκτεινε, τὸν δ’ ἄλλον ὄχλον ἀπέδοτο, τὴν δὲ πόλιν κατέσκαψεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 49

(디오니시오스, Antiquitates Romanae, Books IV-VI, book 5, chapter 49)

상위

목록

SEARCH

MENU NAVIGATION