헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 40)

παρὰ δὲ τούτων ἐκδέχονται τῶν ἀνδρῶν τὴν ὕπατον ἀρχὴν Πόπλιοσ Οὐαλέριοσ ὁ κληθεὶσ Ποπλικόλασ τὸ τέταρτον ἄρχειν αἱρεθεὶσ καὶ Τῖτοσ Λουκρήτιοσ τὸ δεύτερον τῷ Οὐαλερίῳ συνάρχων. ἐφ’ ὧν ἅπαντεσ οἱ Σαβῖνοι κοινὴν ποιησάμενοι τῶν πόλεων ἀγορὰν ἐψηφίσαντο Ῥωμαίοισ πολεμεῖν, ὡσ λελυμένων σφίσι τῶν σπονδῶν, ἐπειδὴ βασιλεὺσ Ταρκύνιοσ ἐξέπεσε τῆσ ἀρχῆσ, πρὸσ ὃν ἐποιήσαντο τοὺσ ὁρ́κουσ· πεισθέντεσ ὑπὸ Σέξτου θατέρου τῶν Ταρκυνίου παίδων, ὃσ αὐτοὺσ ἰδίᾳ θεραπεύων καὶ λιπαρῶν τοὺσ δυνατοὺσ ἐξ ἑκάστησ πόλεωσ ἐξεπολέμωσε κοινῇ πρὸσ πάντασ καὶ προσηγάγετο δύο πόλεισ, Φιδήνην καὶ Καμερίαν, Ῥωμαίων μὲν ἀποστήσασ, ἐκείνοισ δὲ συμμαχεῖν πείσασ·

ἀνθ’ ὧν αὐτὸν αἱροῦνται στρατηγὸν αὐτοκράτορα καὶ δυνάμεισ ἐπιτρέπουσιν ἐξ ἁπάσησ πόλεωσ καταγράφειν, ὡσ ἐν τῇ προτέρᾳ μάχῃ δι’ ἀσθένειαν δυνάμεωσ καὶ στρατηγοῦ μωρίαν σφαλέντεσ. οἱ μὲν δὴ περὶ ταῦτ’ ἦσαν·

τύχη δέ τισ ἐξισῶσαι βουλομένη ταῖσ βλάβαισ τῶν Ῥωμαίων τὰσ ὠφελείασ ἀντὶ τῶν καταλιπόντων αὐτοὺσ συμμάχων ἑτέραν οὐκ ἠλπισμένην ἐκ τῶν πολεμίων βοήθειαν προσέθηκε τοιάνδε. ἀνήρ τισ ἐκ τοῦ Σαβίνων ἔθνουσ πόλιν οἰκῶν Ῥήγιλλον εὐγενὴσ καὶ χρήμασι δυνατὸσ Τῖτοσ Κλαύδιοσ, αὐτομολεῖ πρὸσ αὐτοὺσ συγγένειάν τε μεγάλην ἐπαγόμενοσ καὶ φίλουσ καὶ πελάτασ συχνοὺσ αὐτοῖσ μεταναστάντασ ἐφεστίοισ, οὐκ ἐλάττουσ πεντακισχιλίων τοὺσ ὅπλα φέρειν δυναμένουσ.

ἡ δὲ καταλαβοῦσα αὐτὸν ἀνάγκη μετενέγκασθαι τὴν οἴκησιν εἰσ Ῥώμην τοιαύτη λέγεται γενέσθαι. οἱ δυναστεύοντεσ ἐν ταῖσ ἐπιφανεστάταισ πόλεσιν ἀλλοτρίωσ ἔχοντεσ πρὸσ τὸν ἄνδρα τῆσ εἰσ τὰ κοινὰ φιλοτιμίασ, εἰσ δίκην αὐτὸν ὑπῆγον αἰτιασάμενοι προδοσίαν, ὅτι τὸν κατὰ Ῥωμαίων πόλεμον ἐκφέρειν οὐκ ἦν πρόθυμοσ, ἀλλὰ καὶ ἐν τῷ κοινῷ μόνοσ ἀντέλεγε τοῖσ ἀξιοῦσι τὰσ σπονδὰσ λελύσθαι, καὶ τοὺσ ἑαυτοῦ πολίτασ οὐκ εἰά κύρια εἶναι τὰ δόξαντα τοῖσ ἄλλοισ ἡγεῖσθαι.

ταύτην ὀρρωδῶν τὴν δίκην· ἔδει γὰρ αὐτὴν ὑπὸ τῶν ἄλλων δικασθῆναι πόλεων·

ἀναλαβὼν τὰ χρήματα καὶ τοὺσ φίλουσ τοῖσ Ῥωμαίοισ προστίθεται ῥοπήν τ’ οὐ μικρὰν εἰσ τὰ πράγματα παρέσχε καὶ τοῦ κατορθωθῆναι τόνδε τὸν πόλεμον ἁπάντων ἔδοξεν αἰτιώτατοσ γενέσθαι· ἀνθ’ ὧν ἡ βουλὴ καὶ ὁ δῆμοσ εἴσ τε τοὺσ πατρικίουσ αὐτὸν ἐνέγραψε καὶ τῆσ πόλεωσ μοῖραν εἰάσεν ὅσην ἐβούλετο λαβεῖν εἰσ κατασκευὴν οἰκιῶν χώραν τ’ αὐτῷ προσέθηκεν ἐκ τῆσ δημοσίασ τὴν μεταξὺ Φιδήνησ καὶ Πικετίασ, ὡσ ἔχοι διανεῖμαι κλήρουσ ἅπασι τοῖσ περὶ αὐτόν, ἀφ’· ὧν καὶ φυλή τισ ἐγένετο σὺν χρόνῳ Κλαυδία καλουμένη καὶ μέχρισ ἐμοῦ διέμεινε τὸ αὐτὸ φυλάττουσα ὄνομα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 40

(디오니시오스, Antiquitates Romanae, Books IV-VI, book 5, chapter 40)

상위

목록

SEARCH

MENU NAVIGATION