Dionysius of Halicarnassus, Antiquitates Romanae, Books IV-VI, book 5, chapter 71

(디오니시오스, Antiquitates Romanae, Books IV-VI, book 5, chapter 71)

μετὰ τοῦτο πολλὴ ζήτησισ ἐνέπιπτε τοῖσ προεστηκόσι τῆσ βουλῆσ καὶ πρόνοια περὶ τοῦ παραληψομένου τὴν ἡγεμονίαν. ἐδόκει γὰρ αὐτοῖσ δραστηρίου τ’ ἀνδρὸσ εἰσ τὰ πράγματα δεῖν καὶ πολλὴν τῶν πολεμικῶν ἀγώνων ἐμπειρίαν ἔχοντοσ, πρὸσ δὲ τούτοισ φρονίμου τε καὶ σώφρονοσ καὶ μηδὲν ὑπὸ τοῦ μεγέθουσ τῆσ ἐξουσίασ ἐπὶ τὸ ἀνόητον παραχθησομένου· ὑπὲρ ἅπαντα δὲ ταῦτα καὶ τἆλλα ὅσα δεῖ προσεῖναι στρατηλάταισ ἀγαθοῖσ ἄρχειν ἐγκρατῶσ εἰδότοσ καὶ μηθὲν μαλακὸν ἐνδώσοντοσ τοἰσ ἀπειθοῦσιν, οὗ μάλιστα ἐν τῷ παρόντι ἐδέοντο.

ἅπαντα δ’ ὁρῶντεσ ὅσα ἠξίουν περὶ τὸν ἕτερον ὑπάρχοντα τῶν ὑπάτων Τῖτον Λάρκιον·

ὁ γὰρ Κλοίλιοσ ἐν ταῖσ πολιτικαῖσ χρείαισ διάφοροσ ὢν τὸ δραστήριον καὶ φιλοπόλεμον οὐκ εἶχεν, οὐδέ γε τὸ ἀρχικὸν καὶ φοβερόν, ἀλλ’ ἐπιεικὴσ τιμωρὸσ ἦν τῶν ἀπειθούντων· ἡ δὲ βουλὴ δι’ αἰσχύνησ ἐλάμβανον τοῦ μὲν ἀφελέσθαι τὴν ἀρχήν, ἣν κατὰ τοὺσ νόμουσ εἶχε, τῷ δὲ χαρίσασθαι τὴν ἀμφοτέρων ἐξουσίαν, μείζονα βασιλικοῦ σχήματοσ γινομένην· καί τι καὶ δέοσ αὐτὴν ὑπῄει, μὴ βαρεῖαν ὁ Κλοίλιοσ ἡγησάμενοσ τὴν ἀπαξίωσιν τῆσ ἀρχῆσ ὡσ ἠτιμασμένοσ ὑπὸ τῆσ βουλῆσ ἔπειτα μεταθῆται τὴν προαίρεσιν τοῦ βίου τοῦ δήμου γενόμενοσ προστάτησ καὶ πάντα ἀνατρέψῃ τὰ κοινά. αἰδουμένων δ’ ἁπάντων, ἃ φρονοῦντεσ ἐτύγχανον, εἰσ μέσον ἐκφέρειν καὶ μέχρι πολλοῦ τοῦτο ποιούντων ὁ πρεσβύτατόσ τε καὶ τιμιώτατοσ τῶν ὑπατικῶν γνώμην ἀπεδείξατο, δι’ ἧσ ἀμφοτέρουσ ἐν ἴσῃ τιμῇ τοὺσ ὑπάτουσ φυλάξασ παρ’ αὐτῶν ἐκείνων τὸν ἐπιτηδειότερον ἄρχειν εὑρ́ετο· ἔφη γὰρ αὑτῷ δοκεῖν, ἐπειδὴ τὸ μὲν τῆσ ἀρχῆσ κράτοσ ἥ τε βουλὴ διέγνωκε καὶ ὁ δῆμοσ ἐπεψήφικεν ἑνὶ δοθῆναι, δύο δὲ καταλείπεται βουλῆσ καὶ φροντίδοσ οὐ μικρᾶσ δεόμενα, τίσ ὁ παραληψόμενοσ τὴν ἰσοτύραννον ἀρχὴν ἔσται καὶ ὑπὸ τίνοσ ἀποδειχθεὶσ ἐξουσίασ νομίμου, ἐκ τῶν τότε ὄντων ὑπάτων τὸν ἕτερον, εἴτε παραχωρήσαντοσ τοῦ συνάρχοντοσ, εἴτε κλήρῳ λαχόντα, ἑλέσθαι Ῥωμαίων ὃν ὑπολαμβάνει κράτιστα καὶ συμφορώτατα τὰ τῆσ πόλεωσ ἐπιτροπεύσειν.

μεσοβασιλέων δ’ αὐτοῖσ μηθὲν ἐν τῷ παρόντι δεῖν, οὓσ ἐν ταῖσ μοναρχίαισ ἀποδείκνυσθαι μονογνώμονασ τῶν μελλόντων ἄρξειν ἔθοσ ἦν, ἐχούσησ τῆσ πόλεωσ τὴν ὅσιον ἀρχήν.

일치하는 문장이 없습니다.

SEARCH

MENU NAVIGATION