헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 33)

ἔτι δὲ τῆσ δικαιολογίασ γινομένησ ἧκέ τισ ἀπαγγέλλων τὴν φυγὴν τῶν ὁμηρευουσῶν παρθένων. δεηθεῖσαι γὰρ τῶν φυλαττόντων, ἵνα συγχωρήσωσιν αὐταῖσ λούσασθαι παραγενομέναισ εἰσ τὸν ποταμόν, ἐπειδὴ τὸ συγχώρημα ἔλαβον ἀποστῆναι μικρὸν ἀπὸ τοῦ ποταμοῦ τοῖσ ἀνδράσιν εἰποῦσαι, τέωσ ἂν ἀπολούσωνταί τε καὶ τὰσ ἐσθῆτασ ἀπολάβωσιν, ἵνα μὴ γυμνὰσ ὁρῶσιν αὐτάσ· ποιησάντων καὶ τοῦτο τῶν ἀνδρῶν, παρακελευσαμένησ αὐταῖσ τῆσ Κλοιλίασ καὶ πρώτησ καταρχούσησ, διανηξάμεναι τὸν ποταμὸν εἰσ τὴν πόλιν ἀπῆλθον. ἔνθα δὴ πολὺσ ὁ Ταρκύνιοσ ἦν ἐπιορκίαν τε καὶ ἀπιστίαν τοῖσ Ῥωμαίοισ ἐγκαλῶν, καὶ τὸν βασιλέα παροξύνων ὡσ ἐξαπατώμενον ὑπ’ ἀνθρώπων δολίων μηθὲν προσέχειν αὐτοῖσ.

τῶν παρθένων δίχα τῆσ ἐπιταγῆσ τῶν πατέρων, καὶ τὸ πιστὸν οὐκ εἰσ μακρὰν παρέξεσθαι λέγοντοσ ὑπὲρ τοῦ μηδὲν ἐξ ἐπιβουλῆσ ὑφ’ ἑαυτῶν πεπρᾶχθαι, πεισθεὶσ ὁ βασιλεὺσ συνεχώρησεν αὐτῷ πορευθέντι τὰσ παρθένουσ ἀγαγεῖν, ὡσ ὑπισχνεῖτο.

Οὐαλέριοσ μὲν δὴ τὰσ παρθένουσ ἄξων ᾤχετο·

Ταρκύνιοσ δὲ καὶ ὁ κηδεστὴσ αὐτοῦ τῶν δικαίων ὑπεριδόντεσ πράγματι ἐπεβούλευσαν ἀνοσίῳ, λόχον ὑποπέμψαντεσ εἰσ τὴν ὁδὸν ἱππέων, τάσ τε παρθένουσ ἁρπάσαι τὰσ ἀγομένασ καὶ τὸν ὕπατον καὶ τοὺσ ἄλλουσ τοὺσ ἐπὶ τὸ στρατόπεδον ἐρχομένουσ συλλαβεῖν, ὡσ ῥύσια καθέξοντεσ ἀνθ’ ὧν Ταρκύνιον ἀφείλοντο Ῥωμαῖοι χρημάτων τὰ σώματα ταῦτα, καὶ τῆσ δίκησ τὸ τέλοσ οὐκέτι περιμενοῦντεσ. οὐκ εἰάσε δ’ αὐτοῖσ κατὰ νοῦν χωρῆσαι τὴν ἐπιβουλὴν τὸ δαιμόνιον.

ἐν ὅσῳ γὰρ ἐκ τοῦ Λατίνων χάρακοσ ἐξῄεσαν οἱ μέλλοντεσ τοῖσ παραγενομένοισ ἐπιθέσθαι, φθάσασ ὁ τῶν Ῥωμαίων ὕπατοσ ἦγε τὰσ κόρασ· καὶ πρὸσ αὐταῖσ ἤδη ταῖσ πύλαισ τοῦ Τυρρηνικοῦ χάρακοσ ὢν ὐπὸ τῶν ἐπιδιωξάντων ἐκ τῆσ ἑτέρασ στρατοπεδείασ καταλαμβάνεται.

ἔνθα τῆσ συμπλοκῆσ αὐτῶν γενομένησ ταχεῖα τοῖσ Τυρρηνοῖσ αἴσθησισ ἐγένετο, καὶ κατὰ σπουδὴν ὁ τοῦ βασιλέωσ υἱὸσ ἴλην ἱππέων ἐπαγόμενοσ ἐβοήθει, καὶ ἐκ τῶν πεζῶν οἱ προκαθήμενοι τοῦ χάρακοσ συνέδραμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 33

(디오니시오스, Antiquitates Romanae, Books IV-VI, book 5, chapter 33)

상위

목록

SEARCH

MENU NAVIGATION