호흡부호 보기
강세부호 보기
장단부호 보기
작은 Iota 보기
모든 부호 보기
ἡ δὲ Φιδήνη πολιορκηθεῖσα οὐ πολλαῖσ ἡμέραισ, καθ’ ὃ μάλιστα δυσάλωτοσ εἶναι μέροσ ἐδόκει καὶ ὑπ’ ὀλίγων ἐφυλάσσετο, κατὰ τοῦτ’ ἐλήφθη. οὐ μὴν ἀνδραποδισμοῦ γ’ ἢ κατασκαφῆσ ἐπειράθη φόνοσ τ’ ἀνθρώπων οὐ πολὺσ ἐγένετο μετὰ τὴν ἅλωσιν· ἀποχρῶσα γὰρ ἐφάνη ζημία τοῖσ ὑπάτοισ πόλεωσ ὁμοεθνοῦσ ἁμαρτούσησ ἁρπαγὴ χρημάτων τε καὶ ἀνδραπόδων καὶ ὁ τῶν κατὰ τὴν μάχην ἀπολομένων ὄλεθροσ· τοῦ δὲ μὴ προχείρωσ ἔτι τοὺσ ἑαλωκότασ ἐπὶ τὰ ὅπλα χωρῆσαι φυλακὴ γενήσεσθαι μετρία καὶ συνήθησ Ῥωμαίοισ, ἡ τῶν αἰτίων τῆσ ἀποστάσεωσ κόλασισ. συγκαλέσαντεσ δὴ Φιδηναίων τοὺσ ἁλόντασ εἰσ τὴν ἀγορὰν καὶ πολλὰ τῆσ ἀνοίασ αὐτῶν κατηγορήσαντεσ ἀξίουσ τ’ εἶναι φήσαντεσ ἅπαντασ ἡβηδὸν ἀπολωλέναι μήτε ταῖσ εὐεργεσίαισ χάριν εἰδότασ μήτε τοῖσ κακοῖσ σωφρονιζομένουσ, ῥάβδοισ αἰκισάμενοι τοὺσ ἐπιφανεστάτουσ ἁπάντων ὁρώντων ἀπέκτειναν·
τοὺσ δὲ λοιποὺσ εἰάσαν οἰκεῖν ὡσ πρότερον ᾤκουν φρουροὺσ συγκατοικίσαντεσ αὐτοῖσ, ὅσουσ ἔκρινεν ἡ βουλή, καὶ τῆσ χώρασ ἀφελόμενοί τινα μοῖραν τοῖσ φρουροῖσ ἔδωκαν.
ταῦτα διαπραξάμενοι τὴν δύναμιν ἀπῆγον ἐκ τῆσ τῶν πολεμίων καὶ τὸν ὑπὸ τῆσ βουλῆσ ψηφισθέντα θρίαμβον κατήγαγον. ταῦτα μὲν ἐπὶ τῆσ τούτων ὑπατείασ ἐπράχθη.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기