헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 5, chapter 2)

δοκεῖ, μὴ δόξα τοῖσ πολλοῖσ ἐγγένηται περὶ τῆσ καινῆσ πολιτείασ οὐκ ἀληθήσ, ὅτι δύο βασιλεῖσ κύριοι γεγόνασι τῆσ πόλεωσ ἀνθ’ ἑνὸσ ἑκατέρου τῶν ὑπάτων τοὺσ δώδεκα πελέκεισ ἔχοντοσ, ὥσπερ εἶχον οἱ βασιλεῖσ, ἔκριναν τό τε δέοσ ἀφελέσθαι τῶν πολιτῶν καὶ τῆσ ἐξουσίασ μειῶσαι τὸν φθόνον, τοῦ μὲν ἑτέρου τῶν ὑπάτων τοὺσ δώδεκα κατατάξαντεσ προηγεῖσθαι πελέκεισ, τοῦ δ’ ἑτέρου δώδεκα ὑπηρέτασ ῥάβδουσ ἔχοντασ μόνον, ὡσ δέ τινεσ ἱστοροῦσι, καὶ κορύνασ, γίνεσθαι δὲ τῶν πελέκεων τὴν παράληψιν ἐκ περιτροπῆσ ἕνα μῆνα κατέχοντοσ αὐτοὺσ ἑκατέρου παραλλάξ. τοῦτο δὴ τὸ πολίτευμα καταστησάμενοι καὶ ἄλλα τούτοισ παραπλήσια οὐκ ὀλίγα πρόθυμον ἐποίησαν εἰσ τὴν διαμονὴν τῶν πραγμάτων τὸν δημότην καὶ ταπεινὸν ὄχλον καὶ γὰρ τοὺσ νόμουσ τοὺσ περὶ τῶν συμβολαίων τοὺσ ὑπὸ Τυλλίου γραφέντασ φιλανθρώπουσ καὶ δημοτικοὺσ εἶναι δοκοῦντασ, οὓσ ἅπαντασ κατέλυσε Ταρκύνιοσ, ἀνενεώσαντο καὶ τὰσ θυσίασ τάσ τε κατὰ πόλιν καὶ τὰσ ἐπὶ τῶν ἀγρῶν, ἃσ ἐποιοῦντο κοινῶσ συνιόντεσ οἱ δημόται τε καὶ οἱ φυλέται, πάλιν προσέταξαν ἐπιτελεῖσθαι, ὡσ ἐπὶ Τυλλίου συνετελοῦντο·

ἐκκλησιάζειν τ’ αὐτοῖσ ἀπέδοσαν ὑπὲρ τῶν μεγίστων καὶ ψῆφον ἐπιφέρειν καὶ τἆλλα πράττειν, ὅσα κατὰ τοὺσ προτέρουσ ἐθισμοὺσ ἔπραττον.

τοῖσ μὲν οὖν πολλοῖσ καθ’ ἡδονὴν τὰ γινόμενα ὑπ’ αὐτῶν ἦν ἐκ πολυχρονίου δουλείασ εἰσ ἀνέλπιστον ἀφιγμένοισ ἐλευθερίαν, εὑρέθησαν δέ τινεσ ἐξ αὐτῶν ὅμωσ, οἷσ πόθοσ ἦν τῶν ἐν τυραννίδι κακῶν δι’ εὐήθειαν ἢ διὰ πλεονεξίαν, ἄνδρεσ οὐκ ἀφανεῖσ, οἳ συνώμοσαν ἐπὶ προδοσίᾳ τῆσ πόλεωσ Ταρκύνιόν τε καταδέξασθαι συνθέμενοι καὶ τοὺσ ὑπάτουσ ἀποκτεῖναι.

ἡγεμόνεσ δ’ αὐτῶν οἵτινεσ ἐγένοντο καὶ δι’ οἱάσ ἐξηλέγχθησαν ἀνελπίστου συντυχίασ καίτοι πάντασ ἀνθρώπουσ λεληθέναι δοκοῦντεσ, μικρὰ τῶν ἔμπροσθεν γενομένων ἀναλαβὼν λέξω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 5, chapter 2

(디오니시오스, Antiquitates Romanae, Books IV-VI, book 5, chapter 2)

상위

목록

SEARCH

MENU NAVIGATION