헬라어 문장 검색 - Διοδορ́Βιβλιοτ́2́27́

(디오도로스 시켈로스, Bibliotheca Historica, book 2, chapter 26)

μετακληθέντων οὖν πάντων πάλιν καὶ τὸν ὡρισμένον χρόνον ἀναμεινάντων, ἧκέ τισ ἀπαγγέλλων διότι δύναμισ ἐκ τῆσ Βακτριανῆσ ἀπεσταλμένη τῷ βασιλεῖ πλησίον ἐστὶ πορευομένη κατὰ σπουδήν. ἔδοξεν οὖν τοῖσ περὶ τὸν Ἀρβάκην ἀπαντῆσαι τοῖσ στρατηγοῖσ τὴν ταχίστην ἀναλαβόντασ τῶν στρατιωτῶν τοὺσ κρατίστουσ καὶ μάλιστ’ εὐζώνουσ, ὅπωσ, ἂν μὴ διὰ τῶν λόγων τοὺσ Βακτριανοὺσ δύνωνται πεῖσαι συναποστῆναι, τοῖσ ὅπλοισ βιάσωνται μετασχεῖν τῶν αὐτῶν ἐλπίδων.

τέλοσ δὲ πρὸσ τὴν ἐλευθερίαν ἀσμένωσ ὑπακουσάντων τὸ μὲν πρῶτον τῶν ἡγεμόνων, ἔπειτα καὶ τῆσ ὅλησ δυνάμεωσ, πάντεσ ἐν ταὐτῷ κατεστρατοπέδευσαν.

ὅτε δὴ συνέβη τὸν βασιλέα τῶν Ἀσσυρίων τὴν μὲν ἀπόστασιν τῶν Βακτριανῶν ἀγνοοῦντα, ταῖσ δὲ προγεγενημέναισ εὐημερίαισ μετεωρισθέντα, τραπῆναι πρὸσ ἄνεσιν, καὶ τοῖσ στρατιώταισ διαδοῦναι πρὸσ εὐωχίαν ἱερεῖα καὶ πλῆθοσ οἴνου τε καὶ τῶν ἄλλων ἐπιτηδείων.

διόπερ τῆσ δυνάμεωσ ἁπάσησ ἑστιωμένησ, οἱ περὶ τὸν Ἀρβάκην παρά τινων αὐτομόλων πυθόμενοι τὴν ἐν τῇ παρεμβολῇ τῶν πολεμίων ῥᾳθυμίαν καὶ μέθην, νυκτὸσ ἀπροσδοκήτωσ τὴν ἐπίθεσιν ἐποιήσαντο. προσπεσόντεσ δὲ συντεταγμένοι μὲν ἀσυντάκτοισ, ἕτοιμοι δ’ ἀπαρασκεύοισ, τῆσ τε παρεμβολῆσ ἐκράτησαν καὶ τῶν στρατιωτῶν πολλοὺσ ἀνελόντεσ τοὺσ ἄλλουσ μέχρι τῆσ πόλεωσ κατεδίωξαν.

μετὰ δὲ ταῦτα ὁ μὲν βασιλεὺσ Γαλαιμένην τὸν ἀδελφὸν τῆσ γυναικὸσ ἀποδείξασ στρατηγόν, αὐτὸσ τῶν κατὰ τὴν πόλιν ἐπιμέλειαν ἐποιεῖτο·

οἱ δ’ ἀποστάται κατὰ τὸ πεδίον τὸ πρὸ τῆσ πόλεωσ παραταξάμενοι δυσὶ μάχαισ ἐνίκησαν τοὺσ Ἀσσυρίουσ, καὶ τόν τε Γαλαιμένην ἀνεῖλον καὶ τῶν ἀντιταξαμένων τοὺσ μὲν ἐν τῇ φυγῇ κατέσφαξαν, τοὺσ δ’ ἀποκλεισθέντασ τῆσ εἰσ τὴν πόλιν ἐπανόδου καὶ συναναγκασθέντασ ἑαυτοὺσ ῥιπτεῖν εἰσ τὸν Εὐφράτην ποταμὸν πλὴν ὀλίγων ἅπαντασ ἀνεῖλον. τοσοῦτο δὲ πλῆθοσ ἦν τῶν φονευθέντων ὥστε τὸ φερόμενον ῥεῦμα κραθὲν αἵματι τὴν χρόαν ἐφ’ ἱκανὸν τόπον μεταβαλεῖν.

ἔπειτα τοῦ βασιλέωσ συγκλεισθέντοσ εἰσ πολιορκίαν πολλὰ τῶν ἐθνῶν ἀφίστατο, ἑκάστου πρὸσ τὴν ἐλευθερίαν αὐτομολοῦντοσ. ὁ δὲ Σαρδανάπαλλοσ ὁρῶν τὴν ὅλην βασιλείαν ἐν τοῖσ μεγίστοισ οὖσαν κινδύνοισ, τοὺσ μὲν υἱοὺσ τρεῖσ ὄντασ καὶ θυγατέρασ δύο μετὰ πολλῶν χρημάτων εἰσ Παφλαγονίαν ἀπέστειλε πρὸσ Κότταν τὸν ἔπαρχον, ὄντα τῶν ἀρχομένων εὐνούστατον, αὐτὸσ δὲ βιβλιαφόρουσ ἀποστείλασ πρὸσ ἅπαντασ τοὺσ ὑπ’ αὐτὸν τεταγμένουσ μετεπέμπετο δυνάμεισ καὶ τὰ πρὸσ τὴν πολιορκίαν παρεσκευάζετο.

ἦν δ’ αὐτῷ λόγιον παραδεδομένον ἐκ προγόνων ὅτι τὴν Νίνον οὐδεὶσ ἑλεῖ κατὰ κράτοσ, ἐὰν μὴ πρότερον ὁ ποταμὸσ τῇ πόλει γένηται πολέμιοσ.

ὑπολαμβάνων οὖν τοῦτο μηδέποτε ἔσεσθαι, ταῖσ ἐλπίσι ἀντεῖχε, διανοούμενοσ ὑπομένειν τὴν πολιορκίαν καὶ τὰ παρὰ τῶν ὑποτεταγμένων ἀποσταλησόμενα στρατόπεδα προσδέχεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 26

(디오도로스 시켈로스, Bibliotheca Historica, book 2, chapter 26)

상위

목록

SEARCH

MENU NAVIGATION