헬라어 문장 검색 - Διοδορ́Βιβλιοτ́2́19́

(디오도로스 시켈로스, Bibliotheca Historica, book 2, chapter 18)

ἐπεὶ δ’ αὐτῷ πάντα τὰ πρὸσ τὸν πόλεμον κατεσκεύαστο, πρὸσ τὴν Σεμίραμιν καθ’ ὁδὸν οὖσαν ἀπέστειλεν ἀγγέλουσ, ἐγκαλῶν ὅτι προκατάρχεται τοῦ πολέμου μηδὲν ἀδικηθεῖσα· πολλὰ δὲ καὶ ἄρρητα κατ’ αὐτῆσ ὡσ ἑταίρασ βλασφημήσασ διὰ τῶν γραμμάτων καὶ θεοὺσ ἐπιμαρτυράμενοσ, ἠπείλει καταπολεμήσασ αὐτὴν σταυρῷ προσηλώσειν. ἡ δὲ Σεμίραμισ ἀναγνοῦσα τὴν ἐπιστολὴν καὶ καταγελάσασα τῶν γεγραμμένων, διὰ τῶν ἔργων ἔφησε τὸν Ἰνδὸν πειράσεσθαι τῆσ περὶ αὐτὴν ἀρετῆσ.

ἐπεὶ δὲ προάγουσα μετὰ τῆσ δυνάμεωσ ἐπὶ τὸν Ἰνδὸν ποταμὸν παρεγενήθη, κατέλαβε τὰ τῶν πολεμίων πλοῖα πρὸσ μάχην ἕτοιμα. διόπερ καὶ αὐτὴ καταρτίσασα ταχέωσ τὰσ ναῦσ καὶ πληρώσασα τῶν κρατίστων ἐπιβατῶν συνεστήσατο κατὰ τὸν ποταμὸν ναυμαχίαν, συμφιλοτιμουμένων καὶ τῶν παρεμβεβληκότων παρὰ τὸ ῥεῖθρον πεζῶν.

ἐπὶ πολὺν δὲ χρόνον τοῦ κινδύνου παρατείνοντοσ καὶ προθύμωσ ἑκατέρων ἀγωνισαμένων, τὸ τελευταῖον ἡ Σεμίραμισ ἐνίκησε καὶ διέφθειρε τῶν πλοίων περὶ χίλια, συνέλαβε δ’ αἰχμαλώτουσ μαλώτουσ οὐκ ὀλίγουσ.

ἐπαρθεῖσα δὲ τῇ νίκῃ τὰσ ἐν τῷ ποταμῷ νήσουσ καὶ πόλεισ ἐξηνδραποδίσατο, καὶ συνήγαγεν αἰχμαλώτων σωμάτων ὑπὲρ τὰσ δέκα μυριάδασ.

μετὰ δὲ ταῦθ’ ὁ μὲν τῶν Ἰνδῶν βασιλεὺσ ἀπήγαγε τὴν δύναμιν ἀπὸ τοῦ ποταμοῦ, προσποιούμενοσ μὲν ἀναχωρεῖν διὰ φόβον, τῇ δ’ ἀληθείᾳ βουλόμενοσ τοὺσ πολεμίουσ προτρέψασθαι διαβῆναι τὸν ποταμόν. ἡ δὲ Σεμίραμισ, κατὰ νοῦν αὐτῇ τῶν πραγμάτων προχωρούντων, ἔζευξε τὸν ποταμὸν κατασκευάσασα πολυτελῆ καὶ μεγάλην γέφυραν, δι’ ἧσ ἅπασαν διακομίσασα τὴν δύναμιν ἐπὶ μὲν τοῦ ζεύγματοσ φυλακὴν κατέλιπεν ἀνδρῶν ἑξακισμυρίων, τῇ δ’ ἄλλῃ στρατιᾷ προῆγεν ἐπιδιώκουσα τοὺσ Ἰνδούσ, προηγουμένων τῶν εἰδώλων, ὅπωσ οἱ τῷν πολεμίων κατάσκοποι τῷ βασιλεῖ ἀπαγγείλωσι τὸ πλῆθοσ τῶν παρ’ αὐτῇ θηρίων.

οὐ διεψεύσθη δὲ κατά γε τοῦτο τῆσ ἐλπίδοσ, ἀλλὰ τῶν ἐπὶ κατασκοπὴν ἐκπεμφθέντων τοῖσ Ἰνδοῖσ ἀπαγγελλόντων τὸ πλῆθοσ τῶν παρὰ τοῖσ πολεμίοισ ἐλεφάντων, ἅπαντεσ διηποροῦντο πόθεν αὐτῇ συνακολουθεῖ τοσοῦτο πλῆθοσ θηρίων.

οὐ μὴν ἔμεινέ γε τὸ ψεῦδοσ πλείω χρόνον κρυπτόμενον·

τῶν γὰρ παρὰ τῇ Σεμιράμιδι στρατευομένων τινὲσ κατελήφθησαν νυκτὸσ ἐν τῇ στρατοπεδείᾳ ῥᾳθυμοῦντεσ τὰ περὶ τὰσ φυλακάσ· φοβηθέντεσ δὲ τὴν ἐπακολουθοῦσαν τιμωρίαν ηὐτομόλησαν πρὸσ τοὺσ πολεμίουσ καὶ τὴν κατὰ τοὺσ ἐλέφαντασ πλάνην ἀπήγγειλαν. ἐφ’ οἷσ θαρρήσασ ὁ τῶν Ἰνδῶν βασιλεὺσ καὶ τῇ δυνάμει διαγγείλασ τὰ περὶ τῶν εἰδώλων, ἐπέστρεψεν ἐπὶ τοὺσ Ἀσσυρίουσ διατάξασ τὴν δύναμιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 18

(디오도로스 시켈로스, Bibliotheca Historica, book 2, chapter 18)

상위

목록

SEARCH

MENU NAVIGATION