헬라어 문장 검색 - Διοδορ́Βιβλιοτ́2́09́

(디오도로스 시켈로스, Bibliotheca Historica, book 2, chapter 8)

πρὸσ δὲ τὴν ὀξύτητα τῆσ τούτων οἰκοδομίασ ἑκάστῳ τῶν φίλων στάδιον διεμέτρησε, δοῦσα τὴν ἱκανὴν εἰσ τοῦτο χορηγίαν καὶ διακελευσαμένη τέλοσ ἐπιθεῖναι τοῖσ ἔργοισ ἐν ἐνιαυτῷ. ὧν ποιησάντων τὸ προσταχθὲν μετὰ πολλῆσ σπουδῆσ, τούτων μὲν ἀπεδέξατο τὴν φιλοτιμίαν, αὐτὴ δὲ κατὰ τὸ στενώτατον μέροσ τοῦ ποταμοῦ γέφυραν σταδίων πέντε τὸ μῆκοσ κατεσκεύασεν, εἰσ βυθὸν φιλοτέχνωσ καθεῖσα τοὺσ κίονασ, οἳ διεστήκεσαν ἀπ’ ἀλλήλων πόδασ δώδεκα.

τοὺσ δὲ συνερειδομένουσ λίθουσ τόρμοισ σιδηροῖσ διελάμβανε, καὶ τὰσ τούτων ἁρμονίασ ἐπλήρου μόλιβδον ἐντήκουσα. τοῖσ δὲ κίοσι πρὸ τῶν τὸ ῥεῦμα δεχομένων πλευρῶν γωνίασ προκατεσκεύασεν ἐχούσασ τὴν ἀπορροὴν περιφερῆ καὶ συνδεδεμένην κατ’ ὀλίγον ἑώσ τοῦ κατὰ τὸν κίονα πλάτουσ, ὅπωσ αἱ μὲν περὶ τὰσ γωνίασ ὀξύτητεσ τέμνωσι τὴν καταφορὰν τοῦ ῥεύματοσ, αἱ δὲ περιφέρειαι τῇ τούτου βίᾳ συνείκουσαι πραΰνωσι τὴν σφοδρότητα τοῦ ποταμοῦ. ἡ μὲν οὖν γέφυρα, κεδρίναισ καὶ κυπαριττίναισ δοκοῖσ, ἔτι δὲ φοινίκων στελέχεσιν ὑπερμεγέθεσι κατεστεγασμένη καὶ τριάκοντα ποδῶν οὖσα τὸ πλάτοσ, οὐδενὸσ ἐδόκει τῶν Σεμιράμιδοσ ἔργων τῇ φιλοτεχνίᾳ λείπεσθαι.

ἐξ ἑκατέρου δὲ μέρουσ τοῦ ποταμοῦ κρηπῖδα πολυτελῆ κατεσκεύασε παραπλησίαν κατὰ τὸ πλάτοσ τοῖσ τείχεσιν ἐπὶ σταδίουσ ἑκατὸν ἑξήκοντα. ᾠκοδόμησε δὲ καὶ βασίλεια διπλᾶ παρ’ αὐτὸν τὸν ποταμὸν ἐξ ἑκατέρου μέρουσ τῆσ γεφύρασ, ἐξ ὧν ἅμ’ ἔμελλε τήν τε πόλιν ἅπασαν κατοπτεύσειν καὶ καθαπερεὶ τὰσ κλεῖσ ἕξειν τῶν ἐπικαιροτάτων τῆσ πόλεωσ τόπων. τοῦ δ’ Εὐφράτου διὰ μέσησ τῆσ Βαβυλῶνοσ ῥέοντοσ καὶ πρὸσ μεσημβρίαν καταφερομένου, τῶν βασιλείων τὰ μὲν πρὸσ ἀνατολὴν ἔνευε, τὰ δὲ πρὸσ δύσιν, ἀμφότερα δὲ πολυτελῶσ κατεσκεύαστο.

τοῦ μὲν γὰρ πρὸσ ἑσπέραν κειμένου μέρουσ ἐποίησε τὸν πρῶτον περίβολον ἑξήκοντα σταδίων, ὑψηλοῖσ καὶ πολυτελέσι τείχεσιν ὠχυρωμένον, ἐξ ὀπτῆσ πλίνθου. ἕτερον δ’ ἐντὸσ τούτου κυκλοτερῆ κατεσκεύασε, καθ’ ὃν ἐν ὠμαῖσ ἔτι ταῖσ πλίνθοισ διετετύπωτο θηρία παντοδαπὰ τῇ τῶν χρωμάτων φιλοτεχνίᾳ τὴν ἀλήθειαν ἀπομιμούμενα· οὗτοσ δ’ ὁ περίβολοσ ἦν τὸ μὲν μῆκοσ σταδίων τετταράκοντα, τὸ δὲ πλάτοσ ἐπὶ τριακοσίασ πλίνθουσ, τὸ δ’ ὕψοσ, ὡσ Κτησίασ φησίν, ὀργυιῶν πεντήκοντα·

τῶν δὲ πύργων ὑπῆρχε τὸ ὕψοσ ὀργυιῶν ἑβδομήκοντα. κατεσκεύασε δὲ καὶ τρίτον ἐνδοτέρω περίβολον, ὃσ περιεῖχεν ἀκρόπολιν, ἧσ ἡ μὲν περίμετροσ ἦν σταδίων εἴκοσι, τὸ δὲ ὕψοσ καὶ πλάτοσ τῆσ οἰκοδομίασ ὑπεραῖρον τοῦ μέσου τείχουσ τὴν κατασκευήν.

ἐνῆσαν δ’ ἔν τε τοῖσ πύργοισ καὶ τείχεσι ζῷα παντοδαπὰ φιλοτέχνωσ τοῖσ τε χρώμασι καὶ τοῖσ τῶν τύπων ἀπομιμήμασι κατεσκευασμένα· τὸ δ’ ὅλον ἐπεποίητο κυνήγιον παντοίων θηρίων ὑπάρχον πλῆρεσ, ὧν ἦσαν τὰ μεγέθη πλέον ἢ πηχῶν τεττάρων. κατεσκεύαστο δ’ ἐν αὐτοῖσ καὶ ἡ Σεμίραμισ ἀφ’ ἵππου πάρδαλιν ἀκοντίζουσα, καὶ πλησίον αὐτῆσ ὁ ἀνὴρ Νίνοσ παίων ἐκ χειρὸσ λέοντα λόγχῃ. ἐπέστησε δὲ καὶ πύλασ τριττάσ, ὧν ὑπῆρχον διτταὶ χαλκαῖ διὰ μηχανῆσ ἀνοιγόμεναι.

ταῦτα μὲν οὖν τὰ βασίλεια καὶ τῷ μεγέθει καὶ ταῖσ κατασκευαῖσ πολὺ προεῖχε τῶν ὄντων ἐπὶ θάτερα μέρη τοῦ ποταμοῦ. ἐκεῖνα γὰρ εἶχε τὸν μὲν περίβολον τοῦ τείχουσ τριάκοντα σταδίων ἐξ ὀπτῆσ πλίνθου, ἀντὶ δὲ τῆσ περὶ τὰ ζῷα φιλοτεχνίασ χαλκᾶσ εἰκόνασ Νίνου καὶ Σεμιράμιδοσ καὶ τῶν ὑπάρχων, ἔτι δὲ Διόσ, ὃν καλοῦσιν οἱ Βαβυλώνιοι Βῆλον· ἐνῆσαν δὲ καὶ παρατάξεισ καὶ κυνήγια παντοδαπά, ποικίλην ψυχαγωγίαν παρεχόμενα τοῖσ θεωμένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 2, chapter 8

(디오도로스 시켈로스, Bibliotheca Historica, book 2, chapter 8)

상위

목록

SEARCH

MENU NAVIGATION