Pausanias, Description of Greece, Ἀττικά, chapter 21 10:

ὅστισ δὲ οὐκ εἶδέ πω δράκοντα, πίτυόσ γε εἶδε καρπὸν χλωρὸν ἔτι· ταῖσ οὖν ἐπὶ τῷ καρπῷ τῆσ πίτυοσ φαινομέναισ ἐντομαῖσ εἰκάζων τὸ ἔργον τὸ ἐκ τῆσ ὁπλῆσ οὐκ ἂν ἁμαρτάνοι. ταῦτα διατρήσαντεσ καὶ νεύροισ ἵππων καὶ βοῶν συρράψαντεσ χρῶνται θώραξιν οὔτε εὐπρεπείᾳ τῶν Ἑλληνικῶν ἀποδέουσιν οὔτε ἀσθενεστέροισ· καὶ γὰρ συστάδην τυπτόμενοι καὶ βληθέντεσ ἀνέχονται.