헬라어 문장 검색 - ΠολψβίΗιστορί05́086́

(폴리비오스, Histories, book 5, chapter 86)

Πτολεμαῖοσ δὲ διὰ μὲν τῆσ φάλαγγοσ τὰ ὅλα διακρίνασ, διὰ δὲ τῶν ἀπὸ τοῦ δεξιοῦ κέρατοσ ἱππέων καὶ μισθοφόρων πολλοὺσ ἀποκτείνασ κατὰ τὸ δίωγμα τῶν ὑπεναντίων, τότε μὲν ἀναχωρήσασ ἐπὶ τῆσ ὑπαρχούσησ ηὐλίσθη παρεμβολῆσ. τῇ δ’ ἐπαύριον τοὺσ μὲν ἰδίουσ νεκροὺσ ἀνελόμενοσ καὶ θάψασ, τοὺσ δὲ τῶν ἐναντίων σκυλεύσασ, ἀνέζευξε καὶ προῆγε πρὸσ τὴν Ῥαφίαν.

ὁ δ’ Ἀντίοχοσ ἐκ τῆσ φυγῆσ ἐβούλετο μὲν εὐθέωσ ἔξω στρατοπεδεύειν, συναθροίσασ τοὺσ ἐν τοῖσ συστήμασι πεφευγότασ, τῶν δὲ πλείστων εἰσ τὴν πόλιν πεποιημένων τὴν ἀποχώρησιν ἠναγκάσθη καὶ αὐτὸσ εἰσελθεῖν.

οὗτοσ μὲν οὖν ὑπὸ τὴν ἑωθινὴν ἐξαγαγὼν τὸ σῳζόμενον μέροσ τῆσ δυνάμεωσ διέτεινε πρὸσ Γάζαν, κἀκεῖ καταστρατοπεδεύσασ καὶ διαπεμψάμενοσ περὶ τῆσ τῶν νεκρῶν ἀναιρέσεωσ, ἐκήδευσε τοὺσ τεθνεῶτασ ὑποσπόνδουσ.

ἦσαν δ’ οἱ τετελευτηκότεσ τῶν παρ’ Ἀντιόχου πεζοὶ μὲν οὐ πολὺ λείποντεσ μυρίων, ἱππεῖσ δὲ πλείουσ τριακοσίων·

ζωγρίᾳ δ’ ἑάλωσαν ὑπὲρ τοὺσ τετρακισχιλίουσ. ἐλέφαντεσ δὲ τρεῖσ μὲν παραχρῆμα, δύο δ’ ἐκ τῶν τραυμάτων ἀπέθανον.

τῶν δὲ παρὰ Πτολεμαίου πεζοὶ μὲν εἰσ χιλίουσ καὶ πεντακοσίουσ ἐτελεύτησαν, ἱππεῖσ δ’ εἰσ ἑπτακοσίουσ· τῶν δ’ ἐλεφάντων ἑκκαίδεκα μὲν ἀπέθανον, ᾑρέθησαν δ’ αὐτῶν οἱ πλείουσ. Ἡ μὲν οὖν πρὸσ Ῥαφίαν μάχη γενομένη τοῖσ βασιλεῦσι περὶ Κοίλησ Συρίασ τοῦτον ἀπετελέσθη τὸν τρόπον·

μετὰ δὲ τὴν τῶν νεκρῶν ἀναίρεσιν Ἀντίοχοσ μὲν ἐποιεῖτο τὴν ἀποχώρησιν εἰσ τὴν οἰκείαν μετὰ τῆσ δυνάμεωσ, Πτολεμαῖοσ δὲ τήν τε Ῥαφίαν καὶ τὰσ ἄλλασ πόλεισ ἐξ ἐφόδου παρελάμβανε, πάντων τῶν πολιτευμάτων ἁμιλλωμένων ὑπὲρ τοῦ φθάσαι τοὺσ πέλασ περὶ τὴν ἀποκατάστασιν καὶ μετάθεσιν τὴν πρὸσ αὐτόν.

ἴσωσ μὲν οὖν εἰώθασι πάντεσ περὶ τοὺσ τοιούτουσ καιροὺσ ἁρμόζεσθαί πωσ ἀεὶ πρὸσ τὸ παρόν·

μάλιστα δὲ τὸ κατ’ ἐκείνουσ τοὺσ τόπουσ γένοσ τῶν ἀνθρώπων εὐφυὲσ καὶ πρόχειρον πρὸσ τὰσ ἐκ τοῦ καιροῦ χάριτασ. τότε δὲ καὶ τῆσ εὐνοίασ προκαθηγουμένησ πρὸσ τοὺσ ἀπὸ τῆσ Ἀλεξανδρείασ βασιλεῖσ εἰκότωσ τοῦτο συνέβαινε γίνεσθαι·

τῇ γὰρ οἰκίᾳ ταύτῃ μᾶλλον ἀεί πωσ οἱ κατὰ Κοίλην Συρίαν ὄχλοι προσκλίνουσι. διόπερ οὐκ ἀπέλειπον ὑπερβολὴν ἀρεσκείασ, στεφάνοισ καὶ θυσίαισ καὶ βωμοῖσ καὶ παντὶ τῷ τοιούτῳ τρόπῳ τιμῶντεσ τὸν Πτολεμαῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 5, chapter 86

(폴리비오스, Histories, book 5, chapter 86)

상위

목록

SEARCH

MENU NAVIGATION