헬라어 문장 검색 - ΠολψβίΗιστορί05́082́

(폴리비오스, Histories, book 5, chapter 82)

Οἱ δὲ βασιλεῖσ πένθ’ ἡμέρασ ἀντιστρατοπεδεύσαντεσ ἀλλήλοισ, ἔγνωσαν ἀμφότεροι διὰ μάχησ κρίνειν τὰ πράγματα. καταρχομένων δὲ τῶν περὶ τὸν Πτολεμαῖον κινεῖν τὴν δύναμιν ἐκ τοῦ χάρακοσ, εὐθέωσ οἱ περὶ τὸν Ἀντίοχον ἀντεξῆγον.

καὶ τὰσ μὲν φάλαγγασ ἀμφότεροι καὶ τοὺσ ἐπιλέκτουσ τοὺσ εἰσ τὸν Μακεδονικὸν τρόπον καθωπλισμένουσ κατὰ πρόσωπον ἀλλήλων ἔταξαν, τὰ δὲ κέρατα Πτολεμαίῳ μὲν ἑκάτερα τουτονὶ συνίστατο τὸν τρόπον. Πολυκράτησ μὲν εἶχε μετὰ τῶν ὑφ’ ἑαυτὸν ἱππέων τὸ λαιὸν κέρασ·

τούτου δὲ καὶ τῆσ φάλαγγοσ μεταξὺ Κρῆτεσ ἦσαν παρ’ αὐτοὺσ τοὺσ ἱππεῖσ, ἑξῆσ δὲ τούτοισ τὸ βασιλικὸν ἄγημα, μετὰ δὲ τούτουσ οἱ μετὰ Σωκράτουσ πελτασταί, συνάπτοντεσ τοῖσ Λίβυσι τοῖσ εἰσ τὸν Μακεδονικὸν τρόπον καθωπλισμένοισ.

ἐπὶ δὲ τοῦ δεξιοῦ κέρωσ Ἐχεκράτησ ἦν ὁ Θετταλόσ, ἔχων τοὺσ ὑφ’ αὑτὸν ἱππεῖσ·

παρὰ δὲ τοῦτον ἐκ τῶν εὐωνύμων. ἵσταντο Γαλάται καὶ Θρᾷκεσ·

ἑξῆσ δὲ τούτοισ Φοξίδασ εἶχε τοὺσ ἀπὸ τῆσ Ἑλλάδοσ μισθοφόρουσ, συνάπτοντασ τοῖσ τῶν Αἰγυπτίων φαλαγγίταισ. τῶν δὲ θηρίων τὰ μὲν τετταράκοντα κατὰ τὸ λαιὸν ἦν, ἐφ’ οὗ Πτολεμαῖοσ αὐτὸσ ἔμελλε ποιεῖσθαι τὸν κίνδυνον, τὰ δὲ τριάκοντα καὶ τρία πρὸ τοῦ δεξιοῦ κέρατοσ ἐτέτακτο κατ’ αὐτοὺσ τοὺσ μισθοφόρουσ ἱππεῖσ.

Ἀντίοχοσ δὲ τοὺσ μὲν ἑξήκοντα τῶν ἐλεφάντων, ἐφ’ ὧν ἦν Φίλιπποσ ὁ σύντροφοσ αὐτοῦ, πρὸ τοῦ δεξιοῦ κέρατοσ προέστησε, καθ’ ὃ ποιεῖσθαι τὸν κίνδυνον αὐτὸσ ἔμελλε πρὸσ τοὺσ περὶ τὸν Πτολεμαῖον·

τούτων δὲ κατόπιν δισχιλίουσ μὲν ἱππεῖσ τοὺσ ὑπ’ Ἀντίπατρον ταττομένουσ ἐπέστησε, δισχιλίουσ δ’ ἐν ἐπικαμπίῳ παρενέβαλε.

παρὰ δὲ τοὺσ ἱππεῖσ ἐν μετώπῳ τοὺσ Κρῆτασ ἔστησε·

τούτοισ δ’ ἑξῆσ ἔταξε τοὺσ ἀπὸ τῆσ Ἑλλάδοσ μισθοφόρουσ· μετὰ δὲ τούτων καὶ τῶν εἰσ τὸν Μακεδονικὸν τρόπον καθωπλισμένων τοὺσ μετὰ Βυττάκου τοῦ Μακεδόνοσ ὄντασ πεντακισχιλίουσ παρενέβαλε. μετὰ δὲ τούτουσ Κισσίουσ καὶ Μήδουσ καὶ Καρμανίουσ, παρὰ δὲ τούτουσ Ἄραβασ ἅμα τοῖσ προσχώροισ, συνάπτοντασ τῇ φάλαγγι.

τὰ δὲ κατάλοιπα τῶν θηρίων τοῦ λαιοῦ κέρατοσ προεβάλετο, τῶν βασιλικῶν τινα γεγονότα παίδων ἐπιστήσασ Μυί̈σκον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 5, chapter 82

(폴리비오스, Histories, book 5, chapter 82)

상위

목록

SEARCH

MENU NAVIGATION