헬라어 텍스트

Polybius, Histories, book 5, chapter 72

(폴리비오스, Histories, book 5, chapter 72)

Κατὰ δὲ τὴν αὐτὴν θερείαν Πεδνηλισσεῖσ, πολιορκούμενοι καὶ κινδυνεύοντεσ ὑπὸ Σελγέων, διεπέμψαντο περὶ βοηθείασ πρὸσ Ἀχαιόν. ὁ δ’ Ἀχαιόσ, προχειρισάμενοσ Γαρσύηριν μετὰ πεζῶν ἑξακισχιλίων, ἱππέων δὲ πεντακοσίων, ἐξαπέστειλε σπουδῇ παραβοηθήσοντα τοῖσ Πεδνηλισσεῦσιν.

οἱ δὲ Σελγεῖσ, συνέντεσ τὴν παρουσίαν τῆσ βοηθείασ, προκατελάβοντο τὰ στενὰ τὰ περὶ τὴν καλουμένην Κλίμακα τῷ πλείονι μέρει τῆσ ἑαυτῶν δυνάμεωσ, καὶ τὴν μὲν εἰσβολὴν τὴν ἐπὶ Σάπορδα κατεῖχον, τὰσ δὲ διόδουσ καὶ προσβάσεισ πάσασ ἔφθειρον.

ὁ δὲ Γαρσύηρισ, ἐμβαλὼν εἰσ τὴν Μιλυάδα καὶ καταστρατοπεδεύσασ περὶ τὴν καλουμένην Κρητῶν πόλιν, ἐπεὶ συνῄσθετο προκατεχομένων τῶν τόπων ἀδύνατον οὖσαν τὴν εἰσ τοὔμπροσθεν πορείαν, ἐπινοεῖ τινα δόλον τοιοῦτον.

ἀναζεύξασ ἦγε πάλιν εἰσ τοὐπίσω τὴν πορείαν, ὡσ ἀπεγνωκὼσ τὴν βοήθειαν διὰ τὸ προκατέχεσθαι τοὺσ τόπουσ.

ὡσ ἀπεγνωκότοσ βοηθεῖν Γαρσυήριδοσ, οἱ μὲν εἰσ τὸ στρατόπεδον ἀπεχώρησαν, οἱ δ’ εἰσ τὴν πόλιν διὰ τὸ κατεπείγειν τὴν τοῦ σίτου κομιδήν.

ὁ δὲ Γαρσύηρισ, ἐξ ἐπιστροφῆσ ἐνεργὸν ποιησάμενοσ τὴν πορείαν, ἧκε πρὸσ τὰσ ὑπερβολάσ.